Zozie 17:1 - NYANMIƐN NDƐ'N 1998

¹ Manase b'ɔ ti Zozɛf i wa kpɛnngbɛn'n i akpasua liɛ'm be kusu be nyannin be lika liɛ. Makir b'ɔ ti Manase i wa kpɛnngbɛn'n ɔ ti alɛ kunfuɛ dan, i si'n yɛlɛ Galaad, i mma liɛ'm be dun mmua nyannin be lika liɛ, yɛlɛ Galaad nin Bazan lika'n, ɔ o Zurdɛn i wia afiliɛ.

Zozie 17:1 Iomraidhean Croise

Bo Bolɛ 41:51

Zozɛf tɔnnin kpɛnngbɛn'n i dunman kɛ Manase . Afin ɔ seli kɛ: «Nyanmiɛn man mín wla ɔ'a fi min afɛ'n kwlakwla nin nun tilɛ nga e nin min osufuɛ mun e tili nun'n be su.»

Bo Bolɛ 41:52

Yɛ ɔ flɛli i sinma'n kɛ Efraim. I waan: «Nyanmiɛn man m'an nyan ba mɛn nga m'an wun nyrɛnnɛn nun yɛ'n i nun.»

Bo Bolɛ 46:20

Zozɛf wuli Manase nin Efraim Ezipt lɔ. Ɔ nin Eliopolis i amuɛn i nyrun tranfuɛ bɔ be flɛ i kɛ Potifera i wa bla Asnat yɛ be wuli be-ɔ.

Bo Bolɛ 48:17

Kɛ Zakɔb fɛli i sa fama'n sieli i Efraim i ti su'n, ɔ'a yo-man Zozɛf fɛ. I waan ɔ ´trɛ i si i sa'n nan ɔ ´fa sie i Manase ti'n su.

Bo Bolɛ 48:18

Ɔ seli i si kɛ: «Baba, nɛ́n i-ɔ, kpɛnngbɛnfuɛ'n yɛ.»

Bo Bolɛ 50:23

Zozɛf sili Efraim i anunman sian mun nan ɔ'a wu. Ɔ fali Manase i wa Makir i mma liɛ mun yoli i liɛ.

2 Samiɛl 2:9

Ɔ ko sieli i Galaad akpasua'n, nin Asɛr akpasua'n, nin Zizreɛl akpasua'n, nin Efraim akpasua'n, ɔ nin Bɛnzamɛn akpasua'n, be su famiɛn. Sɛ be ´kwla se'n, ɔ ti Izraɛl wunmuan'n su famiɛn.

1 Be Nyoliɛ 2:23

Gesirfuɛ mun, nin Aramfuɛ'm be fali Zair i klɔ kanngan mun. Yɛ be fali klɔ dan nga be flɛ i kɛ Kɛnat'n nin klɔ nga be o i asa'n su'n. Klɔ nga be fali'n be ti klɔ ablesiɛn. Be nga be tran klɔ sɔ'm be su'n, be kwlaa be ti Makir b'ɔ ti Galaad i si'n i mma mun.

Ezekiɛl 47:13

Anannganman Nyanmiɛn wan yoo: «N wa kle wɔ mɛn nga Izraɛl akpasua blu-nin-nnyɔn'm be wa cɛ nun'n i anyialiɛ mun. Zozɛf i akpasua liɛ'n, ɔ ´nyan akpasua nnyɔn lika.

Ezekiɛl 48:4

Manase i asiɛ lika liɛ'n ɔ mantan Nɛftali liɛ'n,

Kalɛ 26:29

Manase akpasua'n su osu-osu mun yɛ: Makirfuɛ mun bɔ be ti Makir i osu'n nun mma mun'n, yɛ Galaadfuɛ mun bɔ be ti Galaad i osu'n nun mma mun'n.

Kalɛ 27:1

Zɛlɔfsad lɛ ba bla mun, be yɛlɛ: Makla, nin Nɔa, nin Ɔgla, nin Milka, ɔ nin Tirza, be fin Manase osu'n nun. Osu sɔ'n fin Zozɛf i osu'n nun. Zɛlɔfsad i si'n yɛlɛ Efɛr, Efɛr kusu si'n yɛlɛ Galaad, Galaad i si'n yɛlɛ Makir, Makir i si'n yɛlɛ Manase, Manase kusu i si'n yɛlɛ Zozɛf.

Kalɛ 32:33

Moiz fali Amɔrfuɛ'm be famiɛn'n i lika'n nin Ɔg b'ɔ ti Bazan i famiɛn'n i lika'n, ɔ nin klɔ nga be mantan be lɛ'n, be nin be asiɛ mun, ɔ fa mannin Gadfuɛ mun nin Ribɛnfuɛ mun, ɔ nin Zozɛf i wa Manase i akpasua'n i bue kun.

Mmla'n 21:17

Man ɔ si kɛ bla ng'ɔ klo-mɛn i'n i wa liɛ'n yɛ ɔ ti kpɛnngbɛn-ɔn. Sɛ ɔ bu i sa nun ninnge'm be nun'n, man ɔ fɛ i bue nnyɔn mɛn i, afin i yɛ ɔ ti i gbanflɛn'n nun ba nin-ɔn. Ɔ man ba yasua kpɛnngbɛn'n i aja'n ti i bɔbɔ i liɛ.

Zozie 17:2

Manase i akpasua nga be ka lɛ'n be mannin be lika liɛ kusu. Osu sɔ'n be dunman mun yɛlɛ Abiezɛr, Elɛk, Azriɛl, Sisɛm, Efɛr ɔ nin Sɛmida. Be kwlakwla nga be o lɛ'n be ti Zozɛf i wa Manase i bo mma mun.

Zozie 22:7

Moiz fali Bazan nvle'n wie mannin Manase i akpasua'n bue'n. Akpasua bue ng'ɔ ka lɛ'n, ɔ mannin be lika liɛ be niaan'm bé wun lɔ Zurdɛn'n i bue kun lɔ.

Jɔlɛ Difuɛ Mun 5:14

Yɛ Efraim i akpasua su sran'm bɔ be kwlali Amalɛkfuɛ mun'n be bali-ɔ. Bɛnzamɛn i akpasua'n su sran'm be suli bé su, be nin be sanngannin nun. Makir osu nun sran'm be kpɛnngbɛn'm be bali, Zabilɔn i osu'n nun sran'm be kpɛnngbɛn'm be bali,