Zozie 10:10 - NYANMIƐN NDƐ'N 1998

¹⁰ Anannganman man b'a jran-man Izraɛlfuɛ'm be nyrun. Be kwlali be kwlalɛ kpa Gabaɔn wun lɛ. Be suli be su Bɛt-Ɔrɔn kpɔlɛ'n su lele fa juli Azeka nin Makeda. Kɛ be ´kɔ'n, wuun be ´kun be.

Zozie 10:10 Iomraidhean Croise

2 Samiɛl 22:15

Kɛ ɔ toli ta mma'n sa'n, min kpɔfuɛ'm be bo sanndili. Kɛ ɔ man nyanmiɛn'n kpa sin sa'n, be wanndi sa.

1 Famiɛn Mun 9:17

I ti yɛ Salomɔn kplannin Gezɛr nin-ɔn. Bɛt-Ɔrɔn klɔ'n b'ɔ o lika tɔnun nun lɔ'n, ɔ kplɛnnin i ekun.

2 Be Nyoliɛ 14:12

Aza nin i sran mun be suli be su lele juli Gerar. Etiopifuɛ nga alɛ dili be'n be sɔnnin kpa. Be nun kun sa ɔ'a nyɛn-mɛn i ti. Be kwlaa sɔ'm be nunnunnin sekeseke Anannganman nin i alɛ kunfuɛ'm be nyrun lɛ. Zidafuɛ'm be fali bé bo ninnge mun ɔli. Ninnge sɔ'm be ti kaka kpa.

2 Be Nyoliɛ 25:13

Izraɛlfuɛ nga Amazia kannin bé bo kɛ nán be wɔ alɛ'n kunlɛ wie'n, be ko tɔli Zida klɔ'm bɔ be o Samari nin Bɛt-Ɔrɔn be afiɛn'n be su. Be kunnin sran akpi nsan (3.000), yɛ be fali bé bo ninnge kpanngban kpa.

Jue Mun 18:14

Anannganman bɔ like fi nun-mɛn i sin'n ɔ kpannin, i kpanlɛ sɔ'n ɔ tɛli kɛ nyanmiɛn b'ɔ kpla'n sa.

Jue Mun 44:3

Be kan kleli ye kɛ a deli nvle wie'm be lika'n a fa mannin be kɛ be `tran nun. A kleli nvle sɔ'm be nyrɛnnɛn nan ɔ nvlefuɛ'm b'a nyan tranwlɛ.

Jue Mun 68:14

Ninnge sɔ'n wie'm be ti jɛtɛ ufue, yɛ wie'm be ti sika ɔkwlɛ, kusu wuun amun o nanmue nun lɔ amun ´lafi.

Jue Mun 78:55

Ɔ kannin nvle wie'm bé bo be nyrun nan ɔ'a cɛ lika'n ɔ'a man be kɛ ɔ `yo be liɛ titi. Ɔ fali Izraɛl nvle mun sieli i Kanaanfuɛ'm be lika'n nun.

Ezai 28:21

Anannganman nin sran mun ´nyɛn i kɛ Pɛrazim oka'n su lɔ liɛ'n sa. Ya b'ɔ ´kun i dan'n ti, ɔ ´usu kɛ Gabaɔn lɔ lika kpɛtɛkplɛɛ'n nun lɔ liɛ'n sa, ɔ ´di i junman'n, ɔ ´di i junman sroesroe'n, nguɛ junman tɛtrɛ yɛlɛ nga !

Ezai 30:30

Anannganman ɔ wa ijɔ, ɔ man be ´ti i nɛn'n b'ɔ yo sro'n. Kɛ ɔ fa ya'n, wafa ng'ɔ fɛ i sa bo sran'n, ɔ ´yi i nglo. Ɔ ´yi i nglo sin dan kun b'ɔ ´jue vlauun-vlauun'n nun, ɔ nin nzue kun b'ɔ ´tɔ, b'ɔ ´yi ɔ fa lika kwlakwla'n i nun, ɔ nin aunngban dan kun b'ɔ ´fita'n nun, yɛ ɔ nin nzraama bɔ kɛ nzue ´tɔ ɔ gua'n i nun.

Zeremi 34:7

Kɛ ɔ ´yo sɔ'n, wuun Babilɔni famiɛn'n i sonja'm be nin Zerizalɛm nin Lakis, ɔ nin Azeka be su kun. I blɛ sɔ'n nun'n, wuun Zida klɔ nga bé sili be wun bɔ be tɛ ka'n be yɛ be o lɛ-ɔ.

Zakari 14:3

Kpɛkuun Anannganman'n nin nvle sɔ mun be ´ko kun. Kɛ alɛ tɔ titi-ɔ ɔ fa yo'n, i su yɛ ɔ ´nian yo-ɔ.

