Nyanndra Mun 4:4 - NYANMIƐN NDƐ'N 1998

⁴ Mín si'n kleli min ngwlɛlɛ, ɔ seli min kɛ yoo: «Min ndɛ nga n kan kle wɔ'n, man be tran ɔ klun. Mín nuan su ndɛ nga n kan be'n, sɛ a di su'n a lɛ nguan.

Nyanndra Mun 4:4 Iomraidhean Croise

Bo Bolɛ 18:19

M'an kpɛ i kɛ ɔ kan kle i mma mun nin be anunman nga be ´wu be'n be kɛ be `fa min atin'n su be nanti sɛsɛ, nan m'an yo like nga n kan kleli i kɛ n ´yo'n.»

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

Jue Mun 119:11

N fa ɔ ndɛ'n n sie min klun kpa kɛ ɔ ko yo nan m'an fɔn-man ɔ́ wun'n ti.

Jue Mun 119:144

Sa nga a fa be sie min nyrun'n, be ti i nuan su tititi. Man min ngwlɛlɛ, kɛ ɔ ´yo nan m'an ka nguan nun'n ti.

Jue Mun 119:168

N fa ɔ mmla nga a sie be'n, ɔ nin sa nga a fa be sie min nyrun'n bé su. Like kwlaa nga n yo'n, ɔ bɔbɔ ɔ́ nyin ta nun.

Nyanndra Mun 22:6

Atin b'ɔ ti klanman bɔ bakan'n ko fa su'n, kle i i bakan nun. I liɛ'n, kɛ ɔ ´fa yo kpɛnngbɛn'n, ɔ su yaci ko fa-man uflɛ.

Nyanndra Mun 23:26

Mín wa, fa ɔ́ wla'n gua min su. Min atin liɛ nga n fali su'n, fa su wie klanman.

Nyanndra Mun 3:1

Mín wa, ndɛ nga n kan kle wɔ'n, nán be mlin ɔ klun. Yɛ like nga n kle wɔ'n, nán ɔ́ nyin kpa be su.

Nyanndra Mun 3:2

Afin sɛ a ´cɛ asiɛ'n su'n, ɔ fin be. Sɛ a ´di alaje'n, ɔ fin be.

Nyanndra Mun 7:2

Sɛ a fa min ngwlɛlɛ ndɛ'm be su-ɔ a lɛ nguan. Min ndɛ nga n kan kle wɔ'n, fa be sie kpa. Sasa be kpa kɛ a fa sasa ɔ nyinma'n sa.

Ezai 55:3

Amun `sie amún su, yɛ amun `bla ń sin. Amun `tie ndɛ nga n kan'n, yɛ amun ´nyan nguan. E nin amun e wa tra aenguɛ, ɔ su saci-man le . Anannganman seli kɛ: «Ye nga n kan kleli David kɛ n ´yo i'n, n ´fa yo amun.

Zeremi 38:20

Zeremi tɛli i su kɛ: «Be su fa-man wɔ be wla-man bé sa nun. Ndɛ nga Anannganman'n kan'n, ɔ li fa ɔ́ su tie. Sɛ a fa ɔ́ su tie'n, ɔ ´uka wɔ, a ´fite nun.

Jean 12:50

Yɛ n si kɛ ndɛ ng'ɔ se n kɛ n kan'n, ɔ man sran nyan anannganman nguan. I sɔ'n ti, ndɛ nga n Si se n kɛ n kan'n, yɛ n kan-an.»

Efɛzfuɛ Mun 6:4

Nja mun, amun kusu, nán an yo sa b'ɔ kun amun mma'm be ya, sanngɛ an `ta be kpa e Min'n liɛ'n su, yɛ an `tu be fɔ, an `kle be ngwlɛlɛ.

Mmla'n 4:9

Sanngɛ amun `nian amún wun kpa cɛn kwlakwla kɛ ɔ ´yo nan amún wla ɔ'a fi-man sa nga amun bɔbɔ amun wunnin be'n ti. Nán man be fin amun akunndan nun fite le. Amun `fa kle amun mma mun nin amun anunman mun.

Mmla'n 6:6

Man mmla nga n su fa man amun ndɛkɛn yɛ'n be ka amun klun.

2 Timote 1:5

N wla o ɔ Nyanmiɛn su bɔ a lafi kpa'n su, ɔ nannan Lois nin ɔ nin Enis be yɛ be dun mmua lafili i su sɔ-ɔ. Yɛ n si kɛ a lafi i su sɔ wie kusu.

2 Timote 3:15

Kɛ ɔ fin ɔ ba kaan nun'n, a si Nyanmiɛn Ndɛ nga be klɛli'n yɛ man a si ngwlɛlɛ b'ɔ man sɛ be lafi Krist su-ɔ be nyan bé ti nin-ɔn.

Hébreu 5:9

Kɛ ɔ yoli sran wafa nga Nyanmiɛn klo kɛ ɔ `yo'n, ɔ man be kwlaa nga bé nyin yi i'n, be ´nyan bé ti mlɔnmlɔn,

Jɔlɛ Difuɛ Mun 13:12

Manɔak seli kɛ: «Ndɛ'n yɛ a kɛnnin i lɛ-ɔ. ?Sɛ sa sɔ'n i nuan yia'n, nguɛ yɛ e ´yo e man ba nin-ɔn?»