Zozie 12:5 - NYANMIƐN NDƐ'N 1998

⁵ Ɛrmɔn oka'n nin Salka klɔ'n, ɔ nin Bazan mɛn'n kwlaa b'ɔ fa ju Gesirfuɛ nin Maakatfuɛ'm be awɛ'n su'n, ɔ nin Galaad lika'n i bue bɔ i awɛ yɛlɛ famiɛn Siɔn i nvle'n bɔ be flɛ i Ɛsbɔn'n, i kwlaa sɔ'n ti famiɛn sɔ'n i liɛ.

Zozie 12:5 Iomraidhean Croise

2 Samiɛl 13:37

Famiɛn'n sunnin i wa'n cɛn'n kwlakwlakwla. Kɛ ɔ ´yo sɔ'n, wuun Absalɔm ɔ'a wanndi ɔ'a ko talo Amiir b'ɔ ti Gesir famiɛn'n i wa Talmai.

2 Samiɛl 15:8

Kɛ n wo Gesir b'ɔ o Siri mɛn'n nun lɔ'n, n seli Anannganman kɛ: ‹Sɛ wɔ man n sa n sin Zerizalɛm'n, n ´yi tɛ m man wɔ.› »

2 Samiɛl 23:34

nin Asasbai i wa Elifelɛt, ɔ ti Maaka bian kun i anunman, nin Asitɔfɛl i wa Eliam, ɔ fin Gilo,

2 Samiɛl 3:3

I nnyɔn su'n yɛlɛ Kileab, ɔ nin Nabal i angboti Abigail b'ɔ fin Karmɛl'n yɛ be wuli i-ɔ. I nsan su'n yɛlɛ Absalɔm, ɔ nin Talmai b'ɔ ti Gesir famiɛn'n i wa Maaka yɛ be wuli i-ɔ.

2 Famiɛn Mun 25:23

Sonja'm bé su kpɛn nga b'a fa-man bé wun b'a man-man Babilɔnifuɛ mun'n, be tili i kɛ Babilɔni famiɛn'n ɔ'a sie Gɛdalia kpɛn. Be nin be sonja'm be ɔli Gɛdalia wun lɔ Mizpa lɔ. Be nga be ɔli sɔ'n be dunman mun yɛ: Nɛtania i wa Ismaɛl, nin Kareak i wa Zosanan, nin Tanimɛt b'ɔ fin Nɛtofa'n i wa Sɛraza, yɛ Maakat bian'n i wa Zazania. Be kwlaa sɔ'n, be nin be sran mun yɛ be ɔli-ɔ.

1 Be Nyoliɛ 5:11

Gadfuɛ'm be trannin Ribɛnfuɛ be nyrun ndɛnman su lɛ lika'n nun. Be trannin Bazan lika'n nun lele fa ju Salka.

Zeremi 40:8

Yɛ be wa to Gɛdalia Mizpa lɛ-ɔ. Sonja kpɛnngbɛn nga be bali sɔ mun yɛlɛ: Nɛtania i wa Ismaɛl, nin Kareak i wa nnyɔn'n: Zosanan yɛ Zonatan, nin Tanimɛt i wa Sɛraza, nin Efai b'ɔ fin Nɛtofa'n i mma mun, ɔ nin Zɛzania b'ɔ ti Maakafuɛ'n.

Mmla'n 3:14

Manase i wa Zair i osu nunfuɛ'm be fali Argɔb lika wunmuan'n Bazan lika'n nun lɔ lele kpɛn Gesirfuɛ mun nin Maakatfuɛ'm be awɛ'n su. Be fali be dunman sieli lɛ klɔ'm be su. Be flɛ be kɛ Zair klɔ, lele ndɛ be tɛ flɛ be sɔ.

Zozie 11:3

Ɔ wunnin Kanaanfuɛ nga be o Zurdɛn'n i lika ng'ɔ kpɛ wia afiliɛ nin i lika ng'ɔ kpɛ wia atɔliɛ lɔ'n bé wun. Amɔrfuɛ, nin Ɛtfuɛ, nin Ferezfuɛ, nin Zɛbisfuɛ nga be tran oka-oka lika'm be nun'n, ɔ nin Evfuɛ nga be tran Ɛrmɔn bo lɔ Mizpa lika nun lɔ'n, ɔ wunnin be wun ekun.

Zozie 12:1

Izraɛlfuɛ'm be dun mmua kwlali famiɛn nnyɔn nga be o Zurdɛn i lika ng'ɔ kpɛ wia afiliɛ lɔ'n nun. Be fali be mɛn'n b'ɔ fɛ i Arnɔn nzue ba nuan lɔ lele fa ju Ɛrmɔn oka'm bo lɔ'n. Zurdɛn i lika ng'ɔ kpɛ wia afiliɛ lɔ'n wo nun.

Zozie 13:11

Galaad mɛn'n, Gesir nin Maaka lika'n, Ɛrmɔn oka'n ɔ nin Bazan'n kwlaa lele fa to Salka klɔ'n, ɔ o lika sɔ'n nun.

1 Samiɛl 27:8

David nin i sran'm be ko wlu nvle wie nun be nin be ko kun alɛ, be kɔ be ba be kɔ be ba. Nvle sɔ mun yɛlɛ Gersir, nin Gerzɛr, ɔ nin Amalɛk. Kɛ ɔ fin lalafuɛ nun'n nvle sɔ'm, be tran Sir ndɛnman lele ´fa ju Ezipt mɛn'n i nuan.