Zozie 12:1 - NYANMIƐN NDƐ'N 1998

¹ Izraɛlfuɛ'm be dun mmua kwlali famiɛn nnyɔn nga be o Zurdɛn i lika ng'ɔ kpɛ wia afiliɛ lɔ'n nun. Be fali be mɛn'n b'ɔ fɛ i Arnɔn nzue ba nuan lɔ lele fa ju Ɛrmɔn oka'm bo lɔ'n. Zurdɛn i lika ng'ɔ kpɛ wia afiliɛ lɔ'n wo nun.

Zozie 12:1 Iomraidhean Croise

1 Famiɛn Mun 4:19

Iri i wa Gebɛr, i lika liɛ'n yɛlɛ Galaad nvle'n, ɔ nin Siɔn b'ɔ ti Amɔrfuɛ'm be famiɛn, ɔ nin Ɔg b'ɔ ti Bazan famiɛn'm be nvle mun. Prefe kunngba yɛ ɔ o Zida nvle'n nun-ɔn.

Jue Mun 133:3

Ɔ ti kɛ bɔlɛ b'ɔ fin Ɛrmɔn oka'n su lɔ ɔ wa gua Siɔn oka'm be su'n sa, afin lɛ yɛ Anannganman sieli kɛ ye bɔ be nyɛn i'n nin nguan'n be `fin bla tititi-ɔ.

Jue Mun 136:21

Ɔ fali be mɛn'n mannin sran uflɛ mun kɛ be aja-a, afin i klun-ufue'n wo lɛ tititi.

Jue Mun 89:12

Nyanmiɛn su lɔ'n ti ɔ liɛ, asiɛ'n kusu ti ɔ liɛ. Wɔ yɛ a boli mɛn wunmuan'n ɔ nin i nun ninnge'n kwlakwla-a.

Ezai 16:2

Arnɔn nzue ba'n i wun lɔ'n, Moab bla'm be ´yo kɛ anunman bɔ be wlan-wlan be tu be sin'n sa. Be ´yo kɛ anunman ba kanngan bɔ b'a kan bé bo bé sua'n nun'n sa.

Kalɛ 21:13

Kɛ be fɛ i lɛ'n, be ɔli nzue ba nga be flɛ i Arnɔn bɔ i ti'n wo Amɔrfuɛ'm be mɛn'n nun lɔ'n i sin lɔ. Nzue ba sɔ'n sin aawlɛ flɛnnɛn kun nun nan ɔ'a ju Moab mɛn'n nin Amɔrfuɛ'm be mɛn'n be anyialiɛ'n su.

Kalɛ 21:21

Izraɛlfuɛ'm be sunmannin sran kɛ be ko se Siɔn b'ɔ ti Amɔrfuɛ'm be famiɛn'n kɛ:

Kalɛ 21:24

Izraɛlfuɛ'm be kwlali be, be fali be mɛn wunmuan b'ɔ fɛ i Arnɔn nzue'n su fa ju Zabɔk nzue'n su'n, lele ɔ fa ju Amɔnfuɛ'm be anyialiɛ'n su lika ng'ɔ kpɛ wia afiliɛ lɔ'n b'ɔ ti talɛ tɛɛn'n su.

Kalɛ 32:19

E su fa-man asiɛ bé wun lɔ Zurdɛn'n i sin lɔ bue liɛ'n su annzɛ be sin mmua lɔ, afin e asiɛ liɛ'n yɛlɛ ng'ɔ o Zurdɛn'n i wia afiliɛ bue liɛ'n su wa yɛ'n.»

Kalɛ 32:32

Kɛ ɔ ´yo nan y'a kwla nyan e lika liɛ'n Zurdɛn nzue ba'n i bue nga su wa'n ti'n, e ´fa alɛ ninnge mun e ´wlu Kanaan mɛn'n nun lɔ kɛ Anannganman fa kannin'n sa.»

Kalɛ 32:33

Moiz fali Amɔrfuɛ'm be famiɛn'n i lika'n nin Ɔg b'ɔ ti Bazan i famiɛn'n i lika'n, ɔ nin klɔ nga be mantan be lɛ'n, be nin be asiɛ mun, ɔ fa mannin Gadfuɛ mun nin Ribɛnfuɛ mun, ɔ nin Zozɛf i wa Manase i akpasua'n i bue kun.

