Nyanndra Mun 4:2 - NYANMIƐN NDƐ'N 1998

² Afin ndɛ kpa yɛ n su kan kle amun lɛ-ɔ. Ngwlɛlɛ nga n kle amun'n, nán ɔ sin amún sa sin.

Nyanndra Mun 4:2 Iomraidhean Croise

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

2 Be Nyoliɛ 7:19

Sanngɛ sɛ amun fa atin uflɛ'n, sɛ amun gua min mmla fanunfanun nga n fa mannin amun'n be ase'n, yɛ sɛ amun ko sɔ amuɛn mun nan amun koto bé bo'n,

Zɔb I Nyrɛnnɛn Wunlɛ 11:4

A ko se kɛ: «Akunndan nga m bu'n, i kwlaa ti kpakpa ngunmin. N ti saun Nyanmiɛn nyrun.»

Zɔb I Nyrɛnnɛn Wunlɛ 33:3

Gblɛ kaan sa su fite-man nun. Nga n si i'n n ´kɛn i weiin.

Jue Mun 119:87

Ɔ kali kan nan b'a kun min, sanngɛ n yi-man ɔ mmla'm bé blo.

Nyanndra Mun 3:1

Mín wa, ndɛ nga n kan kle wɔ'n, nán be mlin ɔ klun. Yɛ like nga n kle wɔ'n, nán ɔ́ nyin kpa be su.

Zeremi 35:8

Nga e nannan Zɔnadab kannin'n yɛ e fa su-ɔ. Kɛ e o e liɛ sa'n, e nin é yi mun nin e mma mun, be yasua o, be bla o, e nɔn-man nzan.

Mmla'n 32:2

Man like nga n kle sran mun'n, ɔ yo kɛ nzue yɛ ɔ su tɔ sa. Man min ndɛ nga n kan be mun'n, be yo kɛ nglɛmun bɔlɛ'n b'ɔ gua'n sa. Man be yo kɛ nzue b'ɔ gua nnya'm be su'n sa. Man be yo kɛ nzue b'ɔ gua ijre'm be su'n sa.

1 Timote 4:6

Sɛ a kɛn i sɔ kle aniaan mun'n, bɔ a ´fa Nyanmiɛn i sulafilɛ ndɛ'n nin like kpa nga be kleli wɔ bɔ a fali su'n kaci kɛ wɔ aliɛ sa'n, a ´yo Krist-Jésus i junman difuɛ kpa.

Tite 1:9

Man ɔ yo sran b'ɔ lafi ndɛ nanwlɛ nga be kleli i'n su kpa nan ndɛ nanwlɛ b'ɔ kle'n ti, ɔ kwla tu sran'm be fɔ, yɛ ɔ kle be nga be kpalo i ndɛ'n kɛ be si kɛ b'a fɔn .