Zozie 10:12 - NYANMIƐN NDƐ'N 1998

¹² Kɛ Anannganman fali Amɔrfuɛ mun wlali Izraɛlfuɛ'm bé sa nun, cɛn sɔ nun'n, yɛ Zozie srɛli Anannganman Izraɛlfuɛ'm be nyrun lɛ, ɔ seli kɛ: «Wia, jran Gabaɔn ti su nglo lɛ! Anglo, nán tu ɔ bo Azalɔn kongo'n su!»

Zozie 10:12 Iomraidhean Croise

2 Samiɛl 2:12

Nɛr i wa Abnɛr nin Sail i wa Is-Bosɛt i sonja mun, alɛ kunlɛ ti be fɛ i Maanaim lɔ be ɔli Gabaɔn.

2 Famiɛn Mun 20:10

Ezekias tɛli i su kɛ: «Kɛ fɔnvɔ'n `wɔ i nyrun nan ɔ fu asikalie'n, ɔ ti pɔpɔ. N klo kɛ ɔ sɛ i sin.»

2 Famiɛn Mun 20:11

Yɛ Ezai b'ɔ ti Nyanmiɛn i nuan ijɔfuɛ'n srɛli Anannganman, nan Anannganman ɔ'a fa fɔnvɔ'n ɔ'a sɛ i sin Akaz i asikalie'n su.

2 Famiɛn Mun 20:9

Ezai tɛli i su kɛ: «Nzɔliɛ nga Anannganman ´fa man wɔ b'ɔ kle kɛ ng'ɔ kannin'n i nuan ´yia'n yɛ. Asikalie nga ɔ́ si Akaz yoli'n yɛ ɔ o lɛ-ɔ. ?A klo kɛ fɔnvɔ'n fu asikalie su, nan ɔ wɔ lele ju i kan be tiatia lɛ'n i blu su'n su lɔ, annzɛ a klo kɛ ɔ wɔ i sin, nan ɔ ju asikalie i kan be tiatia lɛ'n i blu su'n lɔ?»

1 Be Nyoliɛ 8:13

Bɛria nin Sema be ti Azalɔnfuɛ'm be awlobo kpɛnngbɛn. Be yɛ be fuannin Gatfuɛ mun nin-ɔn.

2 Be Nyoliɛ 11:10

Zɔrea, Azalɔn, ɔ nin Ebrɔn. Klɔ sɔ'm bɔ be sili bé wun'n be o Zida nin Bɛnzamɛn akpasua'm be su.

Zɔb I Nyrɛnnɛn Wunlɛ 9:7

Sɛ ɔ se wia'n kɛ nán man ɔ jaso-ɔ, ɔ fite-man. Ɔ to nzraama'm be su anuan.

Jue Mun 148:3

Wia nin anglo'n, amun `mɛnmɛn i. Nzraama bɔ amun kpaja'n, amun kwlaa an `mɛnmɛn i.

Jue Mun 19:4

Ninnge sɔ'm be lɛ-man nuan nan b'a kan ndɛ kɛ e fa kan ndɛ'n sa. Be ijɔ-man kɛ e ijɔ'n sa. Be ti-man be nɛn'n.

Jue Mun 74:16

Wia'n nun nin kɔnguɛ'n be ti wɔ liɛ, afin wɔ yɛ a yili anglo nin wia nin-ɔn.

Ezai 28:21

Anannganman nin sran mun ´nyɛn i kɛ Pɛrazim oka'n su lɔ liɛ'n sa. Ya b'ɔ ´kun i dan'n ti, ɔ ´usu kɛ Gabaɔn lɔ lika kpɛtɛkplɛɛ'n nun lɔ liɛ'n sa, ɔ ´di i junman'n, ɔ ´di i junman sroesroe'n, nguɛ junman tɛtrɛ yɛlɛ nga !

Ezai 38:8

‹Nian, fɔnvɔ'n b'ɔ o Akaz i asikalie'n su'n, bɔ wia'n man ɔ jrali'n, n wa yo man ɔ ´sɛ i sin asikalie'n i kan be tiatia lɛ'n ɔ ´ju i blu su'n su lɔ.› Yɛ sakpa-sakpa, asikalie'n i kan be tiatia lɛ'n i blu bɔ fɔnvɔ'n guali su'n, wia'n ɔ wa sɛli i sin boli lɛ ekun-ɔn.»

