Zozie 1:14 - NYANMIƐN NDƐ'N 1998

¹⁴ Amún yi mun, amún bo mma mun, amun nnɛn'm be wa ka lika nga Moiz mannin amun Zurdɛn i bue kun wa'n nun. Sanngɛ amun kwlaa nga b'a jran alɛ kunlɛ'n, amun `fa be alɛ ninnge mun, amun `dun amun niaan'm be nyrun nan amun `uka be,

Zozie 1:14 Iomraidhean Croise

Ezipt Lɔ Tulɛ'n 13:18

I sɔ'n ti yɛ ɔ fali be sinnin atin klɛklɛ wie b'ɔ o aawlɛ flɛnnɛn'n nun lɔ'n su nin-ɔn. Atin sɔ'n kɔ ndɛma jenvie'n su lɔ'n. Kɛ Izraɛlfuɛ'm be ´jaso Ezipt lɔ'n, be siesieli bé wun alɛ kunlɛ'n ti.

Kalɛ 32:26

E mma mun, é yi mun, e nnɛn mun, yɛ e nnɛn kpanngɔ mun, nin e aflunmun'm be kwlaa be ´ka Galaad klɔ'm bé su wa,

Mmla'n 20:8

Man alɛ su kpɛnngbɛn'm be usa ekun kɛ: «?Wan yɛ srɛ kun i-ɔ? ?Yɛ wan yɛ i klun titi i-ɔ? Man ɔ sɛ i sin ɔ wɔ i awlo, nán man ɔ bubu i wiengu'm bé sa sin.»

Mmla'n 3:19

Amún yi mun nin amun mma kanngan mun, ɔ nin amun nnɛn mun yɛ be ´ka klɔ nga n fa mannin amun'n bé su-ɔ. N si kɛ amun nnɛn'm be sɔnnin.

Mmla'n 33:21

Lika ng'ɔ nyɛnnin i'n, i kpafuɛ'n yɛ ɔ fali-ɔ. Ɔ fali lika ng'ɔ ti bɔ siefuɛ yɛ ɔ `fa'n. Kpɛkuun ɔ dunnin mmua i niaan'm be nyrun. Ɔ yoli sa kpa Anannganman nyrun, ɔ yoli like nga Anannganman kan kleli Izraɛl kɛ ɔ yo'n.»

Zozie 1:13

«Man amun wla kpɛn su kɛ Anannganman i sufuɛ Moiz seli amun kɛ: ‹Anannganman amun Nyanmiɛn'n fali mɛn ng'ɔ o yɛ'n mannin amun kɛ amun tran nun.›

Zozie 1:15

lele san be ´fa mɛn nga Anannganman fa man be nzue i bue kun lɔ'n. Bé wun ´jɔ be wie kɛ amun sa ka nan amu'an sa be sin mɛn nga Anannganman i sufuɛ Moiz fa mannin amun Zurdɛn'n i bue nga su'n nun.»

Zozie 4:12

Ribɛn i akpasua'n, nin Gad i akpasua'n, nin Manase i akpasua bue'm be sonja'm be nin be alɛ ninnge mun be dun mmua Izraɛlfuɛ'm be nyrun be kpɛli Zurdɛn'n kɛ Moiz kan kleli be'n sa.

Sa nglô yile 17:4

Bla sɔ'n kla tannin bɔ ti ɔkwlɛ kankankan, nin tannin ɔkwlɛ youun. Sika ɔkwlɛ, nin yɛbuɛ kpakpa bɔ be ti nyannyan'n, ɔ nin afle kpakpa be o i wun. Sika klowa o i sa nun. I tekle bolɛ like kainkain bɔ be ti tɛtɛ kpa'n ɔ'a yi i .