Zozie 15:11 - NYANMIƐN NDƐ'N 1998

¹¹ Ɔ kɔ Ekrɔn klɔ'n i kongo'n i ndɛnman, ɔ bli Sikrɔn wun lɔ, kpɛkuun ɔ sin Baala oka wun lɛ kɔ Zabne lɔ lika nun, nan ɔ'a kpɛn Mediterane jenvie'n nuan lɔ.

Zozie 15:11 Iomraidhean Croise

2 Famiɛn Mun 1:16

Ɔ seli famiɛn'n kɛ: «Anannganman waan: ‹Sa ti bɔ a sunmannin sran Baal-Zɛbib b'ɔ ti Ekrɔnfuɛ'm be amuɛn'n i sin'n, kɛ wienun-ɔn, Nyanmiɛn nun-man Izraɛl wa bɔ be wun i-ɔ, ɔ yo ye'n, i ti'n, li nga a la su yɛ'n, a su fin-man su jra-man kun, a ´wu.› »

2 Famiɛn Mun 1:6

Be tɛli i su kɛ: «Kɛ e ´kɔ'n, sran kun nin ye yiali. Ɔ seli ye kɛ: ‹Amun `sa amun sin famiɛn b'ɔ sunmannin amun'n i sin lɔ, nan amun `se i kɛ: Anannganman waan: ?Nyanmiɛn nun-man Izraɛl wa ti yɛ a sunman sran Baal-Zɛbib b'ɔ ti Ekrɔnfuɛ'm be amuɛn'n i sin-ɔn? I ti'n, li nga a la su lɛ'n, a su fin-man su jra-man kun, a ´wu.› »

2 Be Nyoliɛ 26:6

Ozias nin Filistifuɛ'm be ko kunnin. Ɔ sacili Gat, nin Zabne, ɔ nin Asdɔd be talɛ mun. Klɔ nga be mantan Asdɔd'n, ɔ sili wie'n be wun. Yɛ ɔ sili Filistifuɛ'm be klɔ wie'n bé wun.

Kalɛ 34:6

Wia atɔliɛ lɔ'n, mɛn'n i nuan su yɛlɛ Mediterane jenvie'n.

Zozie 15:10

Baala i wia atɔliɛ lɔ awɛ'n ko bli sin Seir oka wun lɔ, ɔ sin oka bɔ i dunman ekun yɛlɛ Kɛsalɔn oka'n, i kongo'n i wia atɔliɛ lɔ, kpɛkuun ɔ jra Bɛt-Semɛs, ɔ san Timna wun.

Zozie 15:12

Wia atɔliɛ lɔ awɛ'n yɛlɛ Mediterane jenvie'n. Kɛ lika nga be fa mannin Zida awlobo-awlobo mun'n i nuan'n fa sin yɛ ɔ o lɛ-ɔ.

Zozie 15:45

Ekrɔn ɔ nin lika nin klɔ kanngan nga be mɛntɛn i lɛ'n be o Zida lika nun wie.

Zozie 15:9

Kɛ ɔ fɛ lɛ'n, ɔ bli Nɛftoak nzue ti'm bé wun lɔ, ɔ ko to klɔ nga be o Efrɔn oka'n bé wun lɔ'n, kwlaa nan ɔ'a ɔ Baala ndɛnman. Baala i dunman kun ekun yɛlɛ Kirzat-Zearim.

Jɔlɛ Difuɛ Mun 1:18

Anannganman ukali Zida i akpasua'n su sran mun ɔ man be fali oka-oka lika mun. Be fali Gaza klɔ'n, nin Askalɔn klɔ'n, nin Ekrɔn klɔ'n ɔ nin be asa'n su lika mun. Be nga be tran jenvie nuan'n be lɛ blalɛ kakaklolo. I sɔ'n ti, Zida akpasua su sran'm b'a kwla fuan-man be.

1 Samiɛl 17:52

yɛ Izraɛlfuɛ nin Zidafuɛ'm be jasoli yɛ be kpannin-ɔn. Be bo sroli. Nan b'a su bé su lele b'a ko guɛ i Gat nin Ekrɔn nuan lɔ. Filistifuɛ'm be fuɛn sanndi Saaraim atin'n nun lele fa ju Gat nin Ekrɔn lɔ.

1 Samiɛl 5:10

Yɛ be fali Nyanmiɛn i alaka'n wɔli Ekrɔn-ɔn. Kɛ alaka'n juli Ekrɔn lɔ cɛ'n, lɔfuɛ'm be lɛ kpanlɛ. Be waan: «B'a fa Izraɛl Nyanmiɛn'n i alaka'n b'a ba nan ɔ wa kun ye ngba.»

1 Samiɛl 5:8

Asdɔdfuɛ'm be yiayiali Filistifuɛ'm be kpɛnngbɛn mun. Kɛ be bali'n, be usali be kɛ: «?E ´yo Izraɛl Nyanmiɛn'n i alaka'n sɛ?» Be tɛli be su kɛ: «Man be fa wɔ Gat.» Yɛ be fali Nyanmiɛn i alaka'n wɔli Gat-ɔ.

1 Samiɛl 7:14

Izraɛl klɔ nga Filistifuɛ'm be fali'n, kɛ ɔ fɛ i Ekrɔn b'ɔ fa ju Gat'n, be wa yoli Izraɛlfuɛ'm be liɛ ekun. Izraɛlfuɛ'm be deli be Filistifuɛ'm bé sa nun, kpɛkuun Izraɛlfuɛ'm be nin Amɔrfuɛ'm be trannin fɔuun.