Zozie 1:8 - NYANMIƐN NDƐ'N 1998

⁸ Mmla ng'ɔ ti klɛwa fluwa nga nun'n, kan flan nun. Bu i akunndan wia su nin kɔnguɛ, kɛ ɔ ´yo nan w'a fa su sɛsɛsɛ'n ti. Sɛ a yo sɔ'n yɛ like nga a yo'n ɔ ´yo ye-ɔ.

Zozie 1:8 Iomraidhean Croise

Bo Bolɛ 24:63

Le kun nnɔsua, ɔ ɔli wlan-wlanlɛ bo'n nun ɔ su ba. Ɔ ´to i nyin-ɔn, nyɔnngɔnmɛn mun yɛ ´be ba yɛ.

2 Be Nyoliɛ 26:5

Blɛ bɔ Zakari nyin tɛ o su'n, Ozias miɛnnin i nyin fɛli i wun mantannin Nyanmiɛn kpa, afin Zakari kle i kɛ ɔ sro Nyanmiɛn. I sɔ'n ti, Nyanmiɛn man i ninnge ng'ɔ yoli be'n be yoli ye.

Jue Mun 119:11

N fa ɔ ndɛ'n n sie min klun kpa kɛ ɔ ko yo nan m'an fɔn-man ɔ́ wun'n ti.

Jue Mun 119:15

M bu sa nga a fa be sie sran'm be nyrun'n be akunndan kpa. N nian atin nga a kle'n be su kpa.

Jue Mun 119:97

Nanwlɛ n klo ɔ mmla'n dan. Cɛn ba'n kwlaa i yɛ m bu i akunndan sa mlɔnmlɔnmlɔn-ɔn.

Jue Mun 119:99

N si like n tra min ngwlɛlɛ klefuɛ mun, afin n yaci-man sa nga a fa be sie min nyrun'n be akunndan bulɛ.

Jue Mun 19:14

Wun tufuɛ'm be ti, sasa min bɔ n ti ɔ sufuɛ'n. Nán be fu min su! I liɛ'n, sran fi su nyan-man ndɛ tɛ ɔ kɛn-mɛn i min wun, yɛ n su yo-man sa tɛ dan.

Jue Mun 40:10

Anannganman, a de sran. M bo jasin fɛ sɔ'n anyia dan'n nun. M muan-man min nuan. Ɔ bɔbɔ a si sɔ.

Nyanndra Mun 3:1

Mín wa, ndɛ nga n kan kle wɔ'n, nán be mlin ɔ klun. Yɛ like nga n kle wɔ'n, nán ɔ́ nyin kpa be su.

Ezai 59:21

Anannganman kan gua su ekun kɛ: «Min Anannganman min liɛ'n, nda nga n ´ta be'n yɛ: Min Wawɛ'n ɔ ´tran be su, yɛ min ndɛ bɔ n fa wlali bé nuan'n, ɔ su jaso-man bé nuan nun, ɔ su jaso-man be mma'm bé nuan nun, ɔ su jaso-man be anunman'm bé nuan nun. Kɛ ɔ fin ndɛ'n, ɔ ´yo sɔ tititi .»

Matthieu 12:35

Sran kpa'n ɔ yi like kpa i ninnge kpakpa'm be nun, yɛ sran tɛ'n ɔ yi like tɛ i ninnge tɛtɛ'm be nun.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Matthieu 7:21

«Nán sran'm be kwlaa bɔ be flɛ min be Min'n be ngba yɛ Nyanmiɛn ´sie be sakpa-a, san sran ng'ɔ yo min Si b'ɔ o nyanmiɛn su lɔ'n i klun sa'n, i yɛ ɔ ´sie be sakpa-a.

Matthieu 7:24

«I sɔ'n ti, sran kwlaa ng'ɔ tie ndɛ nga n ´kɛn i yɛ'n nan ɔ fa su'n, ɔ ti kɛ ngwlɛlɛfuɛ b'ɔ kplɛnnin i sua yɛbuɛ su'n sa.

