Zozie 13:3 - NYANMIƐN NDƐ'N 1998

³ b'ɔ fɛ i Ezipt nuan su, Siɔn nzue ba nuan'n, lele fa ju Ekrɔn b'ɔ o nglo lɔ lika nun'n. Lika sɔ'm be ka be wla Kanaan lika'n nun. Filistifuɛ'm be kpɛnngbɛn nnun'n: Gaza liɛ'n, Asdɔd liɛ'n, Askalɔn liɛ'n, Gat liɛ'n, ɔ nin Ekrɔn liɛ'n, lika sɔ'n ti be liɛ.

Zozie 13:3 Iomraidhean Croise

Bo Bolɛ 10:6

Kam wuli Kis, nin Mizraim, nin Pit yɛ Kanaan.

Bo Bolɛ 15:18

Le kun sɔ nun'n, Anannganman nin Abram be trali aenguɛ. Anannganman seli i kɛ: «Mɛn ng'ɔ o yɛ'n, kɛ ɔ fɛ i Ezipt nzue ba kan'n i nuan lɛ b'ɔ ´fa ju Efrat nzue ba dan'n i nuan'n, m'an fa man wɔ anunman mun .

1 Famiɛn Mun 8:65

I blɛ kunngba sɔ nun'n, Salomɔn nin Izraɛlfuɛ'm be ngba be dili kpata'm be cɛn'n ekun. Sran'm b'a yia-man ngowa. Be fin bé mɛn'n i lika'n kwlakwla. Kɛ ɔ fɛ i Amat lɔ lele fa ju Ezipt nzue ba'n i nuan'n, lɔfuɛ be kwlaa be bali. Be kwlakwla be yiali Anannganman e Nyanmiɛn'n i nyrun cɛn nso, i sin be dili cɛn nso ekun. I ngba'n yoli cɛn blu nin nnan.

1 Be Nyoliɛ 13:5

David yiali Izraɛlfuɛ'm be ngba kɛ ɔ fɛ i Ezipt anyialiɛ'n su lɔ lele b'ɔ fa ju Amat i anuan'n nun lɔ'n. I waan be ko fa Anannganman i alaka'n Kirzat-Zearim lɔ bla.

Ezai 23:3

Fie nga be di be Nil'n i nuan'n, be su ninnge'm be kaci Sidɔnfuɛ'm be liɛ. Sidɔn lɛ yɛ mɛnmɛn'm be nunfuɛ'm be wa di bé gua-a.

Zeremi 2:18

?Ezipt lɔ Nil nzue'n ba'n i nzue nɔnlɛ'n ɔ wa yo wɔ sɛ? ?Asiri lɔ Efrat nzue ba'n i nzue i nɔnlɛ'n ɔ wa yo wɔ sɛ?

Mmla'n 2:23

Avafuɛ'm be kusu bɔ be tran Gaza bue liɛ'n su'n, sran wie'm be fin Kaftɔr be wa nunnunnin be, nan b'a tran be osu.

Zozie 13:13

sanngɛ Izraɛlfuɛ'm b'a fuan-man Gesir nin Maakafuɛ mun. Ɔ man lele ndɛ i sɔ sran'm be tɛ tran Izraɛl lɔ.

Jɔlɛ Difuɛ Mun 16:5

Filistifuɛ'm be kpɛnngbɛn'm be wa toli Delila nan b'a se i kɛ: «Klɔklɔ i nan ɔ kle wɔ kan i wunmiɛn'n fin'n kɛ ɔ ´yo nan y'a kwlɛ i'n ti. I liɛ'n, e ´ci i kpɛkuun e ´kwlɛ i. Sɛ a yo sɔ'n, e ti nun ti nun e ´man wɔ jɛtɛ ufue akpi kun ya kun (1.100).»

Jɔlɛ Difuɛ Mun 3:3

Nvle sɔ mun yɛ: Filistifuɛ'm be famiɛn diwlɛ nnun mun, Kanaanfuɛ'm be kwlaa, ɔ nin Sidɔnfuɛ mun, ɔ nin Evfuɛ nga be o Liban oka-oka'n nun mun ɔ fɛ i Baal-Ɛrmɔn oka'n su lele fa ju Amat klɔ'n i wun lɔ.

1 Samiɛl 5:1

Filistifuɛ'm be fali Nyanmiɛn i alaka'n Ebɛn-Ezɛr lɛ be ɔli Asdɔd.

1 Samiɛl 5:10

Yɛ be fali Nyanmiɛn i alaka'n wɔli Ekrɔn-ɔn. Kɛ alaka'n juli Ekrɔn lɔ cɛ'n, lɔfuɛ'm be lɛ kpanlɛ. Be waan: «B'a fa Izraɛl Nyanmiɛn'n i alaka'n b'a ba nan ɔ wa kun ye ngba.»

1 Samiɛl 5:8

Asdɔdfuɛ'm be yiayiali Filistifuɛ'm be kpɛnngbɛn mun. Kɛ be bali'n, be usali be kɛ: «?E ´yo Izraɛl Nyanmiɛn'n i alaka'n sɛ?» Be tɛli be su kɛ: «Man be fa wɔ Gat.» Yɛ be fali Nyanmiɛn i alaka'n wɔli Gat-ɔ.

1 Samiɛl 6:4

Be usali kɛ: «?Nguɛ like yɛ e ´fa mɛn i-ɔ?» Yɛ be tɛli bé su kɛ: «Amun `fa sika ɔkwlɛ be yo i kɛ putɛputɛ'n b'ɔ wun be'n sa i sɔ lele nnun. Amun `yo gbekle ba sɔ nnun ekun. Amun `nian Filistifuɛ'm be kpɛnngbɛn'm be nuan'n su, yɛ be `yo-ɔ, afin like kunngba ng'ɔ juli amún su'n, i kunngba'n kusu yɛ ɔ juli amún su kpɛn'm bé su-ɔ.