Zozie 11:20 - NYANMIƐN NDƐ'N 1998

²⁰ Afin Anannganman man mɛn sɔ nunfuɛ'm be waan san alɛ yɛ be nin Izraɛlfuɛ'm be ´kun-ɔn. I sɔ'n ti, Izraɛlfuɛ'm be kusu be kunnin be kwlakwla kɛ Anannganman fa kan kleli Moiz'n sa.

Zozie 11:20 Iomraidhean Croise

2 Samiɛl 17:14

Absalɔm nin Izraɛlfuɛ'm be kwlaa be waan: «Isai i afɔtuɛ liɛ'n ti kpa tra Asitɔfɛl liɛ'n.» Anannganman bɔbɔ man Asitɔfɛl i afɔtuɛ kpa'n b'a fa-man, afin Anannganman waan ɔ ´fa nyrɛnnɛn yi i Absalɔm su.

1 Famiɛn Mun 12:15

Famiɛn'n ɔ'a kplin-man like nga nvlefuɛ'm be usɛli'n i su. Anannganman yɛ man ɔ yoli sɔ-ɔ, kɛ ɔ ´yo nan ndɛ ng'ɔ fa wlali Asiza b'ɔ ti Silofuɛ'n i nuan kɛ ɔ kan kle Nɛbat i wa Zeroboam'n i nuan ɔ'a yia'n ti.

2 Be Nyoliɛ 22:7

Kɛ ɔ ´yo nan Akazia liɛ'n ɔ'a wie'n ti yɛ Nyanmiɛn kplinnin su kɛ ɔ wɔ Zɔram nianlɛ nin-ɔn. Kɛ ɔ juli lɔ'n, ɔ nin Zɔram be ɔli Nimsi i wa Zei atin kpalɛ. Kannzu Anannganman sieli Zei famiɛn kɛ ɔ ´yo nan Zei ɔ'a nunnun Akab i awlo'n ti.

2 Be Nyoliɛ 25:16

Famiɛn'n kpaloli i nuan ndɛ'n, yɛ ɔ usɛli i kɛ: «?I kpa'n, e fali wɔ kɛ a yo famiɛn'n i afɔtuɛ manfuɛ? Sɛ a kunndɛ-man kɛ be yo wɔ tɛtɛ'n, nán kan ndɛ fi kun!» Nyanmiɛn nuan ijɔfuɛ'n mannin ndɛ'n su ekun, ɔ seli kɛ: «Sa nga a yoli'n nin afɔtuɛ nga m mannin wɔ bɔ w'a fa-man ti'n, n si kɛ Nyanmiɛn ɔ'a gugu kɛ ɔ ´kun wɔ.»

Ezipt Lɔ Tulɛ'n 10:1

Anannganman seli Moiz kɛ: «Kɔ famiɛn'n i wun lɔ. Min yɛ n keteli i nin i mantanfuɛ'm be anwlɛn nin-ɔn, kɛ ɔ ´yo nan m'an yo min abonuan sa mun be afiɛn'n ti.

Ezipt Lɔ Tulɛ'n 11:10

Moiz nin Aarɔn b'a dun mmua b'a yi atrɛ kpanngban kpa famiɛn'n nyrun, sanngɛ Anannganman yoli man i anwlɛn'n keteli. I sɔ'n ti, ɔ'a yaci-man Izraɛlfuɛ'm be nun kɛ be wɔ.

Ezipt Lɔ Tulɛ'n 14:17

Min liɛ kusu, n wa kete Eziptfuɛ'm be anwlɛn'n, nan be wlu amún sin jenvie'n nun. Kwlalɛ bɔ n wa kwla Ezipt famiɛn'n nin i alɛ kunfuɛ mun, ɔ nin i nnɛn kpanngɔ su fufuɛ mun'n, yɛ sacilɛ bɔ n wa saci i kakaklolo mun'n i dunman nun ti sran'm be wa manman min.

Ezipt Lɔ Tulɛ'n 14:4

N wa kete famiɛn'n i anwlɛn'n, ɔ wa su amun su. Min kwlalɛ bɔ n ´fa kwla famiɛn'n nin i alɛ kunfuɛ mun'n ti, sran'm be wa manman min. Kɛ ɔ ko yo sɔ'n, Eziptfuɛ'm be wa si kɛ min yɛ n ti Anannganman nin-ɔn.» Izraɛlfuɛ'm be yoli nga Moiz kan kleli be kɛ be yo'n.

