Nyanndra Mun 5:3 - NYANMIƐN NDƐ'N 1998

³ Bian kunndɛfuɛ'm bé nuan nun ndɛ'n yo fɛ kpa. Ɔ ti nɛnkɛn-nɛnkɛn, awɛma nzue bɔbɔ fɛ i wun wɔ. Ɔ ti mlɛn-mlɛn kɛ ngo b'ɔ yo fɛ'n sa .

Nyanndra Mun 5:3 Iomraidhean Croise

Jue Mun 55:21

Nian, gblɛfuɛ'n, ɔ nin i janvuɛ mun b'a nyɛn i. Nda ng'ɔ tali'n, ɔ'a di-man su kun.

Nyanndra Mun 2:16

I liɛ'n, a su yaci-man bla wie lɛ ɔ su lakalaka-man wɔ. Bla nuan nun ndɛ nɛnkɛn-nɛnkɛn wie su lakalaka-man wɔ.

Nyanndra Mun 22:14

Bla nga bian yɛ be kunndɛ'n, bé nuan nun ti nɛnkɛn-nɛnkɛn. Be nuan nun ndɛ'n ti kɛ kunman dan wie sa. I sɔ kunman liɛ'n, sran nga Anannganman fɛ i wun ya'n kpɛkuun ɔ'a tɔ nun.

Nyanndra Mun 5:20

?Ɔo, mín wa, sran wie yi i klolɛ liɛ tre? ?A nin bla wie amun nun blalɛ liɛ'n tre?

Nyanndra Mun 6:24

Ninnge sɔ mun'n, be ti man bla tɛfuɛ'n ɔ su nyan-man wɔ. Ɔ man sɛ bla ng'ɔ ti-man ɔ́ yi'n lakalaka wɔ-ɔ ɔ su nyan-man wɔ.

Nyanndra Mun 7:21

Yɛ bla'n ɔ ´fɛ i gblɛ'n nin i nuan nun nɛnkɛn-nɛnkɛn'n ɔ ´fa nyan yasua kan sɔ nin-ɔn.

Nyanndra Mun 7:5

Akunndan nin ngwlɛlɛ sɔ'n be ´sasa wɔ bla nga be ti bian kunndɛfuɛ'n be lika. Be ´sasa wɔ bla nga be lɛ bian bɔ bé nuan nun ndɛ ti nɛnkɛn-nɛnkɛn'n be lika.

Akunndanfuɛ'n 7:26

N wunnin kɛ bla nga ɔ sua yasua'm be wun aya'n, ɔ wla sran nyrɛnnɛn nun tra wie b'ɔ kun sran'n. Klolɛ ng'ɔ se kɛ ɔ klo yasua'n ɔ ti kɛ aya sa, yɛ i sa'n ɔ ti kɛ jrɔkɔ sa yɛ ɔ fa ci i-ɔ. Sanngɛ sran ng'ɔ klo Nyanmiɛn'n, i sɔ bla'n kwla nyɛn-mɛn i, san sran ng'ɔ yo sa tɛ'n yɛ ɔ kwla nyɛn i-ɔ.

Ngɔjue Fɛfɛ Kpa'n 4:11

Min yi, ɔ nuan bui'm be su ti nɛnkɛn-nɛnkɛn kɛ awɛma nzue sa. Ɔ taaman'n i bo ti awɛma nzue nin nɔnnɔn ngunmin. Ɔ tralɛ'm be bɔn klanman kɛ Liban waka mun sa.