Zozie 1:17 - NYANMIƐN NDƐ'N 1998

¹⁷ Kɛ é nyin fa yili Moiz'n, yɛ é nyin ´fa yi wɔ-ɔ. Nga e srɛ'n, yɛlɛ kɛ man Anannganman ɔ Nyanmiɛn'n jran ɔ́ sin kɛ ɔ jrannin Moiz sin'n sa.

Zozie 1:17 Iomraidhean Croise

2 Samiɛl 14:17

N seli min wun ekun kɛ: ‹N lafi su kɛ ndɛ nga famiɛn'n b'ɔ ti min min'n ´kan'n, ɔ ´gua n wla ase yɛlɛ kɛ famiɛn'n b'ɔ ti min min'n, ɔ ti kɛ Nyanmiɛn i anz sa. Ɔ si tɛ nin kpa'n be ngbaciɛ. Man Anannganman ɔ Nyanmiɛn'n nin wɔ tran.› »

1 Famiɛn Mun 1:37

Man Anannganman jran Salomɔn sin kɛ ɔ fa jrannin ɔ́ sin'n sa. Man i fanngan nun'n, Salomɔn i sielɛ'n ɔ tra ɔ liɛ'n!»

1 Be Nyoliɛ 28:20

David kɛnnin i ekun kleli i wa Salomɔn kɛ: «Jran kekle, yɛ tra wɔ anwlɛn nan di junman sɔ'n. Nán srɛ kun wɔ, nán ɔ klun titi wɔ, afin Anannganman Nyanmiɛn'n b'ɔ ti min Nyanmiɛn'n ´jran ɔ́ sin. Ɔ su yi-man wɔ ase, ɔ su kpɔci-man wɔ lele yɛ i sua'n i su junman'n ´wie-ɔ.

Jue Mun 20:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan:

Jue Mun 20:4

Man i wla kpɛn ɔ sraka nga a yi be'n be su. Man ɔ sɔ tɛ nga be yrɛ i nnɛn'n kɔlikɔli'n bɔ a yi be'n be nun.

Jue Mun 20:9

Be sɔfuɛ'm bé ja'n seli kpɛkuun be tɔ. Sanngɛ e liɛ'n e jaso jran, kpɛkuun e jin lɛ cinnjinnjin.

Kalɛ 27:18

Anannganman seli Moiz kɛ: «Flɛ Nɛn i wa Zozie b'ɔ ti yasua kun bɔ min Wawɛ'n wo i nun'n, nan fa ɔ́ sa'n fuɛ i su.

Kalɛ 27:20

Nyrun nga bɔ a lɛ i bɔ a fa sie Izraɛlfuɛ mun'n, man ɔ nyan wie nan bé nyin yi i.

Matthieu 21:9

Sran nga be dun mmua Jésus nyrun'n ɔ nin be nga be su i su'n, be kpan se kɛ: «Ozanna David Anunman! ‹Sran ng'ɔ ba e Min Nyanmiɛn dunman nun'n man ɔ nyan nguan!› Man Ozanna'n tɛ nyanmiɛn su lɔ !»

Mmla'n 34:9

Ngwlɛlɛ wawɛ'n ɔ trannin Nɛn i wa Zozie i nun afin Moiz fɛli i sa'n fuɛli i su. Ɔ man Izraɛlfuɛ'm bé nyin yili i. Be niannin ndɛ nga Anannganman kan kleli Moiz'n su be yoli.

Zozie 1:16

Be tɛli Zozie su kɛ: «Ndɛ kwlaa nga a kan'n, e ´fa su. Kan kwlaa nga a sunman ye'n, e ´kɔ.

Zozie 1:18

Sran kwlaa ng'ɔ yo nyin kekle ɔ su'n, bɔ a se i sa-a, ɔ ti-man'n, e ´kun i. Ɔ li, jran kekle, yo yakpafuɛ.»

Zozie 1:5

Sran fi su kwla jran-man ɔ nyrun lele san ɔ́ wie. N wa jran ɔ́ sin kɛ n jrannin Moiz i sin'n sa. N su kpɔci-man wɔ le. N ´jran ɔ́ sin titi.

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Zozie 4:14

I le kun sɔ'n nun Anannganman mannin Zozie kɔmin su Izraɛlfuɛ'm be nyrun. Kɛ ɔ fin i lɛ'n, bé nyin yili i tititi kɛ be nyin fa yili Moiz'n sa.

1 Samiɛl 17:37

Anannganman b'ɔ deli min asɔmɔli mun nin urs'm bé sa nun'n, i bɔbɔ ɔ ´de min Filistifuɛ'n i sa nun.» Kɛ David kannin sɔ'n, Sail seli i kɛ: «Kɔ, man Anannganman ko sunman wɔ!»

1 Samiɛl 20:13

Sɛ m'an yo-mɛn i sɔ cɛ'n man Nyanmiɛn ɔ wun min. Sɛ kusu ɔ bu ɔ́ wun akunndan tɛ kɛ ɔ ´yo wɔ like'n, n ´sunman sran ɔ ´kan kle wɔ, kpɛkuun m ´man wɔ atin kɛ a wɔ alaje su. Sɛ a kɔ'n, man Anannganman nin wɔ tran kɛ ɔ nin mín si fa trannin'n sa.