Zozie 13:8 - NYANMIƐN NDƐ'N 1998

⁸ Ribɛn nin Gad akpasua'n ɔ nin Manase akpasua bue klikli'n be nyannin be lika liɛ Zurdɛn i wia afiliɛ lɔ. Moiz b'ɔ ti Anannganman i sufuɛ'n yɛ ɔ mannin be-ɔ.

Zozie 13:8 Iomraidhean Croise

Kalɛ 32:19

E su fa-man asiɛ bé wun lɔ Zurdɛn'n i sin lɔ bue liɛ'n su annzɛ be sin mmua lɔ, afin e asiɛ liɛ'n yɛlɛ ng'ɔ o Zurdɛn'n i wia afiliɛ bue liɛ'n su wa yɛ'n.»

Mmla'n 3:8

Ɔ man i blɛ sɔ nun'n, e fali Amɔr famiɛn nnyɔn'm be lika'm be sa nun. Be tran Zurdɛn'n i wia afiliɛ lɔ Arnɔn nzue ba'n nin Ɛrmɔn oka'n be afiɛn lɛ.

Zozie 12:1

Izraɛlfuɛ'm be dun mmua kwlali famiɛn nnyɔn nga be o Zurdɛn i lika ng'ɔ kpɛ wia afiliɛ lɔ'n nun. Be fali be mɛn'n b'ɔ fɛ i Arnɔn nzue ba nuan lɔ lele fa ju Ɛrmɔn oka'm bo lɔ'n. Zurdɛn i lika ng'ɔ kpɛ wia afiliɛ lɔ'n wo nun.

Zozie 12:6

Moiz nin Izraɛlfuɛ'm be kwlali famiɛn nnyɔn sɔ mun, nan Moiz b'ɔ ti Anannganman i sufuɛ'n ɔ'a fa be mɛn ɔ'a man Ribɛn akpasua'n, ɔ nin Gad akpasua'n, ɔ nin Manase akpasua'n i bue.

Zozie 13:7

Yɛ cɛcɛ nun man akpasua ngwlan nin Manase akpasua bue nga be nian nyan-man lika'n wie'n.»

Zozie 13:9

Arɔɛr klɔ'n ɔ nin klɔ ng'ɔ o lika tɔnun i afiɛn'n be o be lika liɛ'n i bo ngua lɔ. Lika kpɛtɛkplɛɛ ng'ɔ fɛ i Medɛba fa ju Dibɔn'n ɔ o nun wie.

Zozie 22:4

Anannganman b'ɔ ti amun Nyanmiɛn'n i kusu man amun niaan'm b'a nyan alaje kɛ ɔ fua kleli be'n sa. Siɛn atin'n la nun, amun kwla sa amun sin kɔ mɛn nga Moiz b'ɔ ti Anannganman i sufuɛ'n fa cɛcɛli amun Zurdɛn'n i bue ng'ɔ kpɛ wia afiliɛ lɔ nun.

Zozie 4:12

Ribɛn i akpasua'n, nin Gad i akpasua'n, nin Manase i akpasua bue'm be sonja'm be nin be alɛ ninnge mun be dun mmua Izraɛlfuɛ'm be nyrun be kpɛli Zurdɛn'n kɛ Moiz kan kleli be'n sa.

1 Samiɛl 13:7

Ebre wie'm be kpɛli Zurdɛn'n be ɔli Gad nin Galaad nvle'n nun. Kɛ ɔ ´yo sɔ'n, wuun Sail tɛ o Gilgal, be nga be o i sa nun b'a wie wu kpo.