Zozie 10:39 - NYANMIƐN NDƐ'N 1998

³⁹ Be fali klɔ'n yɛ be trɛli i su famiɛn'n. Be fali klɔ nga be o i asa'n su'n wie. Be kunnin klɔ'm be su sran mun. B'a yaci-man sran kun lɛ. Like nga Zozie fa yoli Ebrɔn annzɛ Libna nin i famiɛn'n yɛ ɔ fa yoli Debir ɔ nin i famiɛn nin-ɔn.

Zozie 10:39 Iomraidhean Croise

2 Famiɛn Mun 10:11

Zei kunnin Akab i awlo'n nun sran nga be kali'n, bɔ be o Zizreɛl'n be kwlaa. Akab i sran lɔun-lɔun mun, nin i janvuɛ mun, ɔ nin i sraka yifuɛ'm be kwlaa, ɔ'a yaci-man ba kun sa lɛ .

Abdias 1:18

Ezau osu nun ba'm be ´yo kɛ ijre kee sa, Zakɔb nin Zozɛf be osu'n nun ba'm be kusu be ´yo kɛ sin nin i taaman sa yɛ be ´yra Ezau i osu nin-ɔn. Be ´nunnun be mlɔnmlɔn, be nun kun sa su tran-man nguan nun.» Afin Anannganman'n yɛ ɔ'a kan kle amun-ɔn .

Mmla'n 3:3

Ɔ man Anannganman e Nyanmiɛn'n ɔ fali Ɔg b'ɔ ti Bazan famiɛn'n nin i sonja'm be kwlakwla wlali é sa nun. E kwlali be, yɛ y'a yaci-man sran be nun ba kun sa lɛ.

Zozie 10:33

Ɔram b'ɔ ti Gezɛr famiɛn'n bali Lakis ukalɛ, Zozie kwlali i nin i alɛ kunfuɛ mun. Be wie fi a ka-man lɛ.

Zozie 10:37

nan b'a fa klɔ'n. Be kunnin i su famiɛn'n ɔ nin i su sran mun. Be fali klɔ nga be mantan lɛ'n nan b'a kun i su sran mun. Zozie nunnunnin klɔ'n mlɔnmlɔn, yɛ ɔ nunnunnin i su sran'm be kwlakwla kɛ Eglɔn lɔ'n sa.

Zozie 10:38

I sin, Zozie nin Izraɛlfuɛ'm be sali bé sin nan b'a ɔ Debir. Be fali alɛ'n wlali lɛfuɛ'm bé sin.

Zozie 10:40

Zozie fali mɛn'n i ngba. Ɔ kwlali famiɛn nga be o oka-oka lika'm be nun'n, nin be nga be o ngua lɔ lika'm be nun'n, nin be nga be o lika kpɛtɛkplɛɛ nun'n, ɔ nin be nga be o kpɔlɛ nga be o jenvie i nuan lɔ'n. Ɔ'a yaci-man sran fi lɛ, ɔ nunnunnin sran'm be ngba kɛ Anannganman b'ɔ ti Izraɛl Nyanmiɛn'n seli kɛ be yo'n sa .

Zozie 11:8

Anannganman fali be wlali Izraɛlfuɛ'm bé sa nun, be kwlali be, be suli be su lele juli Sidɔn klɔ dan'n i nglo lɔ, ɔ nin Misrɛfɔt Maim lɔ, ɔ nin Mizpa kongo nun lɔ wia afiliɛ lika'n nun lɔ. Be kwlali be mlɔnmlɔn, b'a yaci-man sran ba kun sa lɛ.

Zozie 12:13

Debir, Gedɛr,

1 Samiɛl 15:3

I ti kɔ ko kun Amalɛkfuɛ mun, nunnun Amalɛkfuɛ'm bé sa nun ninnge'n kwlaa. Nán kun sa ka lɛ. Kun sran'm be kwlaa, i bla o, i yasua o, i ba kanngan o, i ba nɔnman o! Kun nnɛn'm be kwlaa, i nannin o, i bua o, i nyɔnngɔnmɛn o, i aflunmun o!› »

1 Samiɛl 15:8

Ɔ trali Agag b'ɔ ti Amalɛk famiɛn'n, ɔ'a kun-mɛn i, sanngɛ ɔ kunnin sran'm be kwlaa.