Zozie 10:26 - NYANMIƐN NDƐ'N 1998

²⁶ I sin yɛ Zozie kunnin famiɛn sɔ mun-ɔn. Ɔ man be boli be kɔmin waka nnun su.

Zozie 10:26 Iomraidhean Croise

2 Samiɛl 21:6

Man be fɛ i osu nun sran nso be man e man e bo be kɔmin Anannganman nyrun Gibea lɔ kan Anannganman fɛ i sieli famiɛn'n b'ɔ trannin lɛ laa'n.» Famiɛn'n waan: «N wa fa be m man amun.»

2 Samiɛl 21:9

David fali be mannin Gabaɔnfuɛ mun, nan b'a bo be kɔmin oka'n su Anannganman nyrun lɛ. Be sran nso'm be wuli likawlɛ. Kɛ be ´kun be sɔ'n, wuun blɛ liɛ yɛ be su bo ɔrz i kpɛlɛ'n bo-ɔ.

Ɛstɛr 2:23

Kɛ be usa-usali'n, be wunnin kɛ ndɛ sɔ'n ti nanwlɛ, nan b'a bo sran nnyɔn sɔ'm be kɔmin. Famiɛn'n man be klɛli sa sɔ'n mɛn'n i sielɛ fluwa'n nun.

Jue Mun 149:7

Man be fa tokofi sɔ'n be tu be klunngbɔ nvle-nvlefuɛ'm bé su. Man be fa tu nvle-nvlefuɛ sɔ'm be fɔ.

Jue Mun 18:41

Wɔ man min kpɔfuɛ'm be kaci bé sin be wanndi min bo, ɔ man n nunnun be nga be kpɔ min'n mun.

Kalɛ 25:4

Anannganman seli Moiz kɛ: «Tra Izraɛl kpɛnngbɛn nga be o Izraɛlfuɛ'm bé su'n be kwlaa, man be kpɛ bé nyin wia'n su lɔ, yɛ man be bo be kɔmin min nyrun. Kɛ ɔ ko yo sɔ liɛ'n, n ´gua min ya dan nga n fɛli amún wun'n i ase.»

Matthieu 27:25

Yɛ sran'm be kwlaa be seli i kɛ: «Man i wie ndɛ'n ka e nin e mma mun ye su .»

Jean 19:31

Zuif'n be ko srɛli Pilat kɛ ɔ yo man be bubu be nga be boboli be'n bé ja'n nan be yi be waka'n su, afin cɛn sɔ'n ti ya cɛn. Ya cɛn'n yɛ Zuif'm be fa buabua bé wun-ɔn, yɛ be klo-man kɛ be `yaci be lɛ man wunmiɛn-delɛ-cɛn'n to be lɛ yɛlɛ kɛ wunmiɛn-delɛ-cɛn kun sɔ'n ti bé cɛn dan.

Galasifuɛ Mun 3:13

Kɛ Krist kacili sran bɔ Nyanmiɛn boli i sannzan e ti'n, ɔ fɛli i wun kpɔli é ti sannzan nga Nyanmiɛn boli ye mmla'n bɔ y'a fa-man su'n ti, afin be klɛli i kɛ: «Sran kwlaa nga be bo i kɔmin'n, wuun Nyanmiɛn boli i sannzan ti-ɔ .»

Zozie 8:29

Be boli Ai famiɛn'n i kɔmin waka kun su. Ɔ kali lɛ lele nnɔsua. Kɛ wia'n tɔli'n, Zozie man be yili i fuɛn'n, be to yili i anuan nga be fa wlu klɔ nun lɔ'n i wun lɔ, nan b'a fa yɛbuɛ kpanngban b'a guɛ i su. Yɛbuɛ sɔ'n tɛ o lɛ ndɛ.

Jɔlɛ Difuɛ Mun 8:21

Yɛ Zebak nin Zalmɔna be seli i kɛ: «Ɔ bɔbɔ jaso bla wa kun ye. Kɛ sran'n fa ti'n yɛ i fanngan'n fa ti-ɔ.» Yɛ Zedeɔn ko kunnin Zebak nin Zalmɔna-a, nan ɔ'a fa be nyɔnngɔnmɛn'm be kɔmin nyanman mun.

1 Samiɛl 15:33

Yɛ Samiɛl seli i kɛ: «Kɛ a kunnin sran mun bɔ be fili bé nin'm be sa'n, i kunngba nin-ɔn, a wa fi ɔ nin liɛ'n i sa kusu.» Yɛ Samiɛl jɔjɔli i nun Nyanmiɛn sua ng'ɔ o Gilgal lɛ'n nun-ɔn.