Zozie 15:7 - NYANMIƐN NDƐ'N 1998

⁷ Ɔ sin Nyrɛnnɛn kongo nun lɔ kɔ Debir nglo lɔ lika liɛ nun, kpɛkuun ɔ sin nglo lɔ ekun Gilgal wun lɔ Adɔmim kpɔlɛ'n i ndɛnman kongo'n i bo ngua. Kpɛkuun ɔ sin An-Semɛs nzue ti wun lɛ, ɔ to An-Rɔgɛl.

Zozie 15:7 Iomraidhean Croise

2 Samiɛl 17:17

Zonatan nin Asimaaz be sasa An-Rɔgɛl lɔ. Be kwla wlu-man klɔ'n nun lɔ. Afanniɛn bla kun yɛ ɔ ko kannin ndɛ'n kleli be-ɔ. Yɛ be kusu ɔ fata kɛ be ko kan be kle famiɛn David.

1 Famiɛn Mun 1:9

Le kun Adɔniza fali bua wie mun, nin nannin tola wie mun, ɔ nin nannin bɔ b'a kpɛ cro'n bɔ b'a lo kpa'n, ɔ ko kunnin be fa yili tɛ yɛbuɛ nga be flɛ i Yɛbuɛ Ng'ɔ Seli'n i wun lɔ, Ninnge Kpufuɛ'm be nzue'n i wun lɔ. Ɔ flɛli i niaan bɔ be ti i si i mma'm be ngba, ɔ nin Zida lɔ sran nga be ti i si i mantanfuɛ'm be ngba kɛ be wa di cɛn,

Ezai 65:10

Min nvle'n nunfuɛ nga be fa bé wun mantan min'n, Sarɔn lika kpɛtɛkplɛɛ'n ɔ ´yo be bua mun nin be boli'm be didiwlɛ, yɛ Akɔr kongo'n ɔ ´yo be nannin'm be lawlɛ.

Ndɛ Nga Nyanmiɛn I Nuan Ijɔfuɛ Oze Kannin'n 2:5

Sɛ ɔ ti-mɛn i ti'n, n ´kpɛ i wun kɛ ndɛkɛn yɛ b'a wu i sa, i wun yo ngblɛn. N ´yo man ɔ yo kɛ aawlɛ flɛnnɛn'n sa, ɔ ´kaci kɛ asiɛ bɔ be yo su like-ɔ ɔ yo-man ye'n sa, nzue we ´kun i lele ɔ ´wu.

Zozie 10:43

Kɛ ɔ yoli sɔ'n, Zozie, ɔ nin Izraɛlfuɛ mun be kwlaa be sali be sin Gilgal nanmue'n nun lɔ.

Zozie 15:15

Kɛ ɔ fɛ Ebrɔn lɛ'n, ɔ nin Debirfuɛ'm be kunnin, i blɛ sɔ nun'n, wuun be flɛ klɔ sɔ'n kɛ Kirzat-Sefɛr.

Zozie 15:6

ɔ fu kɔ Bɛt-Ɔgla, ɔ sin Bɛt-Araba i nglo lɔ, ɔ kpɛn yɛbuɛ nga Ribɛn i wa Bɔan i dunman wo su'n su lɔ.

Zozie 18:17

Ɔ bli kɔ nglo lɔ lika nun An-Semɛs ndɛnman nan ɔ'a ju Gilgal Adɔmim kpɔlɛ'n i nyrun sɛsɛ. Kɛ ɔ fɛ lɛ'n, ɔ jra ju yɛbuɛ nga be flɛ i kɛ Bɔan i wun lɔ. Be fali Ribɛn wa'n i dunman'n yɛ be tɔnnin i-ɔ.

Zozie 4:19

Anglo klikli'n i le blu'n su yɛ Izraɛlfuɛ'm be kpɛli Zurdɛn nin-ɔn. Be boli be nanmue'n Gilgal lɛ, Zeriko i wia afiliɛ lɔ.

Zozie 7:24

Zozie nin Izraɛlfuɛ'm be kwlaa be fali Akan, ɔ nin tralɛ'n, ɔ nin jɛtɛ ufue'n nin sika ɔkwlɛ kpɔlɛ'n, nin Akan i mma yasua mun, nin i mma bla mun, nin i nannin mun ɔ nin i aflunmun mun, nin i bua nin i boli mun, nin i tannin sua'n, ɔ nin i bo ninnge mun kwlakwla, be fali be kwlaa'n ɔli Nyrɛnnɛn kongo'n nun lɔ.

Zozie 7:26

I sin be fali yɛbuɛ kpanngban kpa be guɛli i su kunndunngluun. Yɛbuɛ kwle sɔ'n tɛ o lɛ ndɛ. I sɔ'n ti yɛ be flɛli lɛ lika sɔ'n kɛ Nyrɛnnɛn kongo nin-ɔn. Kɛ ɔ yoli sɔ'n yɛ Anannganman yacili i ya nin-ɔn.