Nyanndra Mun 2:11 - NYANMIƐN NDƐ'N 1998

¹¹ Akunndan'n man a su mlin-man. Ngwlɛlɛ'n ɔ ´nian ɔ su kɛ sran sa.

Nyanndra Mun 2:11 Iomraidhean Croise

Jue Mun 25:21

Ɔ su yɛ n lafi-ɔ. Uka min, nán man n yo sa tɛ. Man n nanti kɛ ɔ fata'n sa.

Nyanndra Mun 1:4

I waan ɔ ´bu i sɔ nan be nga be si-man sa'n, b'a si like ng'ɔ ti kpa'n annzɛ ng'ɔ ti tɛ'n, nan gbanflɛn'm b'a si sa, nan b'a si akunndan bulɛ'n i wun atin'n.

Nyanndra Mun 4:6

Nán yi akunndan'n i ase, ɔ ´uka wɔ. Klo i sa, i kusu ɔ ´fa wɔ sie.

Akunndanfuɛ'n 10:10

Sran nga ɔ'a si-man i kpɛliɛ ba'n, ɔ ´fa fanngan dan nan ɔ'a kwla fa di junman. Sɛ be fa ngwlɛlɛ'n yo like'n, ɔ fite muae su.

Efɛzfuɛ Mun 5:15

I sɔ'n ti'n, an `nian amun nantilɛ bɔ an fa nanti'n i su kpa. Nán an yo kɛ sran b'ɔ wun-man sa wlɛ'n sa, sanngɛ an `yo ngwlɛlɛfuɛ.