Zozie 10:40 - NYANMIƐN NDƐ'N 1998

⁴⁰ Zozie fali mɛn'n i ngba. Ɔ kwlali famiɛn nga be o oka-oka lika'm be nun'n, nin be nga be o ngua lɔ lika'm be nun'n, nin be nga be o lika kpɛtɛkplɛɛ nun'n, ɔ nin be nga be o kpɔlɛ nga be o jenvie i nuan lɔ'n. Ɔ'a yaci-man sran fi lɛ, ɔ nunnunnin sran'm be ngba kɛ Anannganman b'ɔ ti Izraɛl Nyanmiɛn'n seli kɛ be yo'n sa .

Zozie 10:40 Iomraidhean Croise

1 Famiɛn Mun 15:29

Kɛ ɔ yoli famiɛn cɛ'n, yɛ ɔ nunnunnin Zeroboam osu nin-ɔn. Ɔ'a yaci-man sran bɔ kun sa lɛ. Ɔ kunnin be ngba. Ɔ yoli nga Anannganman fa wlali Asiza b'ɔ ti i nuan ijɔfuɛ'n i nuan kɛ ɔ kan'n .

Neemi 9:24

Be mma'm be wluli mɛn sɔ'n nun nan b'a fa. Wɔ man Kanaanfuɛ mun bɔ be ti mɛn sɔ'n nunfuɛ'n, b'a nyan-man jranwlɛ be nyrun. A fali Kanaanfuɛ sɔ'm be famiɛn nin be bɔbɔ mannin be kɛ be fa nga be klun klo'n yo be.

Jue Mun 9:17

Anannganman ɔ'a fa wafa ng'ɔ ti'n ɔ'a kle, ɔ di jɔlɛ weinwein. Anannganman man sa tɛ yofuɛ'n ɔ'a tɔ aya nga i bɔbɔ suali'n nun.

Ezipt Lɔ Tulɛ'n 34:12

Nán amun nin mɛn nga amun wa wlu nun lɔ lɛ'n i nunfuɛ mun be tra aenguɛ, kɛ ɔ ´yo nan b'a kaci-man kɛ aya sa, nan amu'an tɔ-man nun'n ti.

Kalɛ 13:17

Moiz sunmannin sran sɔ mun Kanaan mɛn'n nun lɔ kɛ be ko nian-nian lɔ. Ɔ seli be kɛ: «Amun `sin mɛn'n i ngua lɔ lika liɛ'n nun, kpɛkuun i sin amun `fu oka'n su.

Mmla'n 1:7

Amun `jaso be wɔ siɛn'n. Amun `wɔ Amɔrfuɛ'm be lika'n b'ɔ ti oka-oka'm be nun lɔ. Kanaanfuɛ'm be lika nga be mantan-mantan lɛ'n, amun `wɔ lɔ. Be lika kpɛtɛkplɛɛ'm be nun o, be lika bɔ be ti oka-oka'm be nun o, be lika tɔnun'm be nun o, ngua lɔ lika'm be nun o, ɔ nin jenvie nuan lɔ lika'm be nun o, amun `wɔ lɔ. Amun `wɔ lele ju Liban lɔ, amun `ju Efrat nzue ba dan'n i nuan lɔ.

Mmla'n 2:34

E kali é ja osu kunngba'n nun lɛ e fali be klɔ'm be ngba. E nunnunnin be su sran mun. I yasua o, i bla o, i bakan o, e nunnunnin be kwlakwla kpan. Y'a yaci-man sran ba kun sa lɛ.

Mmla'n 7:24

Anannganman ´fa be famiɛn mun ´wla amún sa nun. Amun ´yo man be dunman ´mlin asiɛ'n su, be wie fi su jran-man amun nyrun, san amun ´nunnun be.

Zozie 10:35

Be yrali klɔ'n le kunngba sɔ'n nun nan b'a kun klɔfuɛ mun kɛ Lakis lɔ'n sa.

Zozie 10:37

nan b'a fa klɔ'n. Be kunnin i su famiɛn'n ɔ nin i su sran mun. Be fali klɔ nga be mantan lɛ'n nan b'a kun i su sran mun. Zozie nunnunnin klɔ'n mlɔnmlɔn, yɛ ɔ nunnunnin i su sran'm be kwlakwla kɛ Eglɔn lɔ'n sa.

Zozie 10:39

Be fali klɔ'n yɛ be trɛli i su famiɛn'n. Be fali klɔ nga be o i asa'n su'n wie. Be kunnin klɔ'm be su sran mun. B'a yaci-man sran kun lɛ. Like nga Zozie fa yoli Ebrɔn annzɛ Libna nin i famiɛn'n yɛ ɔ fa yoli Debir ɔ nin i famiɛn nin-ɔn.

Zozie 11:16

Zozie fali be mɛn sɔ'n i ngba: oka-oka lika nin o, ngua lɔ lika nin o, Gozɛn lɔ lika nin o, lika kpɛtɛkplɛɛ nin o, Zurdɛn i kongo lika nun lɔ nin o, ɔ nin nglo lɔ lika kpɛtɛkplɛɛ nin o, nin nglo lɔ oka-oka lika nin o.

Zozie 12:8

Lika sɔ'n yɛlɛ oka lika'n, nin lika kpɛtɛkplɛɛ'n, nin Zurdɛn kongo'n, nin kpɔlɛkpɔlɛ lika'n, nin lika kee, ɔ nin ngua lɔ lika'n. Ɛtfuɛ, nin Amɔrfuɛ, nin Kanaanfuɛ, nin Ferezfuɛ, nin Evfuɛ, ɔ nin Zɛbisfuɛ'm be yɛ be trantrannin mɛn sɔ nun la-a.

Zozie 18:21

Klɔ dandan nga Bɛnzamɛn awlo'm be fali'n yɛlɛ Zeriko, Bɛt-Ɔgla, Emɛk-Keziz,

Zozie 6:17

Klɔ sɔ'n ti Anannganman liɛ. I sɔ'n ti amun `nunnun i ɔ nin i nun ninnge'n kwlaa. Amun `yaci Raab b'ɔ ti tekle bla ɔ nin sran nga be o i awlo nun'n be kwlaa be lɛ, yɛlɛ kɛ be nga e sunmannin be kɛ be wa kpla klɔ'n, ɔ fa be fiali.

Zozie 8:2

Sa nga a fa yoli Zeriko nin i famiɛn'n yɛ a ´fa yo Ai klɔ'n nin i famiɛn nin-ɔn. Sanngɛ klɔfuɛ'm bé bo ninnge nin be nnɛn'm be ti amun liɛ. Ko bu sa klɔ'n i sin lɛ.»

Zozie 8:27

Izraɛlfuɛ'm be fali be kpɔfuɛ'm bé bo ninnge mun nin nnɛn nga be o klɔ'n nun'n, kɛ Anannganman fa kan kleli Zozie'n sa.

Zozie 9:24

Be tɛli i su kɛ: «Sa ti bɔ e yoli sɔ'n yɛlɛ kɛ e tili i kɛ Anannganman ɔ Nyanmiɛn'n ɔ seli i sufuɛ Moiz kɛ ɔ ´fa mɛn nga kwlaa man amun. E tili i ekun kɛ, sɛ amun ba'n, amun wa nunnun mɛn nga nunfuɛ'm be kwlaa. Kɛ e tili i sɔ'n, srɛ dan kpa kunnin ye amun wun. Kɛ ɔ kɔ yo nan y'a nyan nguan'n ti yɛ e yoli sɔ-ɔ.