Zozie 15:41 - NYANMIƐN NDƐ'N 1998

⁴¹ Gɛderɔt, Bɛt-Dagɔn, Naama ɔ nin Makeda. Be ti klɔ dandan blu-nin-nsiɛn. Klɔ kanngan nga be mantan be lɛ'n be uka su.

Zozie 15:41 Iomraidhean Croise

1 Be Nyoliɛ 27:28

Baal-Anan b'ɔ fin Gedɛr'n yɛ ɔ nian olivie fie, ɔ nin sikomɔr fie nga be o lika kpɛtɛkplɛɛ nun'n be su-ɔ. Zɔas yɛ ɔ nian ngo'n su-ɔ.

2 Be Nyoliɛ 28:18

Filistifuɛ'm be kusu be wluli klɔ nga be o lika kpɛtɛkplɛɛ'n nin Zida'n i bo ngua lɔ'n be nun. Be fali Bɛt-Semɛs, nin Azalɔn, nin Gɛdera, nin Soko, nin Timna, nin Gimzo, ɔ nin klɔ nga be mantan lɛ'n, yɛ be trannin klɔ sɔ'm bɔ be fali be'n be nun.

Zɔb I Nyrɛnnɛn Wunlɛ 2:11

Zɔb i janvuɛ nsan be tili nyrɛnnɛn ng'ɔ tɔli i su'n i kwlaa, yɛ be fin be mɛn'm be nun lɔ be bali-ɔ. I janvuɛ sɔ mun yɛlɛ Elifaz b'ɔ fin Teman'n, yɛ Bildad b'ɔ fin Siak'n, yɛ Zɔfar b'ɔ fin Naama'n. Bé bo yoli kun kɛ be wa koko Zɔb nan be ´fɔnvɔ i.

Zozie 10:10

Anannganman man b'a jran-man Izraɛlfuɛ'm be nyrun. Be kwlali be kwlalɛ kpa Gabaɔn wun lɛ. Be suli be su Bɛt-Ɔrɔn kpɔlɛ'n su lele fa juli Azeka nin Makeda. Kɛ be ´kɔ'n, wuun be ´kun be.

Zozie 10:21

Kɛ ɔ yoli sɔ'n, yɛ Izraɛlfuɛ'm be kwlaa be sali bé sin Zozie wun lɔ nanmue nga be kplɛnnin i Makeda wun lɔ'n nun-ɔn. Like fi ɔ'a yo-man be wie fi. Kɛ ɔ fin i lɛ'n, sran fi ɔ'a uke-mɛn i nuan bé wun kun.

Zozie 10:28

Le kunngba sɔ'n nun Zozie fali Makeda klɔ'n. Ɔ kunnin i famiɛn'n ɔ nin i su sran'm be kwlaa. Sran ba kun a ka-man lɔ. Sa ng'ɔ fa yoli Zeriko famiɛn'n, i kunngba'n yɛ ɔ fa yoli Makeda famiɛn nin-ɔn.

Zozie 12:16

Makeda, Betɛl,

Zozie 15:40

Kabɔn Lakmas, Kitlis,

Zozie 15:42

Libna, Etɛr, Asan,

Zozie 19:27

Wia afiliɛ lɔ lika nun'n, awɛ'n fu kɔ Bɛt-Dagɔn lɔ lika'n nun, ɔ to Zabilɔn be lika'n ɔ nin Ziftak kongo'n, kpɛkuun ɔ kɔ nglo lɔ ɔ ko to Bɛt-Emɛk ɔ nin Nɛiɛl. Ɔ kɔ i nyrun ndɛnman su, ɔ sin Kabil,