Zozie 1:5 - NYANMIƐN NDƐ'N 1998

⁵ Sran fi su kwla jran-man ɔ nyrun lele san ɔ́ wie. N wa jran ɔ́ sin kɛ n jrannin Moiz i sin'n sa. N su kpɔci-man wɔ le. N ´jran ɔ́ sin titi.

Zozie 1:5 Iomraidhean Croise

Bo Bolɛ 39:2

Anannganman nin Zozɛf be o nun, ɔ man ninnge ng'ɔ yo'n be yo kpa. Zozɛf trannin i min'n bɔbɔ i awlo lɔ.

1 Famiɛn Mun 1:37

Man Anannganman jran Salomɔn sin kɛ ɔ fa jrannin ɔ́ sin'n sa. Man i fanngan nun'n, Salomɔn i sielɛ'n ɔ tra ɔ liɛ'n!»

1 Famiɛn Mun 11:38

Sɛ a tie i kwlaa nga n kan kleli wɔ'n, sɛ a fa min atin'n su nan a yo sa ng'ɔ ti i su'n, sɛ a fa min mmla fanunfanun'm be su kɛ David b'ɔ ti min sufuɛ'n fa yoli'n sa'n, i liɛ'n, e nin wɔ e ´tran. N ´yo man wɔ awlo'n ´taka kɛ n fa takali David liɛ'n sa. Kpɛkuun n ´fa Izraɛl'n man wɔ,

1 Famiɛn Mun 6:13

N ´tran Izraɛlfuɛ'm be afiɛn, n su kpɔci-man min nvle sɔ'n le.»

1 Famiɛn Mun 8:57

Man Anannganman e Nyanmiɛn'n ɔ nin ye tran kɛ ɔ nin e nannan mun fa trannin'n sa. Nán ɔ kpɔci ye, nán ɔ yi ye ase.

1 Be Nyoliɛ 28:20

David kɛnnin i ekun kleli i wa Salomɔn kɛ: «Jran kekle, yɛ tra wɔ anwlɛn nan di junman sɔ'n. Nán srɛ kun wɔ, nán ɔ klun titi wɔ, afin Anannganman Nyanmiɛn'n b'ɔ ti min Nyanmiɛn'n ´jran ɔ́ sin. Ɔ su yi-man wɔ ase, ɔ su kpɔci-man wɔ lele yɛ i sua'n i su junman'n ´wie-ɔ.

Jue Mun 46:11

I waan: «Amun `jran, man amun si kɛ n ti Nyanmiɛn. Min yɛ n sie nvle'm be nunfuɛ mun-ɔn. Min yɛ n sie asiɛ wunmuan nin-ɔn.»

Ezipt Lɔ Tulɛ'n 3:12

Nyanmiɛn tɛli i su kɛ: «N jin ɔ́ sin, yɛ nian, nzɔliɛ b'ɔ kle kɛ min yɛ n sunman wɔ'n yɛ. Kɛ a ko fa Izraɛlfuɛ mun ko fite'n, amun wa su min oka nga su.»

Ezai 42:16

N ´fa anyansifuɛ mun n sin atin nin atin mma kanngan nga be si-man be laa'n be nun. N ´kaci aosin ng'ɔ o be nyrun'n kɛ like b'ɔ kpaja'n sa. Yɛ lika nga be ti kolokolo'n, be ´kaci lika kpɛkplɛkpɛ. Sa nga n ´yo be'n be yɛ be o lɛ-ɔ. Yɛ n su kpɔci-man be.

Zeremi 1:8

Nán yo srongble sran fi nyrun, afin n jin ɔ sin, n ´de wɔ.» Anannganman'n yɛ ɔ kan sɔ-ɔ.

Daniɛl 11:16

Sran ng'ɔ ´jaso i wun kɛ ɔ nin i be ´kun'n, sa kwlaa ng'ɔ klo kɛ ɔ ´fa yo i'n yɛ ɔ ´fa yo i-ɔ. Sran fi su jrɛn-mɛn i nyrun. Ɔ wa tran mɛn ng'ɔ ti klanman tra mɛn'm be kwlakwla'n i nun, ɔ ´nunnun like ng'ɔ o nun'n kwlaa.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

Rɔmfuɛ Mun 8:37

Kannzɛ sa sɔ'n kwlaa tɔ e su'n, Jésus b'ɔ kloli ye'n ti, e tra safunyrɛn.

