Nyanndra Mun 1:4 - NYANMIƐN NDƐ'N 1998

⁴ I waan ɔ ´bu i sɔ nan be nga be si-man sa'n, b'a si like ng'ɔ ti kpa'n annzɛ ng'ɔ ti tɛ'n, nan gbanflɛn'm b'a si sa, nan b'a si akunndan bulɛ'n i wun atin'n.

Nyanndra Mun 1:4 Iomraidhean Croise

Jue Mun 116:6

Be nga be bɔbɔ be kwla uka-man bé wun'n, Anannganman nian bé su. Kɛ n yoli fakafaka'n, ɔ deli min.

Jue Mun 119:130

Sran ng'ɔ wun ɔ ndɛ'm be wlɛ'n, i nyin'n uke. Sran nga be bɔbɔ be kwla uka-man bé wun'n, ɔ man be ngwlɛlɛ.

Jue Mun 119:9

?Ɔ yo sɛ yɛ gbanflɛn kun annzɛ talua kun kwla yo saun-ɔn? San ɔ ´fa wɔ ndɛ nga a kan'n su.

Jue Mun 19:7

Ɔ fɛ i nyanmiɛn'n i bue kun lɔ ɔ kɔ lele kpɛn i bue kun lɔ ekun. Like fi nun-man lɛ b'ɔ kpɛjɛ-mɛn i su-ɔ.

Jue Mun 34:11

Asɔmɔli'n i mma mun bɔbɔ, awe kwla kun be. Sanngɛ be bɔ be mantan Anannganman'n, be mian-man like fi wun.

Nyanndra Mun 3:21

Mín wa, nán ndɛ nga'm be fi ɔ́ nyin. Man akunndan nin ngwlɛlɛ ndɛ nga'm be ka ɔ klun.

Nyanndra Mun 8:12

M bɔbɔ min akunndan, like nga m'an wun be'n be sɔnnin. N si kan n ´ko sin nan m'an si akunndan bu'n.

Nyanndra Mun 8:17

Be nga be klo min'n, n kusu n klo be. Be nga be kunndɛ min'n, be wun min .

Nyanndra Mun 8:32

Min mma mun, an `sie amún su mín nuan'n bo. Be nga bɔ be fa min atin'n su'n, be liɛ su ti ye!

Nyanndra Mun 8:5

Ambɛfuɛ mun, amun `sɔnnzɔn ase wunlɛ, sinnglinfuɛ mun, amun `suan ngwlɛlɛ.

Akunndanfuɛ'n 11:9

Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Ezai 35:8

Be wa yi atin kun ´sin lɛ. Be flɛ i kɛ Atin B'ɔ Ti Ngunmin'n. Sran fiɛn fi su sin-man nun, ɔ ´yo Anannganman i nvle nunfuɛ'm be ngunmin be sinwlɛ. Be nga be ´fa su'n, kannzɛ be ti sinnglinfuɛ bɔbɔ'n, be su kwla mlin-man.

Mmla'n 4:6

Sɛ amun fa bé su nan amun nian bé su fa nanti'n, sɛ nvle kun nga'm be nunfuɛ'm be ti mmla sɔ'm be nun ndɛ mun'n, be ´si kɛ amun ti ngwlɛlɛfuɛ nin akunndanfuɛ mun. Nga be ´se'n yɛlɛ kɛ: «Nvle dan nga i nunfuɛ'm be si ngwlɛlɛ o, be si sa o!»

2 Timote 2:22

Nán bu like nga gbanflɛn konvi sɔ i'n i akunndan, sanngɛ be kwlaa nga sa tɛ nun-man be anwlɛn'n nun bɔ be bo flɛ e Min'n, a nin be an `mian amún nyin an `yo sa ng'ɔ ti kpa'n, an `lafi Nyanmiɛn su, an `klo Nyanmiɛn nin sran, yɛ man amun nuan sɛ amun wun.

Tite 2:6

Kan kle gbanflɛn'm be kɛ be kusu be yo sa i nuan su.