Zozie 14:6 - NYANMIƐN NDƐ'N 1998

⁶ Le kun be o lɛ kpɛkuun Zida osu nunfuɛ wie mun b'a a to Zozie Gilgal lɛ. Zɛfine i wa liɛ Kalɛb b'ɔ ti Kɛnaz i awlo nunfuɛ'n, ɔ seli Zozie kɛ: «Kɛ e o Kadɛs-Barnea lɔ'n, a si kɛ Anannganman kannin e nin wɔ e ndɛ kleli Moiz b'ɔ ti Nyanmiɛn sran'n.

Zozie 14:6 Iomraidhean Croise

1 Famiɛn Mun 13:1

Nyanmiɛn i nuan ijɔfuɛ kun fɛli i Zida ɔli Betɛl. Anannganman'n yɛ ɔ sunmɛnnin i-ɔ. Kɛ ɔ ´ju lɛ'n, wuun Zeroboam ɔ'a yra ansans i sraka yiwlɛ'n su.

1 Famiɛn Mun 13:14

Ɔ suli Nyanmiɛn nuan ijɔfuɛ'n su. Ɔ ko toli i terebɛnt waka dan kun bo. Yɛ ɔ usɛli i kɛ: «?Nyanmiɛn nuan ijɔfuɛ ng'ɔ fin Zida'n yɛlɛ wɔ?» I waan: «Ɛɛn! Min-ɔn.»

2 Famiɛn Mun 4:16

Yɛ Elize seli i kɛ: «Afuɛ ng'ɔ ´ba lɛ'n, blɛ kunngba nga nun'n, a ´ju ba yasua.» Bla'n waan: «Aa! Min min, a ti Nyanmiɛn sran, nán laka min.»

2 Famiɛn Mun 4:42

Le kun bian kun fin Baal-Salisa bali. Ɔ blɛli Nyanmiɛn sran'n i ɔrz kpaun ablaɔn, be fali ɔrz sanmlɛn uflɛ-uflɛ yɛ be fa yoli-ɔ. Ɔ fali ble nga b'a kpɛ i uflɛ'n i mma bajɛ kun ekun ukali su bali. Elize seli i sufuɛ'n kɛ ɔ cɛ nun man sran bɔ be o lɛ mun.

2 Famiɛn Mun 4:9

Bla sɔ'n seli i wun'n kɛ: «Nian, bian ng'ɔ ba ye awlo wa titi lɛ'n, n wun i jrɛin kɛ ɔ ti Nyanmiɛn sran.

2 Famiɛn Mun 8:11

Nyanmiɛn i sran'n niannin Azaɛl. Ɔ niɛnnin i siin lele ɔ cɛli kpa, kpɛkuun ɔ sunnin.

2 Famiɛn Mun 8:7

Elize wa ɔli Damas. I blɛ sɔ nun'n, wuun Bɛn-Adad b'ɔ ti Sirifuɛ'm be famiɛn'n i wunnɛn yo i ya. Be seli i kɛ: «Nyanmiɛn i sran'n ɔ'a ba klɔ nga su wa.»

1 Be Nyoliɛ 23:14

Moiz yoli Nyanmiɛn i sran, sanngɛ be kɛli i mma liɛ mun wlali Levi akpasua'n nun.

Jue Mun 90:1

Moiz b'ɔ ti Nyanmiɛn sunmanfuɛ'n i srɛlɛ b'ɔ srɛli'n. I waan: Min Min, kɛ ɔ fɛ i e nannan'm be blɛ su lele b'ɔ ´ju e blɛ liɛ'n su yɛ'n, a yoli e fiawlɛ tititi.

Zeremi 35:4

Yɛ n ´fa be n kɔ Nyanmiɛn i sua'n nun lɔ-ɔ. N fali be n wluli Zigdalia i wa liɛ bɔ be flɛ i Anan b'ɔ mantan Nyanmiɛn'n i sɔnnzɔnfuɛ'm be sua ba'n nun lɔ. I sua ba sɔ'n wo famiɛn i awlo lɔ sran dandan'm be liɛ'n i wun lɛ. Ɔ o Salɔm i wa Maazeza ng'ɔ di Nyanmiɛn i sua'n i anuan'n nun gladi'n i sua liɛ'n i ti su nglo.

Kalɛ 13:26

Kɛ be sali bé sin'n, be toli Moiz nin Aarɔn, ɔ nin Izraɛlfuɛ'm be kwlakwla Kadɛs lɔ Paran aawlɛ flɛnnɛn'n nun lɛ. Be kannin like nga be wunnin i lɔ'n i ndɛ kleli be, kpɛkuun be fali lɔ waka mma'n kleli be.

