Zozie 13:9 - NYANMIƐN NDƐ'N 1998

⁹ Arɔɛr klɔ'n ɔ nin klɔ ng'ɔ o lika tɔnun i afiɛn'n be o be lika liɛ'n i bo ngua lɔ. Lika kpɛtɛkplɛɛ ng'ɔ fɛ i Medɛba fa ju Dibɔn'n ɔ o nun wie.

Zozie 13:9 Iomraidhean Croise

2 Samiɛl 24:5

Be kpɛli Zurdɛn'n. Be boli junman'n i bo Arɔɛr lɛ, ɔ nin klɔ ng'ɔ o kongo'n nun lɔ'n su. Be sinnin Gad, be ɔli Zaɛzɛr.

1 Be Nyoliɛ 19:7

Be srɛli kakaklolo akpi-akpi ablasan-nin-nnyɔn (32.000). Be yiali Maaka lɔ famiɛn'n, ɔ nin i sonja mun. Famiɛn sɔ'n nin i sran'm be wa kpɛli be ngblaliɛ Medɛba klɔ'n nyrun lɛ. Amɔnfuɛ'm be fin be klɔ'm be nun be fiteli, be wa yiali lika kun, yɛ be fali atin'n be ɔli alɛ'n kunlɛ-ɔ.

Neemi 11:25

Zidafuɛ kun nga'm be trannin klɔ nin be sa su klɔ kanngan'm be su. Klɔ sɔ'm be yɛ: Kirzat-Arba nin klɔ nga be o i asa'n su'n, Dibɔn nin klɔ nga be o i asa'n su'n, Zɛkabzeɛl nin klɔ nga be o i asa'n su'n,

Ezai 15:2

Dibɔnfuɛ'm be kɔ amuɛn sua'm be nun be ko sun. Be kɔ sraka yiwlɛ mun bɔ be o kpɔlɛ'm be su'n be nun, be ko sun. Moabfuɛ'm be kɔ Nɛbo oka'n su be ko yi ngwlɛ. Be kɔ Medɛba klɔ lɔ be ko yi ngwlɛ. B'a yi bé ti'm be kwlaa, b'a yi be akanza'n kwlaa.

Zeremi 48:18

Dibɔnfuɛ mun, Moab i nunnunfuɛ'n su ba amun su wie. Ɔ wa saci talɛ ng'ɔ sasa amun klɔ'n. Amun `jaso amun anyrunnyan dan'n nun amun tran asiɛ kee'n su.

Zeremi 48:22

Ɔ tɔli Dibɔn, nin Nɛbo, ɔ nin Bɛt-Biblataim be su wie.

Zeremi 48:8

Like sacifuɛ'n ´wlu amun klɔ'n kwlaa be nun. Klɔ kun sa su ka-man lɛ. Ɔ ´funndan kongo'm be nun. Ɔ ´saci lika kpɛtɛkplɛɛ'n.» Anannganman'n yɛ ɔ kannin-ɔn.

Kalɛ 21:30

E toli e ta mma mun bé wun. Kɛ ɔ fɛ i Ɛsbɔn lele b'ɔ ´fa ju Dibɔn'n, ninnge'n kwlaa ɔ'a saci. E sacili i kwlaa lele fa juli Nɔfak, yɛ ɔ juli Medɛba lɔ.»

Mmla'n 2:36

Kɛ ɔ fɛ i Arɔɛr b'ɔ o Arnɔn nzue ba'n i nuan'n, ɔ nin klɔ ng'ɔ o kongo nun'n lɔ lele b'ɔ ´fa ju Galaad mɛn'n nun'n, klɔ ba kun sa ɔ'a kwla jran-man e nyrun. Anannganman e Nyanmiɛn'n fali be kwlakwla mannin ye.

Mmla'n 3:12

I blɛ sɔ'n nun yɛ e fali lika ng'ɔ o Arɔɛr i nglo lɔ Arnɔn nzue ba'n i nuan lɔ nin-ɔn. N kpacili Galaad b'ɔ ti oka-oka lika'n i nun kpla, n fɛli i bue kun m mannin Ribɛnfuɛ mun nin Gadfuɛ'm be osu nunfuɛ mun. N fali lɛ klɔ mun m mannin be.

Mmla'n 3:16

N fali lika ng'ɔ o Galaad nin Arnɔn nzue ba'n be afiɛn'n m mannin Ribɛnfuɛ mun nin Gadfuɛ'm be osu nunfuɛ mun. Be lika'n i nuan su yɛlɛ Arnɔn nzue ba'n. Zabɔk nzue ba'n kusu ti be nin Amɔnfuɛ'm be awɛ.

Zozie 12:2

I klikli'n yɛlɛ Siɔn, Amɔrfuɛ'm be famiɛn ng'ɔ tran Ɛsbɔn lɔ'n. Lika ng'ɔ sie'n, ɔ fɛ i Arnɔn i kongo'n i bue, ɔ bo i bo Arɔɛr klɔ'n su lɛ, i kunngba'n, ɔ fa Galaad mɛn'n i bue, ɔ kɔ lele ju Zabɔk nzue ba'n i nuan. Nzue sɔ'n yɛ ɔ ti be nin Amɔnfuɛ'm be awɛ nin-ɔn.

Zozie 13:10

Amɔrfuɛ'm be famiɛn bɔ be flɛ i Siɔn'n i klɔ ng'ɔ sie be kɛ ɔ fɛ i Ɛsbɔn lele fa ju Amɔnfuɛ'm be lika'n i nuan'n, be o nun wie.

Zozie 13:16

i nuan su yɛlɛ Arɔɛr klɔ'n b'ɔ o Arnɔn nzue ba nuan'n ɔ nin klɔ ng'ɔ o kongo i afiɛn'n. Lika kpɛtɛkplɛɛ ng'ɔ sin yia Medɛba'n,

Zozie 13:8

Ribɛn nin Gad akpasua'n ɔ nin Manase akpasua bue klikli'n be nyannin be lika liɛ Zurdɛn i wia afiliɛ lɔ. Moiz b'ɔ ti Anannganman i sufuɛ'n yɛ ɔ mannin be-ɔ.