Nyanndra Mun 1:2 - NYANMIƐN NDƐ'N 1998

² I waan ɔ ´bu i nyanndra sɔ mun kle sran mun nan be `si akunndan, nan ndɛ nga be kan kle be'n, b'a wun i wlɛ, nan akunndan nun ndɛ nga be kan kle be'n, b'a si i bo.

Nyanndra Mun 1:2 Iomraidhean Croise

Nyanndra Mun 15:33

Bé nyin b'ɔ yi Anannganman'n ɔ man ngwlɛlɛ. Sɛ a dun mmua kan ɔ wun ase'n, yɛ a ´nyan nyrun-ɔn.

Nyanndra Mun 16:16

Sɛ be kpɛ akunndan'n i wun atin nan be nyɛn i'n, ɔ ti kpa tra sika ɔkwlɛ. Sɛ be kpɛ ngwlɛlɛ'n i wun atin nan be nyɛn i'n, ɔ ti kpa tra jɛtɛ ufue.

Nyanndra Mun 17:16

?Sinnglinfuɛ'n i sa nun sika'n, ɔ fa yo nguɛ ye? ?Ɔ fa to ngwlɛlɛ-ɔ ɔ yo ye? Kannzɛ be to bɔbɔ-ɔ, i sinnzin'n ti ɔ kwla to-man.

Nyanndra Mun 19:20

Be man wɔ afɔtuɛ-ɔ, fa ɔ́ su sie su. Lo ɔ́ wun man be kle wɔ ngwlɛlɛ, i liɛ'n cɛn wie a ´fa si ɔ ngwlɛlɛ liɛ.

Nyanndra Mun 2:9

Sɛ a sie ɔ́ su tie min ndɛ'n, a ´si sa nuan su yolɛ'n nin kpa yolɛ'n be nun ndɛ. A ´si sa kpa'n i yo.

Nyanndra Mun 4:1

Min mma mun, amun `tie. An `sie amún su ndɛ nga amún si'n n kan'n i bo nan amu'an si akunndan.

Nyanndra Mun 7:4

Fa akunndan'n yo kɛ ɔ niaan bla wie sa. Fa ngwlɛlɛ'n kusu yo wɔ aenguɛ.

Nyanndra Mun 8:33

Afɔtuɛ nga m man'n, amun `sie amún su be tie nan amu'an yo akunndanfuɛ. Nán an se kɛ amun fa-man su.

Nyanndra Mun 8:5

Ambɛfuɛ mun, amun `sɔnnzɔn ase wunlɛ, sinnglinfuɛ mun, amun `suan ngwlɛlɛ.