Ezipt Lɔ Tulɛ'n 14:8

Anannganman yoli man famiɛn'n i anwlɛn keteli, kɛ bɔ Izraɛlfuɛ'm be ´kɔ'n, be jasoli Ezipt lɔ kɛ b'a dun mmua b'a nyan be ti sa.

Ezipt Lɔ Tulɛ'n 4:21

Anannganman seli i ekun kɛ: «Abonuan ninnge wafa-wafa nga n yoli man a kwlali be yo lɛ'n, kɛ a ´sa ɔ́ sin Ezipt lɔ yɛ'n, yo i sɔ abonuan sa mun Ezipt famiɛn'n i nyrun. N wa yo man ɔ su sie-mɛn i su ɔ ndɛ'm bé bo, ɔ su yaci-man Izraɛlfuɛ'm be nun kɛ be wɔ.

Ezipt Lɔ Tulɛ'n 9:12

Anannganman yoli man Ezipt famiɛn'n i anwlɛn'n keteli kɛ Anannganman bɔbɔ dun mmua kan kleli Moiz'n sa. Ɔ'a fɛ-mɛn i su ɔ'a sie-mɛn i Moiz nin Aarɔn be ndɛ'n bo.

Ezipt Lɔ Tulɛ'n 9:16

Sanngɛ ɔ yacili wɔ lɛ kɛ ɔ ´yo nan w'a wun i tinmin'n, nan kusu i dunman'n ɔ'a fu asiɛ'n su'n ti .

Ezai 14:24

Anannganman b'ɔ sie mɛn wunmuan'n ɔ tali nda kɛ: «Sa nga n guguli kɛ n ´yo'n, san ɔ ´kpɛn su, like nga n kannin kɛ ɔ ´ju'n, san i nuan ´yia.

Ezai 34:2

Anannganman'n i ya'n ɔ wa tɔ nvle-nvle'm be nunfuɛ'm be su. I ya dan'n ɔ wa tɔ be alɛ kunfuɛ akpasua'm be kwlaa be su. Anannganman wa kun be kwlaa, ɔ wa nunnun be ngba.

Rɔmfuɛ Mun 9:18

Ɔ man e si kɛ sran nga i waan ɔ ´yo i ye, ɔ yo i ye, yɛ sran nga i waan ɔ ´kete i'n, ɔ kete i.

Mmla'n 2:30

Sanngɛ Siɔn b'ɔ ti Ɛsbɔn famiɛn'n waan nán i yɛ ɔ ko yaci e nun e ko sin-ɔn. Kannzu Anannganman amun Nyanmiɛn'n yɛ ɔ keteli i anwlɛn nin-ɔn, kɛ ɔ ´yo nan amu'an kwlɛ i nan amu'an fɛ i mɛn nga amun o nun ndɛkɛn yɛ'n ti.

Mmla'n 7:16

Amun `nunnun nvle nga Anannganman amun Nyanmiɛn'n fa be man amun'n be kwlakwla. Nán amun si be aunnvuɛ. Nán amun sɔ be amuɛn'm be wie. Sɛ amun yo sɔ-ɔ, amuɛn sɔlɛ ɔ ´tra amun kɛ aya sa.

Jɔlɛ Difuɛ Mun 14:4

I si nin i nin be si-man kɛ Anannganman bɔbɔ yɛ man sa sɔ'n ɔ ju-ɔ. Be si-man kɛ Filistifuɛ'm be utre kunndɛlɛ ti yɛ ɔ yo sɔ nin-ɔn, afin i blɛ sɔ nun'n, wuun Filistifuɛ'm be kwla Izraɛlfuɛ mun.

1 Samiɛl 2:25

Sɛ sran kun yo i wiengu tɛ'n, Nyanmiɛn nin i be kan. ?Yɛ sɛ sran kun yo Anannganman i sa tɛ'n, wan yɛ ɔ ´kpɛtɛ i-ɔ?» Ba'm b'a fa-man bé su b'a sie-man ndɛ nga bé si kannin'n i bo, afin Anannganman waan be wu ti-ɔ.