Zozie 10:41 - NYANMIƐN NDƐ'N 1998

⁴¹ Zozie boli alɛ'n kunlɛ bo Kadɛs-Barnea ɔ nin Gaza nin ngua wa lika nun lele fa juli Gozɛn ɔ nin Gabaɔn bɔ be o nglo lɔ lika nun'n nun.

Zozie 10:41 Iomraidhean Croise

Bo Bolɛ 10:19

Ɔ man Kanaanfuɛ'm be lika'n fɛ i Sidɔn kɔ Gerar bue liɛ'n su lɔ lele ju Gaza. Kpɛkuun ɔ kɔ Sodɔm, nin Gomɔr, nin Adma, nin Zɛbɔim bue liɛ'n su lɔ lele ju Lesa.

1 Famiɛn Mun 3:5

Kɛ Salomɔn o Gabaɔn lɛ'n, kɔnguɛ Anannganman fɛli i wun kleli i laliɛ nun. Nyanmiɛn seli i kɛ: «Like nga a klo kɛ n fa m man wɔ'n, usa min.»

Zakari 9:5

Askalɔnfuɛ'm be ´wun i, kpɛkuun srɛ ´kun be. Gazafuɛ'm be kusu, srɛ'n dunman nun ti be wa usu dan. Ekrɔnfuɛ'm be kusu, be su si-man wie se kun, be ´sokpa. Gaza klɔ'n ɔ su nyan-man famiɛn kun, Askalɔn klɔ'n kusu, sran fi su tran-man su kun.

Kalɛ 13:26

Kɛ be sali bé sin'n, be toli Moiz nin Aarɔn, ɔ nin Izraɛlfuɛ'm be kwlakwla Kadɛs lɔ Paran aawlɛ flɛnnɛn'n nun lɛ. Be kannin like nga be wunnin i lɔ'n i ndɛ kleli be, kpɛkuun be fali lɔ waka mma'n kleli be.

Kalɛ 32:8

?Nán like kunngba nga amún si'm be yoli i Kadɛs-Barnea lɔ'n yɛlɛ nga amun su yo i yɛ'n? N sunmannin be kɛ be ko nian Kanaan mɛn'n.

Kalɛ 34:4

Ɔ ko bli nyannglan kpɔlɛ'n i fama su lɔ Zin lika'n su lɔ, ɔ sin Kadɛs-Barnea lika'n i fama su lɔ ɔ sin Azar-Adar nin Azmɔn lika'm be nun.

Sa nga bé yôli'n 8:26

E Min'n i anz kun kan kleli Filip kɛ: «Jao kɔ mɛn i ngua lɔ bue'n su atin b'ɔ fin Zerizalɛm lɔ kɔ Gaza aawlɛ'n nun lɔ'n su.»

Mmla'n 1:19

«I sin e jasoli Orɛb lɔ, e nantili aawlɛ flɛnnɛn dan sroesroe nga amun wunnin i lɛ'n nun, e fali Amɔrfuɛ'm be oka'n i wun lɔ atin'n kɛ Anannganman e Nyanmiɛn'n kan kleli ye'n sa. Yɛ e juli Kadɛs-Barnea lɔ-ɔ.

Mmla'n 2:23

Avafuɛ'm be kusu bɔ be tran Gaza bue liɛ'n su'n, sran wie'm be fin Kaftɔr be wa nunnunnin be, nan b'a tran be osu.

Mmla'n 9:23

Kadɛs-Barnea lɔ'n, kɛ Anannganman seli amun kɛ amun `wɔ ko fa mɛn nga ɔ'a fa man amun'n, amun yoli nyin kekle. Amu'an fa-man Anannganman amun Nyanmiɛn'n i nuan ndɛ'n su, amu'an lafi-mɛn i su.

Zozie 10:12

Kɛ Anannganman fali Amɔrfuɛ mun wlali Izraɛlfuɛ'm bé sa nun, cɛn sɔ nun'n, yɛ Zozie srɛli Anannganman Izraɛlfuɛ'm be nyrun lɛ, ɔ seli kɛ: «Wia, jran Gabaɔn ti su nglo lɛ! Anglo, nán tu ɔ bo Azalɔn kongo'n su!»

Zozie 10:2

Sa sɔ'm be sanngannin Zerizalɛmfuɛ'm be akunndan afin Gabaɔn i dan tra Ai, kusu famiɛn klɔ'm be nyrun ba-man nyan trɛ-mɛn i. Yɛ Gabaɔn sonja'm be ti alɛ kunfuɛ kpakpa ngunmin.

Zozie 11:16

Zozie fali be mɛn sɔ'n i ngba: oka-oka lika nin o, ngua lɔ lika nin o, Gozɛn lɔ lika nin o, lika kpɛtɛkplɛɛ nin o, Zurdɛn i kongo lika nun lɔ nin o, ɔ nin nglo lɔ lika kpɛtɛkplɛɛ nin o, nin nglo lɔ oka-oka lika nin o.

Zozie 11:22

Anakfuɛ ba kun sa ɔ'a ka-man Izraɛl mɛn'n nun san Gaza, nin Gat, ɔ nin Asdɔd lɔ yɛ wie kali-ɔ.

Zozie 15:51

Gozɛn, nin Ɔlɔn, ɔ nin Gilo. Be ti klɔ dandan blu-nin-kun. Klɔ kanngan nga be mantan be lɛ'n be uka su.

Jɔlɛ Difuɛ Mun 16:1

Samsɔn ɔli Gaza lɔ, nan ɔ'a ko wun tekle bla kun. Yɛ ɔ wluli i sin-ɔn.

Jɔlɛ Difuɛ Mun 16:21

Filistifuɛ'm be trɛli i, be boboli i nyinma nnyɔn'n, be fɛ i be ɔli Gaza. Be cili i nin aaba jrɔkɔ nnyɔn, yɛ be miɛnnin i kɛ ɔ kpɛ be bisua sua lɔ mannzin ng'ɔ si ble'n i wun.

1 Samiɛl 6:17

Putɛputɛ'n i ba nga Filistifuɛ'm be fa sika ɔkwlɛ be yoli'n, ɔ ti sa nga be yoli'n i ti kpatalɛ like. Be fa mannin Anannganman. Be nga be yoli mun be yɛ: Asdɔdfuɛ mun, Gazafuɛ mun, Askalɔnfuɛ mun, Gatfuɛ mun, yɛ Ekrɔnfuɛ mun. Klɔ kun su be yo kun klɔ kun su be yo kun.