Zozie 13:31 - NYANMIƐN NDƐ'N 1998

³¹ Galaad mɛn'n i bue, ɔ nin Astarɔt klɔ'n nin Edrei klɔ'n, be fa lika sɔ'n kwlaa mannin Manase akpasua nga bé nannan yɛlɛ Makir'n. Astarɔt nin Edrei be ti Bazan mɛn'n i famiɛn'n bɔ be flɛ i Ɔg'n i famiɛn klɔ mun.

Zozie 13:31 Iomraidhean Croise

Jue Mun 60:7

E bɔ e ti ɔ janvuɛ mun'n, tɛ e su, yo man e nyan é ti. Yi ɔ fanngan'n i nglo nan de ye.

Ezekiɛl 48:4

Manase i asiɛ lika liɛ'n ɔ mantan Nɛftali liɛ'n,

Zozie 12:4

Famiɛn sɔ'n kun ekun yɛlɛ Ɔg i yɛ ɔ ti Rɛfafuɛ'm be kasiɛn nga be sieli Bazan mɛn nin-ɔn. Kan ɔ tran'n yɛlɛ Astarɔt annzɛ Edrei.

Zozie 13:12

Astarɔt nin Edrei, kan Ɔg b'ɔ ti Rɛfafuɛ be kasiɛn be nun kun'n dili i famiɛn'n lɛ'n ɔ o be lika'n nun. Moiz kwlali nvle sɔ nunfuɛ mun nan ɔ'a de be lika'n,

Zozie 13:32

Moiz fali lika ng'ɔ o lɛ mun kwlakwla mannin, i nun b'ɔ o Zeriko nin Zurdɛn'n be wia afiliɛ lɔ'n. I blɛ sɔ'n nun'n, wuun ɔ o Moab lika kpɛtɛkplɛɛ'n nun lɔ.

Zozie 17:5

Ɔ man Manase akpasua'n nyannin lika akpasua blu sanngɛ Galaad nin Bazan bɔ be o be liɛ Zurdɛn i wia afiliɛ lɔ'n be nun-man nun.

Zozie 17:6

Manase i mma yasua nin i mma bla'm be kwlakwla be nyannin lika. Galaad kusu ti Manase i mma kun'm be liɛ.

Zozie 9:10

ɔ nin sa ng'ɔ fa wlali Amɔr famiɛn nnyɔn nga be o Zurdɛn i bue kun lɔ'n be nun'n: Siɔn b'ɔ ti Ɛsbɔn famiɛn'n, ɔ nin Ɔg b'ɔ ti Bazan famiɛn ng'ɔ tran Astarɔt lɔ'n.

Jɔlɛ Difuɛ Mun 10:6

Izraɛlfuɛ'm be wa yoli like nga Anannganman klo-mɛn i ekun. Be sɔli amuɛn nga be flɛ be Baal nin Astarte mun. Be sɔli Sirifuɛ mun, nin Sidɔnfuɛ mun, nin Moabfuɛ mun, nin Amɔnfuɛ mun, ɔ nin Filistifuɛ'm be amuɛn mun ekun. Be kacili bé sin sili Anannganman, b'a su-mɛn i kun.

Jɔlɛ Difuɛ Mun 5:17

Galaad i akpasua su sran'm be kusu be kali be liɛ Zurdɛn'n i bue kun lɔ. ?Dan i akpasua sufuɛ'm be kusu, sɛ nguɛ sa ti yɛ be kali be mmeli'm bé wun lɔ a o? Azɛr i akpasua su sran'm be kusu be kali jenvie nuan lɔ, b'a keje-mɛn be wun. Be kali be mmeli'm be jranwlɛ'm bé su lɔ.

1 Samiɛl 12:10

Be kpan flɛli Anannganman ekun, be waan: ‹Y'a yo tɛ. E yacili Anannganman lɛ e ko sɔli Baal nin Astarte mun. De ye e kpɔfuɛ'm bé sa nun nan e ´su wɔ.›

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»