Zozie 13:13 - NYANMIƐN NDƐ'N 1998

¹³ sanngɛ Izraɛlfuɛ'm b'a fuan-man Gesir nin Maakafuɛ mun. Ɔ man lele ndɛ i sɔ sran'm be tɛ tran Izraɛl lɔ.

Zozie 13:13 Iomraidhean Croise

Bo Bolɛ 35:22

Be o lɛ kpɛkuun Ribɛn wa wluli i si i soman Bila sin, ɔ nin i be lali, kpɛkuun i si Izraɛl tili. Zakɔb wuli ba yasua blu-nin-nnyɔn.

2 Samiɛl 10:6

Kɛ Amɔnfuɛ'm be wunnin i kɛ b'a wɔ David safle'n, be fali sika be ko yiali Bɛt-Rɛɔb lɔ Sirifuɛ mun, ɔ nin Sɔba lɔ Sirifuɛ'm be sonja akpi-akpi ablaɔn (20.000), ɔ nin Maaka famiɛn'n i sonja akpi, ɔ nin Tɔbfuɛ'm be sonja akpi-akpi blu-nin-nnyɔn (12.000).

2 Samiɛl 3:3

I nnyɔn su'n yɛlɛ Kileab, ɔ nin Nabal i angboti Abigail b'ɔ fin Karmɛl'n yɛ be wuli i-ɔ. I nsan su'n yɛlɛ Absalɔm, ɔ nin Talmai b'ɔ ti Gesir famiɛn'n i wa Maaka yɛ be wuli i-ɔ.

Kalɛ 33:55

Sɛ kusu amu'an kan-man mɛn'n i nun sran nga be o amun nyrun'n bé bo'n nan amun yaci be lɛ'n, be ´kaci kɛ owie sa, be ´wɔ amun nyinma su, annzɛ be ´kaci kɛ kpɛngbɛ piembie sa, be ´wɔ amun nvɛn mma'n. Be ´kaci amun kpɔfuɛ mɛn nga amun wa tran nun'n i nun.

Mmla'n 3:14

Manase i wa Zair i osu nunfuɛ'm be fali Argɔb lika wunmuan'n Bazan lika'n nun lɔ lele kpɛn Gesirfuɛ mun nin Maakatfuɛ'm be awɛ'n su. Be fali be dunman sieli lɛ klɔ'm be su. Be flɛ be kɛ Zair klɔ, lele ndɛ be tɛ flɛ be sɔ.

Zozie 12:5

Ɛrmɔn oka'n nin Salka klɔ'n, ɔ nin Bazan mɛn'n kwlaa b'ɔ fa ju Gesirfuɛ nin Maakatfuɛ'm be awɛ'n su'n, ɔ nin Galaad lika'n i bue bɔ i awɛ yɛlɛ famiɛn Siɔn i nvle'n bɔ be flɛ i Ɛsbɔn'n, i kwlaa sɔ'n ti famiɛn sɔ'n i liɛ.

Zozie 13:11

Galaad mɛn'n, Gesir nin Maaka lika'n, Ɛrmɔn oka'n ɔ nin Bazan'n kwlaa lele fa to Salka klɔ'n, ɔ o lika sɔ'n nun.

Zozie 13:12

Astarɔt nin Edrei, kan Ɔg b'ɔ ti Rɛfafuɛ be kasiɛn be nun kun'n dili i famiɛn'n lɛ'n ɔ o be lika'n nun. Moiz kwlali nvle sɔ nunfuɛ mun nan ɔ'a de be lika'n,

Zozie 13:14

Levi akpasua'n i ngunmin yɛ b'a mɛn-mɛn i asiɛ'n wie-ɔ. I lika liɛ ng'ɔ ko nyɛn i'n yɛlɛ tɛ nnɛn nga be yrɛ i sin su be man Anannganman b'ɔ ti Izraɛl Nyanmiɛn'n, kɛ Anannganman bɔbɔ kannin sɔ-ɔ.

1 Samiɛl 27:8

David nin i sran'm be ko wlu nvle wie nun be nin be ko kun alɛ, be kɔ be ba be kɔ be ba. Nvle sɔ mun yɛlɛ Gersir, nin Gerzɛr, ɔ nin Amalɛk. Kɛ ɔ fin lalafuɛ nun'n nvle sɔ'm, be tran Sir ndɛnman lele ´fa ju Ezipt mɛn'n i nuan.