Zozie 1:11 - NYANMIƐN NDƐ'N 1998

¹¹ be `wlan nanmue nun be `se Izraɛlfuɛ'm be kɛ: «Amun `tɔn aliɛ be sie, afin ɔ ka le nsan amun wa kpɛ Zurdɛn'n, amun ´ko fa mɛn nga Anannganman amun Nyanmiɛn'n waan ɔ ´fa man amun'n.»

Zozie 1:11 Iomraidhean Croise

2 Famiɛn Mun 20:5

«Sa ɔ́ sin ko se Ezekias b'ɔ ti min nvle'n i su kpɛn'n kɛ: ‹Anannganman b'ɔ ti ɔ nannan David i Nyanmiɛn'n waan: N tili ɔ srɛwa'n, n wunnin ɔ nyinmuɛn'n, ɔ man i ti n wa yo wɔ juejue. Ainman sin'n a wa kɔ min sua'n nun lɔ.

Ezipt Lɔ Tulɛ'n 19:11

Man be siesie bé wun be minndɛ ainman sin, afin cɛn sɔ'n nun n wa jra Sinai oka'n su sran'm be kwlaa be nyrun.

Ndɛ Nga Nyanmiɛn I Nuan Ijɔfuɛ Oze Kannin'n 6:2

Wa nin le nnyɔn'n ɔ ´yo man e nyan nguan ekun, e ´tintin é sa ase i fanngan nun. Kpɛkuun i le nsan su'n, ɔ ´man ye su e ´yo juejue, e wa tran nguan nun i nyrun ekun .

Mmla'n 11:31

Zurdɛn'n yɛ amun su wa kpɛ amun ´ko fa mɛn nga Anannganman amun Nyanmiɛn'n ɔ'a fa man amun'n lɛ-ɔ. Kɛ amun fa mɛn sɔ'n, amun ´tran nun lɛ'n,

Mmla'n 3:18

I blɛ sɔ nun'n, n kannin ndɛ kleli amun, n jrannin su, n seli amun kɛ: «Anannganman amun Nyanmiɛn'n fali lika nga mannin amun. Sonja mun, amun kwlakwla amun `fa amun alɛ ninnge mun nan amun `dun mmua amun niaan Izraɛlfuɛ kun nga'm be nyrun.

Mmla'n 9:1

Izraɛlfuɛ mun, amun `sie amún su! Zurdɛn'n yɛ amun su wa kpɛ i lɛ-ɔ. Amun ´ko fa nvle bɔ be dandan tra amun liɛ'n, bɔ be nun sran'm be kekle tra amun. Nvle sɔ'm be nun klɔ'm be ti dandan, yɛ bé wun talɛ'm be ti cinnjin kpa, yɛ be ti nglo-nglo.

Zozie 1:10

Yɛ Zozie seli sonja kpɛnngbɛn mun kɛ

Zozie 1:2

«Min sufuɛ Moiz yɛ ɔ'a wu yɛ. I ti, siesie ɔ wun nan a nin Izraɛl nvle'n amun `kpɛ Zurdɛn nzue'n b'ɔ o yɛ'n, amun `wɔ mɛn nga n su wa fa man Izraɛlfuɛ mun'n i nun.

Zozie 3:2

Sonja kpɛnngbɛn'm be fali le nsan be wlannin ngblaliɛ'n nun.