Zozie 10:30 - NYANMIƐN NDƐ'N 1998

³⁰ Anannganman fali klɔ sɔ'n nin i famiɛn'n mannin be ekun. Be kunnin i sufuɛ mun. Be nun kun a ka-man. Sa kunngba nga be fa yoli Zeriko famiɛn'n yɛ be fa yoli Libna famiɛn nin-ɔn.

Zozie 10:30 Iomraidhean Croise

2 Famiɛn Mun 10:11

Zei kunnin Akab i awlo'n nun sran nga be kali'n, bɔ be o Zizreɛl'n be kwlaa. Akab i sran lɔun-lɔun mun, nin i janvuɛ mun, ɔ nin i sraka yifuɛ'm be kwlaa, ɔ'a yaci-man ba kun sa lɛ .

Kalɛ 32:22

sɛ Anannganman fa lika wunmuan'n kwlaa ka nan amu'an sa amún sin'n, Anannganman nin amun su nyan-man ndɛ, yɛ Izraɛlfuɛ'm be kusu be nin amun su nyan-man ndɛ, kusu kpɛkuun lika nga ɔ ´yo amun liɛ kɛ Anannganman fa kannin'n sa.

Mmla'n 2:33

Anannganman e Nyanmiɛn'n fɛli i wlali é sa nun, nan y'a kwlɛ i, nin i mma mun, ɔ nin i alɛ kunfuɛ mun.

Mmla'n 7:2

Sɛ Anannganman amun Nyanmiɛn'n fa be man amun nan amun kwla be'n, amun `nunnun be mlɔnmlɔn. Nán amun nin be tra aenguɛ, nán amun si be aunnvuɛ.

Zozie 10:28

Le kunngba sɔ'n nun Zozie fali Makeda klɔ'n. Ɔ kunnin i famiɛn'n ɔ nin i su sran'm be kwlaa. Sran ba kun a ka-man lɔ. Sa ng'ɔ fa yoli Zeriko famiɛn'n, i kunngba'n yɛ ɔ fa yoli Makeda famiɛn nin-ɔn.

Zozie 10:29

Kɛ Zozie nin Izraɛlfuɛ'm be fɛ i Makeda lɛ'n, be ɔli Libna. Be fali alɛ'n wlali lɛfuɛ'm bé sin.

Zozie 10:31

Kɛ Zozie nin Izraɛlfuɛ'm be fɛ i Libna lɛ'n, be ɔli Lakis be ko boli be nanmue klɔ'n wun lɛ. Yɛ be fali alɛ'n wlali lɛfuɛ'm bé sin-ɔn.

Zozie 11:12

Zozie kwlali famiɛn nga be ju guɛli i su'n be kwlakwla. Ɔ fali be klɔ mun. Ɔ kunnin famiɛn mun nin klɔfuɛ mun kɛ Moiz b'ɔ ti Anannganman i sufuɛ'n seli be kɛ be yo'n sa.

Zozie 12:15

Libna, Adilam,

Zozie 8:24

Kan Izraɛlfuɛ'm be kpɔfuɛ'm be fuannin be juli lɛ'n, lɛ yɛ be nunkunnin be klɔfuɛ sɔ mun-ɔn. Kɛ be kunnin be kwlakwla'n, be sali bé sin be klɔ'n nun lɔ nan b'a kun klɔfuɛ nga be kali lɔ'n.

Zozie 8:29

Be boli Ai famiɛn'n i kɔmin waka kun su. Ɔ kali lɛ lele nnɔsua. Kɛ wia'n tɔli'n, Zozie man be yili i fuɛn'n, be to yili i anuan nga be fa wlu klɔ nun lɔ'n i wun lɔ, nan b'a fa yɛbuɛ kpanngban b'a guɛ i su. Yɛbuɛ sɔ'n tɛ o lɛ ndɛ.

Zozie 9:3

Kɛ Gabaɔnfuɛ'm be tili sa nga Zozie fa wlali Zeriko nin Ai be nun'n,