Zozie 11:3 - NYANMIƐN NDƐ'N 1998

³ Ɔ wunnin Kanaanfuɛ nga be o Zurdɛn'n i lika ng'ɔ kpɛ wia afiliɛ nin i lika ng'ɔ kpɛ wia atɔliɛ lɔ'n bé wun. Amɔrfuɛ, nin Ɛtfuɛ, nin Ferezfuɛ, nin Zɛbisfuɛ nga be tran oka-oka lika'm be nun'n, ɔ nin Evfuɛ nga be tran Ɛrmɔn bo lɔ Mizpa lika nun lɔ'n, ɔ wunnin be wun ekun.

Zozie 11:3 Iomraidhean Croise

Bo Bolɛ 31:49

Be flɛli i ekun kɛ Mizpa . Afin Laban waan kɛ e ´ti nun bɔ e su wun-man e wun kun'n, man Anannganman nian e nin wɔ e su.

2 Samiɛl 24:16

Kɛ anz'n mɛnnin i sa'n su bɔ i waan ɔ saci Zerizalɛm'n, Anannganman kacili aniɛn. Ɔ seli anz b'ɔ su kun sran mun kɛ: «Ɔ'a yo kpa, kan ɔ́ sa'n i ase.» Kɛ ɔ ´yo sɔ'n, wuun Anannganman i anz'n wo Aravna b'ɔ ti Zɛbisfuɛ'n i ble bowlɛ'n wun lɛ.

2 Samiɛl 24:7

Be sinnin Tir bɔ talɛ si i wun'n su, yɛ be sinnin Evfuɛ mun nin Kanaanfuɛ'm be klɔ laa'm be su. I sin be sinnin Zida nvle'n i ngua lɔ klɔ nga be flɛ i Beɛr-Seba'n su.

1 Famiɛn Mun 15:22

Aza flɛli Zidafuɛ'm be kwlaa, be bali nan b'a isa yɛbuɛ nin waka nga Baɛsa fa bali Rama i wun silɛ'n. Aza fa sisili Bɛnzamɛn Gɛba klɔ'n nin Mizpa klɔ'n bé wun.

1 Famiɛn Mun 9:20

Amɔrfuɛ mun, nin Ɛtfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ mun bɔ be ti-man Izraɛlfuɛ'n, bɔ sanngɛ Izraɛlfuɛ'm b'a kwla nunnun-man be'n, be mma nga be kali Izraɛl mɛn'n nun'n, Salomɔn man be dili junman kekle mun kɛ kanga mun sa. Be tɛ o kanga sɔ'n nun lele ndɛ,

Jue Mun 133:3

Ɔ ti kɛ bɔlɛ b'ɔ fin Ɛrmɔn oka'n su lɔ ɔ wa gua Siɔn oka'm be su'n sa, afin lɛ yɛ Anannganman sieli kɛ ye bɔ be nyɛn i'n nin nguan'n be `fin bla tititi-ɔ.

Jue Mun 89:12

Nyanmiɛn su lɔ'n ti ɔ liɛ, asiɛ'n kusu ti ɔ liɛ. Wɔ yɛ a boli mɛn wunmuan'n ɔ nin i nun ninnge'n kwlakwla-a.

Ngɔjue Fɛfɛ Kpa'n 4:8

Min yi , jaso Liban lɔ bla min sin. Jaso Liban lɔ bla min sin. Jaso Amana oka'n su lɔ bla. Jaso Sɛnir nin Ɛrmɔn oka'm bé su kan asɔmɔli'm be la lɔ'n nan bla, jaso kan kangale'm be tran lɔ'n nan bla.

Zeremi 40:10

N wo min liɛ Mizpa wa. Babilɔnifuɛ nga be ´ba e mɛn'n nun wa'n, n wo wa n ´sɔ be nun. Amun kusu an `ko yi nzan nin ngo, an `ti waka mma mun, amun `fa be sie amun like siewlɛ'm be nun, nan an `tran klɔ nga an fali be'n be su.»

Zeremi 40:6

Zeremi ɔli Asikam i wa Gɛdalia sin Mizpa lɔ. Ɔ nin i be trannin Zidafuɛ nga be kali lɛ'n bé wun lɛ.

Zeremi 41:14

Kpɛkuun be kwlaa be kaci ɔli Zosanan sin.

Zeremi 41:3

Zidafuɛ'm be kwlaa bɔ be nin Gɛdalia be o Mizpa lɛ'n ɔ nin Babilɔni sonja nga be o lɛ'n, Ismaɛl kunnin be ekun.

Kalɛ 13:29

Amalɛkfuɛ'm be tran ngua lɔ lika'n nun, Ɛtfuɛ'm be nin Zɛbisfuɛ mun, ɔ nin Amɔrfuɛ mun be tran oka-oka lika'm be nun, yɛ Kanaanfuɛ'm be tran be liɛ jenvie'n wun koko lɛ Zurdɛn nzue ba'n i nuan.»

