Zozie 1:7 - NYANMIƐN NDƐ'N 1998

⁷ Jran kekle, ?A ti? Yo yakpafuɛ. Nian mmla nga min sufuɛ Moiz fa mannin wɔ'n i kwlaa su. Nán nian bɛ, nán nian fama. Sɛ a yo sɔ'n, like kwlaa nga bɔ a yo'n ɔ ´yo ye.

Zozie 1:7 Iomraidhean Croise

1 Famiɛn Mun 2:2

Ɔ seli i kɛ: «N su wa kɔ nanwlɛ klɔ. Jran kekle, yo like kɛ sran yasua fa yo'n sa.

1 Famiɛn Mun 2:3

Nanti Anannganman ɔ Nyanmiɛn'n i atin'n su sɛsɛsɛ. Niɛn i nuan ndɛ'n su yo ng'ɔ kan kle wɔ'n. Fɛ i mmla fanunfanun'm bɔ be ti klɛwa Moiz i fluwa nun'n bé su. I liɛ'n, lika kwlaa nga a wo'n, sɛ a gugu kɛ a ´yo like wie'n, ɔ wa yo kpa man wɔ.

2 Famiɛn Mun 22:2

Like nga Anannganman klo i'n yɛ ɔ yoli-ɔ. Ajalɛ klanman nga i nannan David fali'n i kunngba'n yɛ ɔ fali-ɔ, ɔ'a kaci-mɛn i.

1 Be Nyoliɛ 22:13

Sɛ a fa mmla fanunfanun nga Anannganman fa wlali Moiz nuan kɛ ɔ fa man Izraɛlfuɛ mun be su'n, like nga bɔ a yo'n, ɔ ´yo ye. Jran kekle, yɛ tra wɔ anwlɛn, nán srɛ kun wɔ, nán ɔ klun titi wɔ.

2 Be Nyoliɛ 15:7

Amun liɛ'n, amun `jran kekle, nán amún sa sin bubu amun, afin amun wa nyan amun junman nga amun di'n i nuan like.»

2 Be Nyoliɛ 26:5

Blɛ bɔ Zakari nyin tɛ o su'n, Ozias miɛnnin i nyin fɛli i wun mantannin Nyanmiɛn kpa, afin Zakari kle i kɛ ɔ sro Nyanmiɛn. I sɔ'n ti, Nyanmiɛn man i ninnge ng'ɔ yoli be'n be yoli ye.

Zɔb I Nyrɛnnɛn Wunlɛ 1:8

Anannganman seli Satan kɛ: «?A wunnin min sufuɛ Zɔb i wafa ng'ɔ fa ti'n? Asiɛ'n su lɔ sran fi nin i sɛ-man. Ɔ ti sran bɔ be kwla saci-mɛn i wun bɔ kaan sa. Ɔ yo sa i nuan su. I nyin yi min. Ɔ klo-man kɛ ɔ `yo sa tɛ.»

Jue Mun 80:19

Yɛ e su kpɔci-man wɔ kun. Man e nguan, wɔ yɛ e ´su wɔ-ɔ.

Nyanndra Mun 4:27

Nán kɔ bɛ su, nán kɔ fama su, nán fa atin tɛ su.

Nyanndra Mun 8:20

Nanwlɛ atin'n nun yɛ n nanti-ɔ, sɛsɛ atin'n i afiɛn yɛ n nanti-ɔ.

Daniɛl 10:19

Yɛ ɔ seli min kɛ: ‹Nyanmiɛn i anwlɛn su sran, nán srɛ kun wɔ. Man ɔ́ wun jɔ wɔ fɔuun. Tra wɔ anwlɛn, man ɔ wunmiɛn'n bla.› Kɛ ɔ ´kan ndɛ'n kle min sɔ'n, kpɛkuun min wunmiɛn'n bali min nun. Yɛ n seli i kɛ: ‹Nannan, sɛ ɔ waan a ´kan ndɛ'n kan, afin w'a man min wunmiɛn.›

Kalɛ 27:23

Ɔ fɛli i sa'n sieli i su, yɛ ɔ fɛli i kacili i wun kɛ Anannganman fa seli i kɛ ɔ `yo'n sa.

Mmla'n 11:8

Ɔ man ndɛ nga n ´kan kle amun ndɛ yɛ'n, amun `fa be sie nan amu'an nyan fanngan, nan amu'an ɔ mɛn nga amun su kɔ i falɛ'n nun lɔ.

Mmla'n 28:14

Nán amun yaci mmla nga n ´fa man amun ndɛ yɛ'm be lɛ kɛ amun ´nian bɛ nin fama. Nán amun fa bé wun ko man like uflɛ kɛ amun ´sɔ be.

Mmla'n 29:8

Ɔ man amun `fa aenguɛ nga ɔ nin amun ´trɛ i yɛ'n i nun ndɛ'm bé su, amun `nian su be `nanti nan like kwlaa nga amun ´yo'n ɔ'a yo kpa ɔ'a man amun.»

Mmla'n 29:9

Amún su kpɛnngbɛn mun, nin amun nyrun mmua dunfuɛ mun, ɔ nin amun awlo bo kpɛnngbɛn mun, nin amun alɛ su kpɛnngbɛn mun, nin amun mma mun, nin amún yi mun, ɔ nin aofuɛ nga amun sike be'n mun, wie'm be ti yie bufuɛ, wie'm be kusu be ti nzue safuɛ, amun kwlaa amun yɛ amun wo Anannganman amun Nyanmiɛn'n i nyrun yɛ.

Mmla'n 31:7

Yɛ Moiz flɛli Zozie Izraɛlfuɛ'm be kwlaa be nyrun lɛ nan ɔ'a se i kɛ: «Jran kekle, tra ɔ anwlɛn, afin wɔ yɛ a wa fa Izraɛl nvle'n a ´wlu mɛn nga Anannganman tali be nannan'm be nda kɛ ɔ ´fa man be'n i nun-ɔn. Wɔ yɛ a ´cɛ nun ´man be-ɔ.

Mmla'n 4:2

Ndɛ nga n fa sie amun nyrun'n, nán amun kpɛ wie gua nun, nán amun yi wie ase. Sanngɛ amun `nian Anannganman amun Nyanmiɛn'n i nuan ndɛ nga n fa sie amun nyrun'n su.

Mmla'n 5:32

Moiz seli Izraɛlfuɛ'm be kɛ: «Amun `fa ndɛ nga Anannganman amun Nyanmiɛn'n fa mannin amun'n i su kpa. Nán amun yi i ase.

Zozie 1:1

Kɛ Anannganman i sufuɛ Moiz wuli'n , Anannganman seli Nɛn i wa Zozie b'ɔ ti Moiz i gbanflɛn'n kɛ:

Zozie 1:8

Mmla ng'ɔ ti klɛwa fluwa nga nun'n, kan flan nun. Bu i akunndan wia su nin kɔnguɛ, kɛ ɔ ´yo nan w'a fa su sɛsɛsɛ'n ti. Sɛ a yo sɔ'n yɛ like nga a yo'n ɔ ´yo ye-ɔ.

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Zozie 11:15

Alɛ nun'n, ndɛ nga Anannganman kan kleli Moiz'n, Zozie niannin su yoli i kɛ ɔ fata'n sa.

Zozie 23:6

Sanngɛ amun `kplin amún nyin kpa, amun `nanti mmla nga be klɛli i Moiz fluwa nun'n su. Nán amun nian bɛ su, nán amun nian fama su.