Zozie 10:20 - NYANMIƐN NDƐ'N 1998

²⁰ Zozie nin Izraɛlfuɛ'm be kwlali be kwlalɛ kpa. Be kwlali be mlɔnmlɔn. Be kunngun nga be kwla wanndili'n, be ɔli klɔ nga be si bé wun'n be su.

Zozie 10:20 Iomraidhean Croise

2 Samiɛl 20:6

Yɛ David seli Abisai kɛ: «Bikri i wa Seba liɛ ng'ɔ su yo i yɛ'n, ɔ wa kle e yalɛ tra Absalɔm liɛ'n. I ti fa sonja nga be di min gladi mun kɔ, su i su kɛ ɔ yo nan ɔ'a ko fia-man klɔ nga be sisili be wun'n i wie nun'n ti. Sɛ ɔ yo sɔ'n, e su nyɛn-mɛn kun.»

1 Famiɛn Mun 20:21

Izraɛl famiɛn'n nin i sran'm be kunnin Sirifuɛ'm be nnɛn kpanngɔ mun, yɛ be sacili be kakaklolo mun. Be kwlali Sirifuɛ'm be tɛtɛ kpa.

2 Be Nyoliɛ 13:17

Kwlalɛ nga Abiza nin Zidafuɛ'm be fa kwlali Izraɛl sonja mun'n yoli dan. Be kunnin be nun sonja kpakpa akpi-akpi ya nnun (500.000).

Zeremi 4:5

«An `bo ndɛ nga n wa kɛn i yɛ'n i jɔ sin Zida mɛn'n nun. An `bo i ndolo Zerizalɛm lɔ. An `fita nnɛn wɛ'n nun mɛn'n nun. An `kpan kekle kpa be se kɛ: ‹Be `yia o! Be `yia klɔ nga be sisi be wun'n be nun o.›

Zeremi 8:14

?Ɔ yo sɛ ti yɛ e titi ase-ɔ? Amun man e yia e wlu klɔ nga be si bé wun'n be nun. E `ko wu lɔ. Afin Anannganman e Nyanmiɛn'n waan san wulɛ yɛ e ´wu-ɔ. Ɔ'a man e nzue nga duwlɛ o nun'n kɛ e `nɔn, sa tɛ bɔ e yoli i'n i dunman nun ti.

Mmla'n 20:16

Sanngɛ mɛn nga Anannganman amun Nyanmiɛn'n fa mannin amun kɛ amun fa be'n, be liɛ'n, sɛ amun nin klɔ kun sufuɛ'm be kun alɛ'n, nán amun yaci like ba kun sa nguan nun.

Zozie 10:10

Anannganman man b'a jran-man Izraɛlfuɛ'm be nyrun. Be kwlali be kwlalɛ kpa Gabaɔn wun lɛ. Be suli be su Bɛt-Ɔrɔn kpɔlɛ'n su lele fa juli Azeka nin Makeda. Kɛ be ´kɔ'n, wuun be ´kun be.

Zozie 10:19

Nán amun jranjran lɛ. Amun su amun kpɔfuɛ'm be su! Kɛ amun nin be ´kun'n, amun `sin bé sin wa, ɔ'a yo-man sɔ-ɔ, be ´nyan atin wlu be klɔ'm be nun, afin Anannganman amun Nyanmiɛn'n ɔ'a fa be ɔ'a man amun.»

Zozie 10:21

Kɛ ɔ yoli sɔ'n, yɛ Izraɛlfuɛ'm be kwlaa be sali bé sin Zozie wun lɔ nanmue nga be kplɛnnin i Makeda wun lɔ'n nun-ɔn. Like fi ɔ'a yo-man be wie fi. Kɛ ɔ fin i lɛ'n, sran fi ɔ'a uke-mɛn i nuan bé wun kun.

Zozie 11:12

Zozie kwlali famiɛn nga be ju guɛli i su'n be kwlakwla. Ɔ fali be klɔ mun. Ɔ kunnin famiɛn mun nin klɔfuɛ mun kɛ Moiz b'ɔ ti Anannganman i sufuɛ'n seli be kɛ be yo'n sa.

Zozie 11:8

Anannganman fali be wlali Izraɛlfuɛ'm bé sa nun, be kwlali be, be suli be su lele juli Sidɔn klɔ dan'n i nglo lɔ, ɔ nin Misrɛfɔt Maim lɔ, ɔ nin Mizpa kongo nun lɔ wia afiliɛ lika'n nun lɔ. Be kwlali be mlɔnmlɔn, b'a yaci-man sran ba kun sa lɛ.

Zozie 8:24

Kan Izraɛlfuɛ'm be kpɔfuɛ'm be fuannin be juli lɛ'n, lɛ yɛ be nunkunnin be klɔfuɛ sɔ mun-ɔn. Kɛ be kunnin be kwlakwla'n, be sali bé sin be klɔ'n nun lɔ nan b'a kun klɔfuɛ nga be kali lɔ'n.