Zozie 13:11 - NYANMIƐN NDƐ'N 1998

¹¹ Galaad mɛn'n, Gesir nin Maaka lika'n, Ɛrmɔn oka'n ɔ nin Bazan'n kwlaa lele fa to Salka klɔ'n, ɔ o lika sɔ'n nun.

Zozie 13:11 Iomraidhean Croise

Bo Bolɛ 37:25

Kɛ be wa trannin ase bɔ be ´di like'n, be ´nian-an, Ismaɛlfuɛ wie'm be nin be nyɔnngɔnmɛn mun yɛ be fin Galaad mɛn'n nun b'a kpɛ aawlɛ flɛnnɛn'n yɛ be su sin kɔ Ezipt yɛ. Ayre fannin, nin kpakpalɛ ninnge, nin mir o nyɔnngɔnmɛn'm bé sin.

1 Be Nyoliɛ 2:23

Gesirfuɛ mun, nin Aramfuɛ'm be fali Zair i klɔ kanngan mun. Yɛ be fali klɔ dan nga be flɛ i kɛ Kɛnat'n nin klɔ nga be o i asa'n su'n. Klɔ nga be fali'n be ti klɔ ablesiɛn. Be nga be tran klɔ sɔ'm be su'n, be kwlaa be ti Makir b'ɔ ti Galaad i si'n i mma mun.

1 Be Nyoliɛ 5:11

Gadfuɛ'm be trannin Ribɛnfuɛ be nyrun ndɛnman su lɛ lika'n nun. Be trannin Bazan lika'n nun lele fa ju Salka.

Kalɛ 32:29

Ndɛ nga Moiz kan kleli be'n yɛ: «Sɛ Gadfuɛ nin Ribɛnfuɛ'm be fa alɛ ninnge mun nan be nin amun kpɛ Zurdɛn'n, nan be ko kun alɛ'n kɛ Anannganman fa kannin'n sa'n, sɛ be uka amun nan amun fa mɛn'n, amun `fa Galaad mɛn'n be `fa man be.

Mmla'n 3:10

E deli lika kpɛtɛkplɛɛ'n nun klɔ'm be kwlaa nin Galaad mɛn'n, ɔ nin Bazan'n i kwlaa lele fa ju Salka nin Edrei bɔ be ti famiɛn Ɔg i mɛn'n nun klɔ mun'n. Klɔ sɔ'm be o Bazan mɛn'n nun.

Zozie 11:3

Ɔ wunnin Kanaanfuɛ nga be o Zurdɛn'n i lika ng'ɔ kpɛ wia afiliɛ nin i lika ng'ɔ kpɛ wia atɔliɛ lɔ'n bé wun. Amɔrfuɛ, nin Ɛtfuɛ, nin Ferezfuɛ, nin Zɛbisfuɛ nga be tran oka-oka lika'm be nun'n, ɔ nin Evfuɛ nga be tran Ɛrmɔn bo lɔ Mizpa lika nun lɔ'n, ɔ wunnin be wun ekun.

Zozie 13:10

Amɔrfuɛ'm be famiɛn bɔ be flɛ i Siɔn'n i klɔ ng'ɔ sie be kɛ ɔ fɛ i Ɛsbɔn lele fa ju Amɔnfuɛ'm be lika'n i nuan'n, be o nun wie.

Zozie 13:2

Lika sɔ mun yɛ: Filistifuɛ'm be lika'm be kwlaa, ɔ nin Gersirfuɛ'm be lika

Zozie 13:25

Zaɛzɛr, nin Galaad klɔ'm be ngba, nin Amɔn i osu'n nun sran'm be mɛn'n i bue bɔ i nuan yɛlɛ Arɔɛr b'ɔ o Raba i ndɛnman lɛ'n.

Zozie 17:5

Ɔ man Manase akpasua'n nyannin lika akpasua blu sanngɛ Galaad nin Bazan bɔ be o be liɛ Zurdɛn i wia afiliɛ lɔ'n be nun-man nun.

1 Samiɛl 13:7

Ebre wie'm be kpɛli Zurdɛn'n be ɔli Gad nin Galaad nvle'n nun. Kɛ ɔ ´yo sɔ'n, wuun Sail tɛ o Gilgal, be nga be o i sa nun b'a wie wu kpo.