Mmla'n 4:48

Izraɛlfuɛ'm be fali lika ng'ɔ fɛ i Arɔɛr b'ɔ o Arnɔn nzue ba'n i nuan lɔ'n lele fa juli Siɔn oka bɔ be flɛ i Ɛrmɔn'n i wun lɔ.

Mmla'n 7:1

Anannganman amun Nyanmiɛn'n ɔ ´fa amun wlu mɛn nga amun wa ko fa'n nun. Ɔ ´kankan nvle nga be o yɛ'n be bo amun nyrun: Ɛtfuɛ, Girgazfuɛ, Amɔrfuɛ, Kanaanfuɛ, Ferezfuɛ, Evfuɛ, yɛ Zɛbisfuɛ mun. Be sɔnnin tra amun, yɛ be lɛ wunmiɛn tra amun.

Zozie 11:17

Ɔ kwlali famiɛn nga bé mɛn'n wo oka ti su trɔnmintrɔnmin ɔ nin Baal-Gad lika'm be afiɛn nun'n. Oka sɔ'n mantan Seir lika'n b'ɔ o ngua lɔ'n. Baal-Gad kusu o Liban kongo nun lɔ, Ɛrmɔn oka'n i bo ngua nglo lɔ lika'n nun lɔ. Ɔ kunnin i sɔ famiɛn liɛ'm be kwlakwla.

Zozie 11:8

Anannganman fali be wlali Izraɛlfuɛ'm bé sa nun, be kwlali be, be suli be su lele juli Sidɔn klɔ dan'n i nglo lɔ, ɔ nin Misrɛfɔt Maim lɔ, ɔ nin Mizpa kongo nun lɔ wia afiliɛ lika'n nun lɔ. Be kwlali be mlɔnmlɔn, b'a yaci-man sran ba kun sa lɛ.

Zozie 13:11

Galaad mɛn'n, Gesir nin Maaka lika'n, Ɛrmɔn oka'n ɔ nin Bazan'n kwlaa lele fa to Salka klɔ'n, ɔ o lika sɔ'n nun.

Zozie 13:5

I Gɛbal nvle nin o, i Baal-Gad lɔ Liban nin o, i wia afiliɛ lɔ Ɛrmɔn oka wun lɔ nin o,

Zozie 15:38

Sian, Mizpe, Zɔkteɛl,

Zozie 15:63

Zidafuɛ'm b'a kwla fuan-man Zɛbisfuɛ nga be tran Zerizalɛm lɛ'n. Ɔ man kɛ e ´se yɛ'n, be nin be yɛ be o klɔ'n su lɛ-ɔ.

Zozie 18:26

Mizpe, Kɛfira, Moza,

Zozie 3:10

Amun wa wun i jrɛiin kɛ Nyanmiɛn b'ɔ lafi-man'n, ɔ o amun afiɛn nan ɔ wa fuan Kanaanfuɛ mun, nin Ɛtfuɛ mun, nin Evfuɛ mun, nin Ferezfuɛ mun, nin Girgazfuɛ mun, nin Amɔrfuɛ mun, ɔ nin Zɛbisfuɛ mun amun nyrun sakpa.

Jɔlɛ Difuɛ Mun 20:1

Izraɛlfuɛ'm bɔ be o kan ɔ fɛ i Dan b'ɔ o nglo lɔ'n b'ɔ fa ju Beɛr-Seba b'ɔ o ngua lɔ'n, be kwlaa be bali. Be nga be o Galaad b'ɔ o wia afiliɛ lɔ'n be bali wie. Bé nuan yoli kun be yiali Anannganman nyrun Mizpa lɔ.

Jɔlɛ Difuɛ Mun 21:5

Kpɛkuun be usali kɛ: «?Yialɛ nga y'a yia yɛ'n, Izraɛlfuɛ wie'm b'a yia-man wie?» Afin be tali nda kɛ sran kwlaa bɔ be ´ko yia Mizpa lɔ bɔ ɔ'a ɔ-man wie'n, be ´kun i.

Jɔlɛ Difuɛ Mun 21:8

I ti yɛ be usali be wiengu kɛ: «?Akpasua onin yɛ kɛ e ´yia Mizpa lɔ'n, i su sran wie ɔ'a ba-man wie nin-ɔn? Kpɛkuun be ´usa-a, Zabɛs b'ɔ o Galaad lɔ'n i su sran fi ɔ'a ba-man anyia'n i bo wie.»

Jɔlɛ Difuɛ Mun 3:3

Nvle sɔ mun yɛ: Filistifuɛ'm be famiɛn diwlɛ nnun mun, Kanaanfuɛ'm be kwlaa, ɔ nin Sidɔnfuɛ mun, ɔ nin Evfuɛ nga be o Liban oka-oka'n nun mun ɔ fɛ i Baal-Ɛrmɔn oka'n su lele fa ju Amat klɔ'n i wun lɔ.

Jɔlɛ Difuɛ Mun 3:5

Izraɛlfuɛ'm be trannin Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun ɔ nin Zɛbisfuɛ'm be afiɛn.

1 Samiɛl 10:17

Samiɛl yiali Izraɛlfuɛ mun Mizpa lɔ Anannganman sua'n nun lɔ.