Zozie 12:6 - NYANMIƐN NDƐ'N 1998

⁶ Moiz nin Izraɛlfuɛ'm be kwlali famiɛn nnyɔn sɔ mun, nan Moiz b'ɔ ti Anannganman i sufuɛ'n ɔ'a fa be mɛn ɔ'a man Ribɛn akpasua'n, ɔ nin Gad akpasua'n, ɔ nin Manase akpasua'n i bue.

Zozie 12:6 Iomraidhean Croise

1 Famiɛn Mun 4:19

Iri i wa Gebɛr, i lika liɛ'n yɛlɛ Galaad nvle'n, ɔ nin Siɔn b'ɔ ti Amɔrfuɛ'm be famiɛn, ɔ nin Ɔg b'ɔ ti Bazan famiɛn'm be nvle mun. Prefe kunngba yɛ ɔ o Zida nvle'n nun-ɔn.

Kalɛ 32:29

Ndɛ nga Moiz kan kleli be'n yɛ: «Sɛ Gadfuɛ nin Ribɛnfuɛ'm be fa alɛ ninnge mun nan be nin amun kpɛ Zurdɛn'n, nan be ko kun alɛ'n kɛ Anannganman fa kannin'n sa'n, sɛ be uka amun nan amun fa mɛn'n, amun `fa Galaad mɛn'n be `fa man be.

Kalɛ 32:32

Kɛ ɔ ´yo nan y'a kwla nyan e lika liɛ'n Zurdɛn nzue ba'n i bue nga su wa'n ti'n, e ´fa alɛ ninnge mun e ´wlu Kanaan mɛn'n nun lɔ kɛ Anannganman fa kannin'n sa.»

Kalɛ 32:33

Moiz fali Amɔrfuɛ'm be famiɛn'n i lika'n nin Ɔg b'ɔ ti Bazan i famiɛn'n i lika'n, ɔ nin klɔ nga be mantan be lɛ'n, be nin be asiɛ mun, ɔ fa mannin Gadfuɛ mun nin Ribɛnfuɛ mun, ɔ nin Zozɛf i wa Manase i akpasua'n i bue kun.

Zozie 14:3

Moiz dun mmua fali lika ng'ɔ o Zurdɛn i bue ng'ɔ kpɛ wia afiliɛ lɔ'n fa cɛcɛli akpasua nnyɔn nin bue'n bé ti nun ti nun, ɔ'a man-man Levi akpasua'n sufuɛ'm be wie,

Zozie 18:7

Levifuɛ'm be su nyan-man lika'n wie. Ng'ɔ ti be liɛ'n yɛlɛ Anannganman i nyrun jranlɛ junman'n. Gad nin Ribɛn be akpasua mun ɔ nin Manase i akpasua'n i bue be kusu be dun mmua nyannin be lika liɛ Zurdɛn'n i wia afiliɛ lɔ. Moiz bɔbɔ b'ɔ ti Anannganman i sufuɛ'n yɛ ɔ fa mannin be-ɔ.»

Zozie 22:4

Anannganman b'ɔ ti amun Nyanmiɛn'n i kusu man amun niaan'm b'a nyan alaje kɛ ɔ fua kleli be'n sa. Siɛn atin'n la nun, amun kwla sa amun sin kɔ mɛn nga Moiz b'ɔ ti Anannganman i sufuɛ'n fa cɛcɛli amun Zurdɛn'n i bue ng'ɔ kpɛ wia afiliɛ lɔ nun.