Mmla'n 2:24

Anannganman seli e kɛ: «Amun `jaso amun `wɔ, amun `kpɛ Arnɔn nzue ba'n. An `nian, Siɔn b'ɔ ti Amɔrfuɛ'n b'ɔ ti Ɛsbɔn famiɛn'n ɔ nin i mɛn'n, m'an fa be m'an wla amún sa nun. Amun `bo i falɛ bo. Amun `fa alɛ wla be sin.

Mmla'n 2:32

Siɔn nin i alɛ kunfuɛ'm be fali alɛ buli e nyrun Zaaz lɔ.

Mmla'n 3:1

I sin, e blili e ko fali Bazan atin'n. Kpɛkuun Ɔg b'ɔ ti Bazan famiɛn'n nin i sonja'm be kwlakwla be fali alɛ be wa buli e nyrun Edrei lɛ.

Mmla'n 4:44

Moiz fali mmla'n sieli i Izraɛlfuɛ'm be nyrun.

Mmla'n 4:46

Kɛ ɔ ´fa sie be nyrun sɔ'n, wuun be o Zurdɛn'n i bue kun ng'ɔ o Baal-Pɛɔr i nyrun ndɛnman lɛ'n i su. Lika sɔ'n wo Amɔrfuɛ'm be famiɛn nga be flɛ i Siɔn b'ɔ tran Ɛsbɔn'n i mɛn'n nun. Kɛ Moiz nin Izraɛlfuɛ'm be fin Ezipt lɔ bali'n, be kwlali famiɛn sɔ'n.

Mmla'n 4:48

Izraɛlfuɛ'm be fali lika ng'ɔ fɛ i Arɔɛr b'ɔ o Arnɔn nzue ba'n i nuan lɔ'n lele fa juli Siɔn oka bɔ be flɛ i Ɛrmɔn'n i wun lɔ.

Zozie 1:15

lele san be ´fa mɛn nga Anannganman fa man be nzue i bue kun lɔ'n. Bé wun ´jɔ be wie kɛ amun sa ka nan amu'an sa be sin mɛn nga Anannganman i sufuɛ Moiz fa mannin amun Zurdɛn'n i bue nga su'n nun.»

Zozie 11:17

Ɔ kwlali famiɛn nga bé mɛn'n wo oka ti su trɔnmintrɔnmin ɔ nin Baal-Gad lika'm be afiɛn nun'n. Oka sɔ'n mantan Seir lika'n b'ɔ o ngua lɔ'n. Baal-Gad kusu o Liban kongo nun lɔ, Ɛrmɔn oka'n i bo ngua nglo lɔ lika'n nun lɔ. Ɔ kunnin i sɔ famiɛn liɛ'm be kwlakwla.

Zozie 11:3

Ɔ wunnin Kanaanfuɛ nga be o Zurdɛn'n i lika ng'ɔ kpɛ wia afiliɛ nin i lika ng'ɔ kpɛ wia atɔliɛ lɔ'n bé wun. Amɔrfuɛ, nin Ɛtfuɛ, nin Ferezfuɛ, nin Zɛbisfuɛ nga be tran oka-oka lika'm be nun'n, ɔ nin Evfuɛ nga be tran Ɛrmɔn bo lɔ Mizpa lika nun lɔ'n, ɔ wunnin be wun ekun.

Zozie 13:8

Ribɛn nin Gad akpasua'n ɔ nin Manase akpasua bue klikli'n be nyannin be lika liɛ Zurdɛn i wia afiliɛ lɔ. Moiz b'ɔ ti Anannganman i sufuɛ'n yɛ ɔ mannin be-ɔ.

Zozie 22:4

Anannganman b'ɔ ti amun Nyanmiɛn'n i kusu man amun niaan'm b'a nyan alaje kɛ ɔ fua kleli be'n sa. Siɛn atin'n la nun, amun kwla sa amun sin kɔ mɛn nga Moiz b'ɔ ti Anannganman i sufuɛ'n fa cɛcɛli amun Zurdɛn'n i bue ng'ɔ kpɛ wia afiliɛ lɔ nun.

Jɔlɛ Difuɛ Mun 11:18

Be ko sannin Edɔm mɛn'n ɔ nin Moab mɛn'n bé wun. Be sinnin Moab i wia afiliɛ lɔ yɛ be bali-ɔ, sanngɛ b'a kpɛn-man lɔ. Be wa boli be nanmue Arnɔn nzue ba'n i bue kun lɔ, sanngɛ b'a wlu-man Moab nvle'n nun, afin Arnɔn nzue ba'n wo Moab i nuan su.