JÉSUS-CHRIST I DYASIN FE'N BO LUC KLELI'N 11:28

Jésus a kplin-man su, nan ɔ'a se kɛ: «Se kɛ, sran ng'ɔ tie Nyanmiɛn ndɛ'n b'ɔ fa su'n, i liɛ su ti ye!»

Jean 13:17

Sɛ an si sa sɔ'n nan an fa su'n, amun liɛ su ti ye.

Jean 14:21

Sran ng'ɔ ti min ndɛ'n nan ɔ fa su'n, sran sɔ'n yɛ ɔ klo min-ɔn. Sran ng'ɔ klo min'n, n Si wa klo i, n kusu m ma klo i, yɛ n ´yi mín wun kle i.»

Efɛzfuɛ Mun 4:29

Nán ndɛ tɛ kun sa fin amún nuan fite, sanngɛ an `kan ndɛ ng'ɔ ti kpa bɔ sran ti-ɔ ɔ yo sran'n, nan ɔ yo be kwlaa nga be ti'n be fɛ.

Mmla'n 29:8

Ɔ man amun `fa aenguɛ nga ɔ nin amun ´trɛ i yɛ'n i nun ndɛ'm bé su, amun `nian su be `nanti nan like kwlaa nga amun ´yo'n ɔ'a yo kpa ɔ'a man amun.»

Mmla'n 29:9

Amún su kpɛnngbɛn mun, nin amun nyrun mmua dunfuɛ mun, ɔ nin amun awlo bo kpɛnngbɛn mun, nin amun alɛ su kpɛnngbɛn mun, nin amun mma mun, nin amún yi mun, ɔ nin aofuɛ nga amun sike be'n mun, wie'm be ti yie bufuɛ, wie'm be kusu be ti nzue safuɛ, amun kwlaa amun yɛ amun wo Anannganman amun Nyanmiɛn'n i nyrun yɛ.

Mmla'n 30:14

Ɔ ti-man sɔ, ndɛ sɔ'n wo amún wun koko lɛ. Ɔ o amún nuan, ɔ o amun anwlɛn'n nun, i su falɛ'n ti-man lele .

Mmla'n 31:11

kɛ Izraɛlfuɛ'm be kwlaa be ko ba Anannganman amun Nyanmiɛn'n i nyrun lika ng'ɔ ´kle i nun lɛ'n, amun `kanngan mmla'n kle be man be ti.

Mmla'n 31:24

Kɛ Moiz wieli mmla wunmuan'n klɛ fluwa kun nun'n,

Mmla'n 5:1

Moiz flɛli Izraɛlfuɛ'm be kwlaa, nan ɔ'a se be kɛ: Izraɛlfuɛ mun, amun `tie mmla fanunfanun nga n ´kan be n ´kle amun ndɛ yɛ'n. Amun `suan be, yɛ amun `nian bé su `nanti.

Mmla'n 5:29

Sɛ ɔ ti kɛ bé nyin yi min sa titi yɛ be fa mín nuan ndɛ'm be kwlaa su'n, wuun nga, be nin be osu nunfuɛ'm be ´nyan ye sa tititi.

Mmla'n 5:32

Moiz seli Izraɛlfuɛ'm be kɛ: «Amun `fa ndɛ nga Anannganman amun Nyanmiɛn'n fa mannin amun'n i su kpa. Nán amun yi i ase.

Kolɔsfuɛ Mun 3:16

Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

Zozie 1:7

Jran kekle, ?A ti? Yo yakpafuɛ. Nian mmla nga min sufuɛ Moiz fa mannin wɔ'n i kwlaa su. Nán nian bɛ, nán nian fama. Sɛ a yo sɔ'n, like kwlaa nga bɔ a yo'n ɔ ´yo ye.

Zozie 8:34

Zozie kanngannin ndɛ nga be klɛli mmla fluwa nun'n kwlakwla, yɛ ɔ kanngannin be nuan yralɛ, ɔ nin muae bolɛ, nin sannzan bolɛ ndɛ mun.

Sa nglô yile 22:14

Be nga be kpuli be tralɛ'n, b'ɔ man be kwla di waka ng'ɔ man nguan'n i mma'n, bɔ be kwla sin klɔ'n i anuan nun'n, be liɛ su ti ye !