Mmla'n 7:23

Sanngɛ Anannganman amun Nyanmiɛn'n ɔ ´fa nvle sɔ mun ´wla amún sa nun. Be su wun-man bé wun yowlɛ srɛ b'ɔ ´kun be'n i dunman nun, lele san be ´wie nunnun mlɔnmlɔnmlɔn.

Zozie 10:11

Amɔrfuɛ'm be wie'm be wanndi kpɛnnin Bɛt-Ɔrɔn sin lɔ. Kɛ be fɛ lɛ lele ´ju Azeka'n, Anannganman man nzraama dandan kpa bɔ kɛ nzue tɔ'n be gua'n be guali be su lele fa juli Azeka. Ɔ man sran nga nzraama sɔ'm be kunnin be'n, be sɔnnin tra be nga Izraɛlfuɛ'm be kunnin be tokofi nun'n.

Zozie 10:28

Le kunngba sɔ'n nun Zozie fali Makeda klɔ'n. Ɔ kunnin i famiɛn'n ɔ nin i su sran'm be kwlaa. Sran ba kun a ka-man lɔ. Sa ng'ɔ fa yoli Zeriko famiɛn'n, i kunngba'n yɛ ɔ fa yoli Makeda famiɛn nin-ɔn.

Zozie 10:9

Zozie nin i alɛ kunfuɛ'm be nantili kɔnguɛ wunmuan'n, kpɛkuun be wa fuli Amɔrfuɛ'm be nun.

Zozie 11:8

Anannganman fali be wlali Izraɛlfuɛ'm bé sa nun, be kwlali be, be suli be su lele juli Sidɔn klɔ dan'n i nglo lɔ, ɔ nin Misrɛfɔt Maim lɔ, ɔ nin Mizpa kongo nun lɔ wia afiliɛ lika'n nun lɔ. Be kwlali be mlɔnmlɔn, b'a yaci-man sran ba kun sa lɛ.

Zozie 12:16

Makeda, Betɛl,

Zozie 15:35

Zarmit, Adilam, Soko, Azeka,

Zozie 15:41

Gɛderɔt, Bɛt-Dagɔn, Naama ɔ nin Makeda. Be ti klɔ dandan blu-nin-nsiɛn. Klɔ kanngan nga be mantan be lɛ'n be uka su.

Zozie 16:3

I sin, ɔ jra wia atɔliɛ lɔ Zaflɛtfuɛ'm be nvle'n nun lɔ. Ɔ sin Bɛt-Ɔrɔn b'ɔ kan ase'n ɔ nin Gezɛr be afiɛn, kpɛkuun ɔ kpɛn Mediterane jenvie'n i nuan.

Zozie 16:5

Efraim akpasua'n nyannin lika nga i awɛ'n fɛ i Atrɔt-Adar lɔ ngua lɔ wia afiliɛ lɔ lika nun fa ju Bɛt-Ɔrɔn b'ɔ ti nglo-nglo'n,

Zozie 21:22

Kibzaim, ɔ nin Ɔrɔn. Be ti klɔ nnan ɔ nin be nnɛn didiwlɛ nga be mantan be lɛ'n.

Jɔlɛ Difuɛ Mun 4:15

Anannganman man Sizɛra nin i kakaklolo'm b'a nyan-man jranwlɛ, be wanndili Barak bo. Sizɛra fin i kakaklolo nun jrali nan ɔ'a wanndi i ja nun.

Jɔlɛ Difuɛ Mun 4:16

Barak suli kakaklolo nin alɛ kunfuɛ'm be su lele juli Arɔsɛt-Gɔim. Kɛ be ´ju lɛ'n, wuun b'a wie Sizɛra i alɛ kunfuɛ'm be kwlaa be kun. Be nun kun sa a ka-man lɛ.

Jɔlɛ Difuɛ Mun 5:20

Nzraama'm be fin nyanmiɛn su lɔ be nin Sizɛra be wa kunnin.

1 Samiɛl 13:18

Akpasua i nnyɔn su'n fali Bɛt-Ɔrɔn atin'n su. Akpasua nsan su fali awɛ su atin'n. Atin sɔ'n wo kongo nga be flɛ i kɛ gboklo'm be kongo'n i ti su nglo yɛ ɔ mantan aawlɛ flɛnnɛn'n.

1 Samiɛl 17:1

Filistifuɛ'm be yiali be sonja mun kɛ be ´ko kun alɛ. Be yiali Zida i lika nga be flɛ i kɛ Soko'n nun lɔ. Kpɛkuun be boli be nanmue'n Efɛs-Damim b'ɔ o Soko nin Azeka be afiɛn'n.