Zozie 15:4 - NYANMIƐN NDƐ'N 1998

⁴ Ɔ sin Azmɔn ɔ ko to nzue ba kun ng'ɔ nin Ezipt be yia'n kpɛkuun ɔ ko kpɛn Mediterane jenvie'n nuan. Kɛ Zida i awɛ'n i bo ngua lɔ'n ti sa.

Zozie 15:4 Iomraidhean Croise

Bo Bolɛ 15:18

Le kun sɔ nun'n, Anannganman nin Abram be trali aenguɛ. Anannganman seli i kɛ: «Mɛn ng'ɔ o yɛ'n, kɛ ɔ fɛ i Ezipt nzue ba kan'n i nuan lɛ b'ɔ ´fa ju Efrat nzue ba dan'n i nuan'n, m'an fa man wɔ anunman mun .

1 Famiɛn Mun 8:65

I blɛ kunngba sɔ nun'n, Salomɔn nin Izraɛlfuɛ'm be ngba be dili kpata'm be cɛn'n ekun. Sran'm b'a yia-man ngowa. Be fin bé mɛn'n i lika'n kwlakwla. Kɛ ɔ fɛ i Amat lɔ lele fa ju Ezipt nzue ba'n i nuan'n, lɔfuɛ be kwlaa be bali. Be kwlakwla be yiali Anannganman e Nyanmiɛn'n i nyrun cɛn nso, i sin be dili cɛn nso ekun. I ngba'n yoli cɛn blu nin nnan.

Ezipt Lɔ Tulɛ'n 23:31

Amun mɛn liɛ'n ´bo i bo ndɛma jenvie'n su lele ´fa ju Mediterane jenvie'n su, yɛ ɔ ´fɛ i Sinai aawlɛ flɛnnɛn'n su lele fa ju Efrat nzue ba'n su. Afin n wa fa be nga be o lika sɔ'm be nun'n n ´wla amún sa nun nan amun kan bé bo.

Ezai 27:12

I cɛn sɔ nun'n, waka nga be o nzue dan'n i nuan lele fa ju Ezipt nzue ba'n i nuan'n, Anannganman ´keje waka sɔ mun sa uya-uya-uya. Yɛ amun Izraɛlfuɛ mun, ɔ ´isa amun kunngunngun.

Kalɛ 34:5

Kɛ ɔ ko ju Azmɔn'n, ɔ bli ekun ko to Ezipt nzue ba'n, kpɛkuun ɔ ju jenvie nga be flɛ i Mediterane'n su lɔ.

Zozie 13:3

b'ɔ fɛ i Ezipt nuan su, Siɔn nzue ba nuan'n, lele fa ju Ekrɔn b'ɔ o nglo lɔ lika nun'n. Lika sɔ'm be ka be wla Kanaan lika'n nun. Filistifuɛ'm be kpɛnngbɛn nnun'n: Gaza liɛ'n, Asdɔd liɛ'n, Askalɔn liɛ'n, Gat liɛ'n, ɔ nin Ekrɔn liɛ'n, lika sɔ'n ti be liɛ.

Zozie 15:3

ɔ sin nyannglan kpɔlɛ'n ɔ nin Zin be ngua, ɔ kpɛn Kadɛs-Barnea bo ngua lɔ, kpɛkuun ɔ sin Ɛzrɔn, ɔ ju Adar, ɔ bli kɔ Karka i ndɛnman.

Zozie 15:47

Asdɔd nin Gaza, ɔ nin lika nin klɔ kanngan nga be mantan be lɛ'n lele b'ɔ fa ju Ezipt nzue ba'n ɔ nin Mediterane i nuan su lɔ'n, be uka su.