Zozie 11:12 - NYANMIƐN NDƐ'N 1998

¹² Zozie kwlali famiɛn nga be ju guɛli i su'n be kwlakwla. Ɔ fali be klɔ mun. Ɔ kunnin famiɛn mun nin klɔfuɛ mun kɛ Moiz b'ɔ ti Anannganman i sufuɛ'n seli be kɛ be yo'n sa.

Zozie 11:12 Iomraidhean Croise

Mmla'n 7:2

Sɛ Anannganman amun Nyanmiɛn'n fa be man amun nan amun kwla be'n, amun `nunnun be mlɔnmlɔn. Nán amun nin be tra aenguɛ, nán amun si be aunnvuɛ.

Mmla'n 9:3

Ndɛkɛn'n, man amun si kɛ Anannganman amun Nyanmiɛn'n ɔ ´dun mmua amun nyrun, ɔ ti kɛ sin sa, ɔ yra. I yɛ ɔ wa nunnun be-ɔ. I yɛ ɔ ´gua be nyin ase-ɔ. Ɔ man amun wa fuan be, amun wa kun be ndɛndɛ kpa kɛ Anannganman kan kleli amun'n sa.

Zozie 10:20

Zozie nin Izraɛlfuɛ'm be kwlali be kwlalɛ kpa. Be kwlali be mlɔnmlɔn. Be kunngun nga be kwla wanndili'n, be ɔli klɔ nga be si bé wun'n be su.

Zozie 10:28

Le kunngba sɔ'n nun Zozie fali Makeda klɔ'n. Ɔ kunnin i famiɛn'n ɔ nin i su sran'm be kwlaa. Sran ba kun a ka-man lɔ. Sa ng'ɔ fa yoli Zeriko famiɛn'n, i kunngba'n yɛ ɔ fa yoli Makeda famiɛn nin-ɔn.

Zozie 10:30

Anannganman fali klɔ sɔ'n nin i famiɛn'n mannin be ekun. Be kunnin i sufuɛ mun. Be nun kun a ka-man. Sa kunngba nga be fa yoli Zeriko famiɛn'n yɛ be fa yoli Libna famiɛn nin-ɔn.

Zozie 10:32

Be kunnin le kun. I le nnyɔn'n su'n Anannganman fali Lakis mannin Izraɛlfuɛ mun. Izraɛlfuɛ'm be kunnin Lakisfuɛ mun, b'a yaci-man sran bɔ kun sa lɛ kɛ be fa yoli Libna'n sa.

Zozie 10:35

Be yrali klɔ'n le kunngba sɔ'n nun nan b'a kun klɔfuɛ mun kɛ Lakis lɔ'n sa.

Zozie 10:37

nan b'a fa klɔ'n. Be kunnin i su famiɛn'n ɔ nin i su sran mun. Be fali klɔ nga be mantan lɛ'n nan b'a kun i su sran mun. Zozie nunnunnin klɔ'n mlɔnmlɔn, yɛ ɔ nunnunnin i su sran'm be kwlakwla kɛ Eglɔn lɔ'n sa.

Zozie 11:13

Sanngɛ Izraɛlfuɛ'm b'a wɔ-man klɔ nga be o kpɔlɛ'm be su'n be nun san Azɔr. I liɛ'n Zozie man be wɔli nun.

Zozie 11:15

Alɛ nun'n, ndɛ nga Anannganman kan kleli Moiz'n, Zozie niannin su yoli i kɛ ɔ fata'n sa.

Zozie 13:6

lɛfuɛ'm be kwlakwla be ti Sidɔnfuɛ. I kwlakwla ng'ɔ o lɛ'n ɔ fata kɛ a fa be. Kɛ Izraɛlfuɛ'm be ´kɔ be nyrun'n, wuun n ´fuan nvle sɔ'n nunfuɛ mun n ´kɔ. Tu mɛn'n i wun fɔtɔ! Nan fa man Izraɛlfuɛ mun kɛ n kan kleli wɔ'n sa!

Zozie 21:44

Anannganman man be trannin fɔuun nun be nvle'n kwlaa nun, kɛ ɔ fa boli bé nannan'm be kasiɛ'n sa. Ɔ man be yoli kwlafuɛ be kpɔfuɛ'm be kwlaa be su. Be nun kun sa ɔ'a kwla jran-man be nyrun.

Zozie 8:31

Ɔ kplɛnnin i kɛ Anannganman i sufuɛ Moiz kan kleli Izraɛlfuɛ mun'n sa. Be klɛli ndɛ sɔ'n Moiz i fluwa'n nun kɛ: «Be `fa yɛbuɛ nga blalɛ nian kɛn-mɛn i'n yɛ be fa kplan Nyanmiɛn sɔwlɛ sɔ nin-ɔn!» Be yili tɛ nga be yrɛ i nnɛn'n kɔlikɔli'n kwlaa ɔ nin bo kun yolɛ i su tɛ'n.

Zozie 8:8

Kɛ amun fa klɔ'n cɛ'n, amun `wɔ nun kɛ Anannganman kannin'n sa. Amun `niɛn i kwlaa nga n ´kɛn yɛ'n su yo.»

Zozie 9:24

Be tɛli i su kɛ: «Sa ti bɔ e yoli sɔ'n yɛlɛ kɛ e tili i kɛ Anannganman ɔ Nyanmiɛn'n ɔ seli i sufuɛ Moiz kɛ ɔ ´fa mɛn nga kwlaa man amun. E tili i ekun kɛ, sɛ amun ba'n, amun wa nunnun mɛn nga nunfuɛ'm be kwlaa. Kɛ e tili i sɔ'n, srɛ dan kpa kunnin ye amun wun. Kɛ ɔ kɔ yo nan y'a nyan nguan'n ti yɛ e yoli sɔ-ɔ.