Zozie 10:19 - NYANMIƐN NDƐ'N 1998

¹⁹ Nán amun jranjran lɛ. Amun su amun kpɔfuɛ'm be su! Kɛ amun nin be ´kun'n, amun `sin bé sin wa, ɔ'a yo-man sɔ-ɔ, be ´nyan atin wlu be klɔ'm be nun, afin Anannganman amun Nyanmiɛn'n ɔ'a fa be ɔ'a man amun.»

Zozie 10:19 Iomraidhean Croise

2 Samiɛl 17:13

Sɛ ɔ fia klɔ wie nun'n, Izraɛlfuɛ'm be kwlaa be ´fa nyanman be ´ba klɔ sɔ'n nun, e ´fa cuɛn klɔ sɔ'n i nun ninnge'n kwlaa e ko yi be nzue ba'n nun. Yɛbuɛ ba kun su ka-man klɔ'n nun.»

2 Samiɛl 20:6

Yɛ David seli Abisai kɛ: «Bikri i wa Seba liɛ ng'ɔ su yo i yɛ'n, ɔ wa kle e yalɛ tra Absalɔm liɛ'n. I ti fa sonja nga be di min gladi mun kɔ, su i su kɛ ɔ yo nan ɔ'a ko fia-man klɔ nga be sisili be wun'n i wie nun'n ti. Sɛ ɔ yo sɔ'n, e su nyɛn-mɛn kun.»

Zeremi 48:10

Sran ng'ɔ fa nvɛɛ yo Anannganman i junman'n, i yako! Sran ng'ɔ se kɛ yoo: ‹Kɛ n `tra kaka'n nun n `kun be'n ɔ yo min ya'n.› I sɔ sran liɛ'n b'ɔ se sɔ'n i yako!

Zeremi 8:14

?Ɔ yo sɛ ti yɛ e titi ase-ɔ? Amun man e yia e wlu klɔ nga be si bé wun'n be nun. E `ko wu lɔ. Afin Anannganman e Nyanmiɛn'n waan san wulɛ yɛ e ´wu-ɔ. Ɔ'a man e nzue nga duwlɛ o nun'n kɛ e `nɔn, sa tɛ bɔ e yoli i'n i dunman nun ti.

Zozie 10:18

Yɛ Zozie waan: «Amun `kondo yɛbuɛ dandan be sie i yɛbuɛ buɛ sɔ'n i anuan nun nan amun `sie sran lɛ man be nian su.

Zozie 10:20

Zozie nin Izraɛlfuɛ'm be kwlali be kwlalɛ kpa. Be kwlali be mlɔnmlɔn. Be kunngun nga be kwla wanndili'n, be ɔli klɔ nga be si bé wun'n be su.