Ezai 60:20

Wia'n su tɔ-man kun, anglo'n su yaci-man talɛ kun, afin Anannganman ɔ ´yo ɔ kannin. A su tran-man sɛ nun kun.

Zeremi 28:1

Afuɛ kunngba sɔ'n nun'n, Sedesias i Zida i sielɛ i afuɛ nnan'n i anglo nnun'n su'n, e nin Nyanmiɛn nyrun jranfuɛ mun nin sran wie mun e wo Anannganman i sua'n nun lɔ, kpɛkuun Azir i wa bɔ be flɛ i kɛ Anania'n, b'ɔ ti Gabaɔn lɔ Nyanmiɛn nuan ijɔfuɛ'n seli min kɛ:

Amɔs 2:9

Sanngɛ wuun Amɔrfuɛ mun bɔ be tɛnndɛn'n ti kɛ sɛdri waka sa'n, bɔ be kekle'n ti kɛ sɛni waka sa'n, m bɔbɔ min m'an nunnun be m'an guɛ i ti nin bo m'an man amun.

Amɔs 8:9

Anannganman'n waan: «Cɛn sɔ'n nun'n, kɛ wia'n ´ju bé ti afiɛn sɛsɛ'n, n ´yo man lika'n ´ka lɛ lu tuun wia sɔ'n nun lɛ, aosin'n ´wla asiɛ wunmuan'n su .

Abakik 2:20

Anannganman'n liɛ'n, ɔ o i sua'n nun lɔ. Man asiɛ'n su sran'm be kwlaa be muan bé nuan i nyrun .»

Abakik 3:11

Kɛ ɔ ta mma'm bɔ a to be'n be ´kɔ bɔ be ´kpa sin'n, bɔ wuun ɔ cua'm be ´bo mianmian be ´kɔ'n, kpɛkuun bi, wia nin anglo'n b'a jran .

Zakari 2:13

E nin be e wa yia nun. Be nga be fɛnnin sran'm bé bo ninnge'n, be wa fɛn be liɛ'n wie kusu.» Kɛ ɔ ko yo sɔ'n, i liɛ amun wa wun i wlɛ sakpa sakpa kɛ Anannganman b'ɔ sie mɛn wunmuan'n yɛ ɔ sunmannin min-ɔn.

Mmla'n 17:3

Atrɛkpa-a, ɔ ko sɔ amuɛn wie mun, ɔ ´koto bé bo, annzɛ ɔ ´koto wia, annzɛ anglo, annzɛ nzraama'm bé bo. Nán nga Anannganman kan kleli amun kɛ amun yo'n yɛ ɔ o lɛ-ɔ.

Mmla'n 4:19

Amun `nian amún wun su. Sɛ amun man amun nyin su nian nglo lɔ nan amun wun wia'n nin anglo'n, ɔ nin nzraama mun, ɔ nin nyanmiɛn su lɔ ninnge wafa-wafa uflɛ mun'n, nán amun koto bé bo yɛ nán amun su be. Ninnge sɔ'm be ti asiɛ'n su nvle nga'm be kwlaa be liɛ. Anannganman amun Nyanmiɛn'n fa mannin be.

Zozie 10:13

Wia'n nin anglo'n be jrannin lele san Izraɛl nvle'n kwlali i kpɔfuɛ mun. Kɛ ɔ ti klɛwa Sran Kpa'n i fluwa nun'n sa, wia'n yacili nantilɛ lele cɛn wunmuan kun, ɔ'a tɔ-man.

Zozie 19:42

Saalabin, Azalɔn, Zitla,

Zozie 21:24

Azalɔn ɔ nin Gat-Rimɔn.

Jɔlɛ Difuɛ Mun 12:12

Be sieli i Azalɔn, Zabilɔn nvle'n nun lɔ.

Jɔlɛ Difuɛ Mun 5:20

Nzraama'm be fin nyanmiɛn su lɔ be nin Sizɛra be wa kunnin.

1 Samiɛl 12:18

Samiɛl kpan flɛli Anannganman, kpɛkuun Anannganman man nzue'n boli nun. Nzue'n tɔli cɛn sɔ'n nun. Izraɛlfuɛ'm be kwlaa be sroli Anannganman ɔ nin Samiɛl.

1 Samiɛl 14:31

Le kun sɔ nun'n kɛ ɔ fɛ i Mikmas lele fa ju Azalɔn lɔ'n, be kwlali Filistifuɛ mun. Be fɛli dan kpa.