Zozie 11:17 - NYANMIƐN NDƐ'N 1998

¹⁷ Ɔ kwlali famiɛn nga bé mɛn'n wo oka ti su trɔnmintrɔnmin ɔ nin Baal-Gad lika'm be afiɛn nun'n. Oka sɔ'n mantan Seir lika'n b'ɔ o ngua lɔ'n. Baal-Gad kusu o Liban kongo nun lɔ, Ɛrmɔn oka'n i bo ngua nglo lɔ lika'n nun lɔ. Ɔ kunnin i sɔ famiɛn liɛ'm be kwlakwla.

Zozie 11:17 Iomraidhean Croise

Bo Bolɛ 32:3

Kɛ Zakɔb wunnin be'n, ɔ kpan seli kɛ: «Yoo! Nyanmiɛn i ngblaliɛ yɛ!» Nan ɔ'a tɔn lika sɔ'n i dunman kɛ Maanaim. I bo'n yɛlɛ ngblaliɛ nnyɔn.

Jue Mun 89:12

Nyanmiɛn su lɔ'n ti ɔ liɛ, asiɛ'n kusu ti ɔ liɛ. Wɔ yɛ a boli mɛn wunmuan'n ɔ nin i nun ninnge'n kwlakwla-a.

Mmla'n 1:7

Amun `jaso be wɔ siɛn'n. Amun `wɔ Amɔrfuɛ'm be lika'n b'ɔ ti oka-oka'm be nun lɔ. Kanaanfuɛ'm be lika nga be mantan-mantan lɛ'n, amun `wɔ lɔ. Be lika kpɛtɛkplɛɛ'm be nun o, be lika bɔ be ti oka-oka'm be nun o, be lika tɔnun'm be nun o, ngua lɔ lika'm be nun o, ɔ nin jenvie nuan lɔ lika'm be nun o, amun `wɔ lɔ. Amun `wɔ lele ju Liban lɔ, amun `ju Efrat nzue ba dan'n i nuan lɔ.

Mmla'n 2:1

Kpɛkuun e sali é sin e fali ndɛma jenvie i atin'n, e ɔli aawlɛ flɛnnɛn'n nun lɔ kɛ Anannganman fa kan kleli min'n sa. E sinnin Seir oka'n wun lɛ, e cɛli lɛ lɔuun kpa.

Mmla'n 3:9

Sidɔnfuɛ'm be flɛ Ɛrmɔn oka'n kɛ Siriɔn. Amɔrfuɛ'm be kusu be flɛ i kɛ Sɛnir.

Mmla'n 33:2

«Anannganman fin Sinai oka'n su lɔ bali. Ɔ fin Seir lɔ jasoli kɛ wia'n sa. Kɛ ɔ o Paran oka'n su lɔ'n, ɔ kpaja weiin i sran'm be su. Kɛ ɔ ´fin lɔ ´ba'n, ɔ nin anz kpanngban yɛ be bali-ɔ. Mmla b'ɔ fa blɛ be'n ɔ jue kɛ sin sa, ɔ o i sa fama nun.

Mmla'n 7:24

Anannganman ´fa be famiɛn mun ´wla amún sa nun. Amun ´yo man be dunman ´mlin asiɛ'n su, be wie fi su jran-man amun nyrun, san amun ´nunnun be.

Zozie 1:4

Amun lika'n ɔ ´fɛ i aawlɛ flɛnnɛn b'ɔ o ngua wa yɛ'n lele ´fa ju Liban b'ɔ o nglo lɔ lika'n nun'n i nun. Ɔ ´sin nzue ba dan bɔ be flɛ i Efrat i nuan wia afiliɛ lɔ ´fa sin Ɛtfuɛ'm be mɛn'n nun lele ´fa ju wia atɔliɛ lɔ jenvie dan, bɔ be flɛ i Mediterane'n i nuan. I kwlaa ng'ɔ o lɛ'n ti amun liɛ.

Zozie 11:18

Alɛ ng'ɔ nin be kunnin'n ɔ cɛli.

Zozie 11:3

Ɔ wunnin Kanaanfuɛ nga be o Zurdɛn'n i lika ng'ɔ kpɛ wia afiliɛ nin i lika ng'ɔ kpɛ wia atɔliɛ lɔ'n bé wun. Amɔrfuɛ, nin Ɛtfuɛ, nin Ferezfuɛ, nin Zɛbisfuɛ nga be tran oka-oka lika'm be nun'n, ɔ nin Evfuɛ nga be tran Ɛrmɔn bo lɔ Mizpa lika nun lɔ'n, ɔ wunnin be wun ekun.

Zozie 13:5

I Gɛbal nvle nin o, i Baal-Gad lɔ Liban nin o, i wia afiliɛ lɔ Ɛrmɔn oka wun lɔ nin o,