Zozie 14:9 - NYANMIƐN NDƐ'N 1998

⁹ Le kunngba sɔ nun'n, Moiz boli n kasiɛ nzrafuɛ'n kwlaa be nyrun kɛ mɛn nga n wɔli i nianlɛ'n, be ´fa man min, nan ɔ ´yo e nin min mma nin min anunman mun e liɛ tititi, afin n nantili Anannganman i atin'n su kɛ ɔ fata'n sa .

Zozie 14:9 Iomraidhean Croise

Jue Mun 37:9

Be nga be yo sa tɛ'n, be ´kan bé bo. Yɛ be nga be fa bé wla gua Anannganman su'n, mɛn'n ɔ ´yo be liɛ.

Kalɛ 13:22

Be ´kɔ'n, be sinnin ngua lɔ lika'n nun, be ɔli lele be juli Ebrɔn, kan Anak i mma Aiman nin Sesai, ɔ nin Talmai be osu'n nunfuɛ'm be tran lɛ'n. Ba sɔ'm be ti blamiɛn. Sran nga be kplannin Ebrɔn klɔ'n be dun mmua kplannin ɔ dili afuɛ nso kwlaa nan sran uflɛ'm b'a kplan Zɔan b'ɔ wo Ezipt lɔ'n.

Mmla'n 1:36

Sanngɛ Zɛfine i wa Kalɛb i liɛ'n, ɔ ´wun mɛn sɔ'n. Kɛ bɔ ɔ'a kpɔci-man min'n ti'n, lika ng'ɔ sinnin lɛ'n, n ´fa mɛn i nin i mma mun.›

Mmla'n 11:24

Lika kwlaa bɔ amun ja tia lɛ'n, ɔ ti amun liɛ. Amun mɛn'n ´fɛ i aawlɛ flɛnnɛn b'ɔ o ngua lɔ'n nun lele fa ju nglo lɔ lika nun Liban lɔ. Kpɛkuun ɔ ´fɛ i wia afiliɛ lɔ nzue ba dan bɔ be flɛ Efrat'n i nuan lɔ lele ɔ fa ju wia atɔliɛ lɔ jenvie bɔ be flɛ i Mediterane'n i nuan.

Zozie 1:3

Lika kwlaa nga bɔ amún ja tia lɛ'n, n ´fa man amun kɛ n kan kleli Moiz'n sa.

Zozie 14:10

Kɛ ɔ fin i blɛ nga Anannganman kan ndɛ sɔ'n kleli Moiz lele b'ɔ ´fa ju ndɛ'n, i afuɛ ablanan nin nnun yɛ. Kɛ ɔ ´yo sɔ'n, wuun Izraɛlfuɛ'm be su kpɛ aawlɛ'n. Lele ndɛ Anannganman i fanngan nun min nyin tɛ o su kɛ i bɔbɔ fa kannin'n sa. Kɛ e ´se yɛ'n m'an di afuɛ ablaɔcuɛ-nin-nnun.

Jɔlɛ Difuɛ Mun 1:20

Be fali Ebrɔn klɔ'n be mannin Kalɛb kɛ Moiz kan kleli be'n sa . I sɔ'n ti, Kalɛb fuannin Anak i mma nsan'm be akpasua su sran mun.