Zozie 10:5 - NYANMIƐN NDƐ'N 1998

⁵ Yɛ Amɔr famiɛn nnun'n: Zerizalɛm famiɛn'n, nin Ebrɔn famiɛn'n, nin Zarmit famiɛn'n, nin Lakis famiɛn'n, ɔ nin Eglɔn famiɛn'n, be kan boli nun, be nin be alɛ kunfuɛ mun kwlaa be ɔli kɛ be nin Gabaɔnfuɛ'm be ´ko kun.

Zozie 10:5 Iomraidhean Croise

Bo Bolɛ 15:16

Wɔ anunman siansian mun yɛ be ´ba wa-a, afin Amɔrfuɛ'm bé sa tɛ bɔ be yo'n ɔ nian bobo-man su bɔ man n ´fuan be-ɔ.»

Zeremi 34:7

Kɛ ɔ ´yo sɔ'n, wuun Babilɔni famiɛn'n i sonja'm be nin Zerizalɛm nin Lakis, ɔ nin Azeka be su kun. I blɛ sɔ'n nun'n, wuun Zida klɔ nga bé sili be wun bɔ be tɛ ka'n be yɛ be o lɛ-ɔ.

Kalɛ 13:29

Amalɛkfuɛ'm be tran ngua lɔ lika'n nun, Ɛtfuɛ'm be nin Zɛbisfuɛ mun, ɔ nin Amɔrfuɛ mun be tran oka-oka lika'm be nun, yɛ Kanaanfuɛ'm be tran be liɛ jenvie'n wun koko lɛ Zurdɛn nzue ba'n i nuan.»

Zozie 10:16

I blɛ sɔ nun'n, wuun Amɔr famiɛn nnun'm b'a wanndi b'a ko fia Makeda lɔ yɛbuɛ buɛ nun.

Zozie 10:6

Gabaɔnfuɛ'm be mannin Zozie ngaliɛ Gilgal lɔ kɛ: «E bɔ e ti ɔ sran mun'n, e yɛ Amɔr famiɛn nga be tran oka'm be su'n b'a ju b'a gua é su yɛ. Bla ndɛndɛ bla wa uka ye, bla wa de ye!»

1 Samiɛl 7:14

Izraɛl klɔ nga Filistifuɛ'm be fali'n, kɛ ɔ fɛ i Ekrɔn b'ɔ fa ju Gat'n, be wa yoli Izraɛlfuɛ'm be liɛ ekun. Izraɛlfuɛ'm be deli be Filistifuɛ'm bé sa nun, kpɛkuun Izraɛlfuɛ'm be nin Amɔrfuɛ'm be trannin fɔuun.