Zozie 14:11 - NYANMIƐN NDƐ'N 1998

¹¹ N tɛ yo kpinndin-kpinndin kɛ blɛ nga Moiz sunmannin min kɛ n ko kpla mɛn'n sa. N tɛ lɛ wunmiɛn kɛ i blɛ sɔ'n nun'n sa. N kun alɛ-ɔ, ɔ yo ye, n di junman-an, ɔ yo ye.

Zozie 14:11 Iomraidhean Croise

Jue Mun 103:5

Sɛ n yo kpɛnngbɛn'n, i yɛ man ninnge kpakpa'm be ti sin yia min nin-ɔn. I yɛ man n sa n sin n yo gbanflɛn bɔ n nyan wunmiɛn kɛ anunman nyin'n sa nin-ɔn .

Jue Mun 90:10

Sɛ be waan y'a cɛ o, wuun y'a di afuɛ ableso. Be nga be lɛ wunmiɛn kpa'n be kwla di afuɛ ablaɔcuɛ. Sanngɛ afɛ nin nyrɛnnɛn ngunmin yɛ e wun i-ɔ. E nguan'n sin ndɛndɛ, wie'n fa e ndɛndɛ.

Ezai 40:31

Sanngɛ be nga be fa bé wla gua Anannganman su'n, be liɛ be nyan wunmiɛn uflɛ tititi. Sɛ be ´jaso'n, be jaso kpɛ kunngba waka kɛ anunman nyin'n ɔ fa tu'n sa. Be wanndi, sanngɛ be fɛ-man, be nanti tititi, sanngɛ be wunmiɛn'n wie-man .

Mmla'n 31:2

I waan: «Min afuɛ ya kun afuɛ ablaɔn yɛ m'an di i yɛ. N su kwla dun-man mmua amun nyrun kun. Anannganman kusu seli min kɛ n su kpɛ-man Zurdɛn'n.

Mmla'n 33:25

Man i klɔ'm be anuan'm be yo blalɛ nin aaba anuan, nan ɔ tran bé sin lɔ fɔun. Ɔ nguan wunmuan'n nun'n, nán man ɔ wunmiɛn'n i su kpɛ.»

Mmla'n 34:7

Moiz dili afuɛ ya afuɛ ablaɔn yɛ ɔ wuli-ɔ. Kɛ ɔ ´wu sɔ'n, wuun ɔ tɛ wun ase kpa. I wunmiɛn ɔ'a kpɛ-man su le.

Zozie 14:10

Kɛ ɔ fin i blɛ nga Anannganman kan ndɛ sɔ'n kleli Moiz lele b'ɔ ´fa ju ndɛ'n, i afuɛ ablanan nin nnun yɛ. Kɛ ɔ ´yo sɔ'n, wuun Izraɛlfuɛ'm be su kpɛ aawlɛ'n. Lele ndɛ Anannganman i fanngan nun min nyin tɛ o su kɛ i bɔbɔ fa kannin'n sa. Kɛ e ´se yɛ'n m'an di afuɛ ablaɔcuɛ-nin-nnun.