Zozie 11:8 - NYANMIƐN NDƐ'N 1998

⁸ Anannganman fali be wlali Izraɛlfuɛ'm bé sa nun, be kwlali be, be suli be su lele juli Sidɔn klɔ dan'n i nglo lɔ, ɔ nin Misrɛfɔt Maim lɔ, ɔ nin Mizpa kongo nun lɔ wia afiliɛ lika'n nun lɔ. Be kwlali be mlɔnmlɔn, b'a yaci-man sran ba kun sa lɛ.

Zozie 11:8 Iomraidhean Croise

Bo Bolɛ 10:15

Kanaan i wa klikli ng'ɔ wuli i'n yɛlɛ Sidɔn, i sin ɔ wa wuli Ɛt.

Bo Bolɛ 49:13

Zabilɔn liɛ'n ɔ ´tran jenvie'n nuan, kan mmeli'm be si lɛ'n yɛ ɔ tran-an. I lika'n ɔ ´kɔ lele ju Sidɔn.

2 Samiɛl 24:6

Be ɔli Galaad mɛn'n nun, i sin be ɔli Taktim-Ɔdsi mɛn'n nun, yɛ be ɔli Dan-Zaan. I sin be ɔli Sidɔn asa'n su.

Ezai 23:4

Sidɔn klɔ, ɔ bɔ a ti jenvie i sasalɛ like'n, man nyannzuɛn kun wɔ. Sɛ jenvie'n ti sran'n, wuun n ´se kɛ i waan: «N klun ɔ'a yo-man min ya, m'an wu-man ba, m'an ta-man ba yasua, m'an ta-man ba bla.»

Zakari 9:2

Ndɛ sɔ'n ti Amat b'ɔ o Damas wun lɔ'n i nunfuɛ'm be liɛ ekun, ɔ ti Tirfuɛ mun nin Sidɔnfuɛ mun, ɔ liɛ ngwlɛlɛfuɛ sɔ mun, ɔ ti be liɛ wie.

Mmla'n 7:2

Sɛ Anannganman amun Nyanmiɛn'n fa be man amun nan amun kwla be'n, amun `nunnun be mlɔnmlɔn. Nán amun nin be tra aenguɛ, nán amun si be aunnvuɛ.

Mmla'n 9:3

Ndɛkɛn'n, man amun si kɛ Anannganman amun Nyanmiɛn'n ɔ ´dun mmua amun nyrun, ɔ ti kɛ sin sa, ɔ yra. I yɛ ɔ wa nunnun be-ɔ. I yɛ ɔ ´gua be nyin ase-ɔ. Ɔ man amun wa fuan be, amun wa kun be ndɛndɛ kpa kɛ Anannganman kan kleli amun'n sa.

Zozie 10:20

Zozie nin Izraɛlfuɛ'm be kwlali be kwlalɛ kpa. Be kwlali be mlɔnmlɔn. Be kunngun nga be kwla wanndili'n, be ɔli klɔ nga be si bé wun'n be su.

Zozie 11:3

Ɔ wunnin Kanaanfuɛ nga be o Zurdɛn'n i lika ng'ɔ kpɛ wia afiliɛ nin i lika ng'ɔ kpɛ wia atɔliɛ lɔ'n bé wun. Amɔrfuɛ, nin Ɛtfuɛ, nin Ferezfuɛ, nin Zɛbisfuɛ nga be tran oka-oka lika'm be nun'n, ɔ nin Evfuɛ nga be tran Ɛrmɔn bo lɔ Mizpa lika nun lɔ'n, ɔ wunnin be wun ekun.

Zozie 11:7

Zozie nin i sonja'm be ko fuli be nun Merɔm nzue ti wun lɔ.

Zozie 13:6

lɛfuɛ'm be kwlakwla be ti Sidɔnfuɛ. I kwlakwla ng'ɔ o lɛ'n ɔ fata kɛ a fa be. Kɛ Izraɛlfuɛ'm be ´kɔ be nyrun'n, wuun n ´fuan nvle sɔ'n nunfuɛ mun n ´kɔ. Tu mɛn'n i wun fɔtɔ! Nan fa man Izraɛlfuɛ mun kɛ n kan kleli wɔ'n sa!

Zozie 19:28

Abdɔn, Rɛɔb, Amɔn, ɔ nin Kana, kpɛkuun ɔ ju Sidɔn klɔ dan'n wun lɔ.

Zozie 21:44

Anannganman man be trannin fɔuun nun be nvle'n kwlaa nun, kɛ ɔ fa boli bé nannan'm be kasiɛ'n sa. Ɔ man be yoli kwlafuɛ be kpɔfuɛ'm be kwlaa be su. Be nun kun sa ɔ'a kwla jran-man be nyrun.