Mmla'n 20:1

Sɛ amun ´kɔ alɛ kunlɛ'n, nan amun ´nian-an, amun kpɔfuɛ'm be nnɛn kpanngɔ mun, nin be kakaklolo'm be kpanngban ɔ tra amun liɛ'n, nán amun sro be, afin Anannganman amun Nyanmiɛn b'ɔ fali amun Ezipt mɛn'n nun lɔ bali'n, ɔ nin amun wo nun.

Mmla'n 20:4

Afin Anannganman amun Nyanmiɛn'n ɔ nin amun yɛ ɔ ´kɔ-ɔ. Sɛ amun nin amun kpɔfuɛ mun amun ´kun'n, ɔ ´uka amun, ɔ ´man amun kwlalɛ .»

Mmla'n 31:23

Kpɛkuun Anannganman seli Nɛn i wa Zozie kɛ: «Jran kekle, tra ɔ anwlɛn, afin wɔ yɛ a ´dun Izraɛlfuɛ'm be mmua yɛ a ´fa be wlu mɛn nga n tali be nda kɛ n ´fa man be'n nun lɔ-ɔ. E nin wɔ e o nun.»

Mmla'n 4:31

Afin Anannganman amun Nyanmiɛn'n ti Nyanmiɛn kun b'ɔ si aunnvuɛ dan kpa. Ɔ su yi-man amun ase le. Ɔ su nunnun-man amun le. I wla su fi-man aenguɛ ng'ɔ nin amun nannan mun be trali'n su, ɔ tali su nda.

Mmla'n 7:24

Anannganman ´fa be famiɛn mun ´wla amún sa nun. Amun ´yo man be dunman ´mlin asiɛ'n su, be wie fi su jran-man amun nyrun, san amun ´nunnun be.

2 Timote 4:17

Sanngɛ e Min'n yɛ ɔ jran min sin, yɛ ɔ wlali n fanngan yɛ man n kwla kɛnnin i ndɛ'n kwlaa yɛ man be kwlaa nga be ti-man Zuif'n be tili-ɔ. Ɔ deli min asɔmɔli'n i nuan nun.

Hébreu 13:5

Like nga amun ´yo'n, nán an yo i sika klolɛ'n ti. Man amún nyin yi like nga an lɛ i'n, afin Nyanmiɛn bɔbɔ seli kɛ: «N su yaci-man wɔ, n su kpɔci-man wɔ mlɔnmlɔn .»

Zozie 1:17

Kɛ é nyin fa yili Moiz'n, yɛ é nyin ´fa yi wɔ-ɔ. Nga e srɛ'n, yɛlɛ kɛ man Anannganman ɔ Nyanmiɛn'n jran ɔ́ sin kɛ ɔ jrannin Moiz sin'n sa.

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Zozie 10:8

Anannganman seli i kɛ: «Nán sro be, m'an fa be m'an man wɔ, be wie fi su jran-man ɔ nyrun.»

Zozie 21:44

Anannganman man be trannin fɔuun nun be nvle'n kwlaa nun, kɛ ɔ fa boli bé nannan'm be kasiɛ'n sa. Ɔ man be yoli kwlafuɛ be kpɔfuɛ'm be kwlaa be su. Be nun kun sa ɔ'a kwla jran-man be nyrun.

Zozie 3:7

Anannganman seli Zozie kɛ: «Kɛ ɔ fin ndɛ'n, n wa man ɔ dunman'n su Izraɛlfuɛ'm be nyrun. Be wa si kɛ n jin ɔ́ sin kɛ n fa jrannin Moiz i sin'n sa.

Zozie 6:27

Anannganman jrannin Zozie sin. Ɔ man Zozie i dunman'n fuli nvle wunmuan sɔ'n nun.

Jɔlɛ Difuɛ Mun 2:18

Kɛ Anannganman man be jɔlɛ difuɛ kun ɔ ukɛ i, blɛ nga jɔlɛ difuɛ i nyin tɛ o su'n, Anannganman de be be kpɔfuɛ'm be sa nun. Afin kɛ be ´kle be yalɛ bɔ be ´mianmian be'n, be sun flɛ Anannganman. I kusu ɔ si be aunnvuɛ,

Jɔlɛ Difuɛ Mun 6:16

Anannganman seli i kɛ: «Ɔ nin i sɔ ngba'n, n wa jran ɔ́ sin, a wa kwla Madianfuɛ mun kɛ sran kunngba yɛ a nin i be su kun sa.»

1 Samiɛl 10:7

Kɛ nzɔliɛ sɔ'n kwlaa i nuan ko yia'n, si kɛ Nyanmiɛn nin wɔ o nun. Yɛ like ng'ɔ fata kɛ a yo'n, yo.