Zozie 1:2 - NYANMIƐN NDƐ'N 1998

² «Min sufuɛ Moiz yɛ ɔ'a wu yɛ. I ti, siesie ɔ wun nan a nin Izraɛl nvle'n amun `kpɛ Zurdɛn nzue'n b'ɔ o yɛ'n, amun `wɔ mɛn nga n su wa fa man Izraɛlfuɛ mun'n i nun.

Zozie 1:2 Iomraidhean Croise

Bo Bolɛ 17:8

N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»

Neemi 9:23

Yɛ a mannin be osu kpanngban kpa kɛ nyanmiɛn su lɔ nzraama mun sa. Yɛ a fali be wluli mɛn nga a seli bé nannan'm be kɛ ɔ ´yo be liɛ'n nun.

Zɔb I Nyrɛnnɛn Wunlɛ 1:8

Anannganman seli Satan kɛ: «?A wunnin min sufuɛ Zɔb i wafa ng'ɔ fa ti'n? Asiɛ'n su lɔ sran fi nin i sɛ-man. Ɔ ti sran bɔ be kwla saci-mɛn i wun bɔ kaan sa. Ɔ yo sa i nuan su. I nyin yi min. Ɔ klo-man kɛ ɔ `yo sa tɛ.»

Ezai 42:1

Amun `nian, min sufuɛ bɔ n jrɛn i sin'n yɛ. Ɔ ti min sran, i yɛ n kpɛli i-ɔ, i su yɛ n fa n wla'n kwlaa n gua-a. N fali min Wawɛ'n n sieli i su, ɔ ´kle nvle-nvle'm be nunfuɛ'm be sa kpa yolɛ'n i atin'n .

Kalɛ 12:7

Sanngɛ min sufuɛ Moiz liɛ'n, ɔ ti-man sɔ. I liɛ'n, ɔ nian min awlo'n su kpa.

Mmla'n 3:28

Sa nga Zozie ko yo'n kan kle i. Wlɛ i fanngan man ɔ yo yakpa, afin i yɛ ɔ wa dun mmua Izraɛlfuɛ'm be nyrun yɛ ɔ ´fa mɛn nga a wa wun i lɛ'n ´man be-ɔ.»

Mmla'n 31:7

Yɛ Moiz flɛli Zozie Izraɛlfuɛ'm be kwlaa be nyrun lɛ nan ɔ'a se i kɛ: «Jran kekle, tra ɔ anwlɛn, afin wɔ yɛ a wa fa Izraɛl nvle'n a ´wlu mɛn nga Anannganman tali be nannan'm be nda kɛ ɔ ´fa man be'n i nun-ɔn. Wɔ yɛ a ´cɛ nun ´man be-ɔ.

Mmla'n 34:5

Anannganman i sufuɛ Moiz wuli Moab mɛn'n nun lɛ kɛ Anannganman fa kannin'n sa.

Zozie 1:1

Kɛ Anannganman i sufuɛ Moiz wuli'n , Anannganman seli Nɛn i wa Zozie b'ɔ ti Moiz i gbanflɛn'n kɛ:

Zozie 1:11

be `wlan nanmue nun be `se Izraɛlfuɛ'm be kɛ: «Amun `tɔn aliɛ be sie, afin ɔ ka le nsan amun wa kpɛ Zurdɛn'n, amun ´ko fa mɛn nga Anannganman amun Nyanmiɛn'n waan ɔ ´fa man amun'n.»