Kalɛ 13:30

Kalɛb seli be nga be ijɔ Moiz tɛtɛ'm be kɛ be `muan bé nuan, nan ɔ'a kan ɔ'a gua su kɛ: «E `wɔ e `ko fa mɛn'n, afin san e ´nyan kwlalɛ le.»

Kalɛ 13:6

Zida akpasua'n su'n, Zɛfine i wa Kalɛb yɛ ɔ ɔli-ɔ,

Kalɛ 14:24

Kɛ bɔ min sufuɛ Kalɛb fali akunndan kpa, b'ɔ yoli min klun sa'n ti, i liɛ'n, n ´yo man lika nga i ja tiali lɔ lɛ'n, ɔ ´kaci i ɔ nin i mma'm be liɛ .

Kalɛ 14:30

amún ja sa su tia-man mɛn nga n seli amun kɛ amun ´tran nun'n i nun wie . San Zɛfine i wa Kalɛb nin Nɛn i wa Zozie be ngunmin yɛ be ´ju lɔ-ɔ.

Kalɛ 14:6

Yɛ be nga be ko kplali lika'n be niannin'n be nun nnyɔn: Nɛn i wa Zozie nin Zɛfine i wa Kalɛb, be titili bé wun tralɛ'm be nun,

Kalɛ 26:65

Afin Anannganman dun mmua seli be kɛ be nun kun sa su ka-man lɛ, nan be kwlaa be ´wu aawlɛ flɛnnɛn'n nun lɔ, san Zɛfine i wa Kalɛb nin Nɛn i wa Zozie yɛ be kali lɛ-ɔ.

Kalɛ 32:12

San Zɛfine i wa Kalɛb b'ɔ fin Kɛnaz osu nun'n nin Nɛn wa Zozie yɛ be ´ju lɔ-ɔ. Afin be liɛ'n be fali mín nuan ndɛ'n su.› »

Mmla'n 33:1

Muae nga Moiz b'ɔ ti Nyanmiɛn i sufuɛ'n ɔ bo mannin Izraɛlfuɛ mun ka nan ɔ'a wu'n yɛ. I waan:

Mmla'n 34:10

Kɛ ɔ fɛ i lɛ'n, Nyanmiɛn nuan ijɔfuɛ bɔ Anannganman jran sa ɔ nin i koko yalɛ kɛ Moiz liɛ'n sa'n, b'a wun-mɛn i sɔ Izraɛl mɛn'n nun kun.

Mmla'n 34:5

Anannganman i sufuɛ Moiz wuli Moab mɛn'n nun lɛ kɛ Anannganman fa kannin'n sa.

1 Timote 6:11

Sanngɛ ɔ bɔ a ti Nyanmiɛn i sran'n, nán fa ɔ wun wlɛ i ninnge sɔ'm be yolɛ nun. Mian ɔ́ nyin yo sa ng'ɔ ti kpa'n, fa ɔ wun mantan Nyanmiɛn, lafi i su, klo Nyanmiɛn nin sran, tra wɔ anwlɛn, yɛ yo wɛtɛɛfuɛ.

2 Timote 3:17

nan Nyanmiɛn sran'n ɔ nyan like b'ɔ kwla fa di junman kwlaa ng'ɔ ti kpa'n.

Zozie 10:43

Kɛ ɔ yoli sɔ'n, Zozie, ɔ nin Izraɛlfuɛ mun be kwlaa be sali be sin Gilgal nanmue'n nun lɔ.

Zozie 14:14

Kɛ e ´se yɛ'n, klɔ sɔ'n ti Kɛnaz akpasua sufuɛ Zɛfine i wa Kalɛb'n i osu nunfuɛ'm be liɛ, nantilɛ b'ɔ nantili sein Anannganman b'ɔ ti Izraɛl Nyanmiɛn'n i atin su'n ti.

Zozie 15:17

Kɛnaz b'ɔ ti Kalɛb bɔbɔ i niaan'n, i wa liɛ Ɔtniɛl yɛ ɔ kwlali klɔ sɔ'n i sufuɛ mun-ɔn. Nan Kalɛb ɔ'a fɛ i wa bla'n ɔ'a mɛn i kɛ ɔ jɛ i.

Zozie 4:19

Anglo klikli'n i le blu'n su yɛ Izraɛlfuɛ'm be kpɛli Zurdɛn nin-ɔn. Be boli be nanmue'n Gilgal lɛ, Zeriko i wia afiliɛ lɔ.