Mmla'n 9:3 - NYANMIƐN NDƐ'N 1998

³ Ndɛkɛn'n, man amun si kɛ Anannganman amun Nyanmiɛn'n ɔ ´dun mmua amun nyrun, ɔ ti kɛ sin sa, ɔ yra. I yɛ ɔ wa nunnun be-ɔ. I yɛ ɔ ´gua be nyin ase-ɔ. Ɔ man amun wa fuan be, amun wa kun be ndɛndɛ kpa kɛ Anannganman kan kleli amun'n sa.

Mmla'n 9:3 Iomraidhean Croise

Ezipt Lɔ Tulɛ'n 23:23

Min anz'n ´dun mmua amun nyrun, ɔ ´fa amun kɔ Amɔrfuɛ mun, nin Ɛtfuɛ mun, nin Ferezfuɛ mun, nin Kanaanfuɛ mun, nin Evfuɛ mun, ɔ nin Zɛbisfuɛ'm be mɛn'n nun lɔ, yɛ n ´nunnun nvle sɔ mun.

Ezipt Lɔ Tulɛ'n 24:17

Anannganman i nyrun nyannyan'n yoli Izraɛlfuɛ'm be nyrun kɛ sin dan wie yɛ ɔ su jue oka'n su lɔ sa.

Ezai 27:4

N fɛ-mɛn i wun ya, sanngɛ sɛ n wun susrɛ nin owie nun'n, n ´tiatia be su, yɛ n ´wɔ be kwlakwla be nun.

Ezai 30:27

Amun `nian, Anannganman'n bɔbɔ fin mmua lɔ su ba. Ɔ'a fa ya dan kpa. Ndɛ ng'ɔ fin i nuan fite'n ti ya ndɛ, i nuan nun ndɛ'n ti kɛ sin sa.

Ezai 30:30

Anannganman ɔ wa ijɔ, ɔ man be ´ti i nɛn'n b'ɔ yo sro'n. Kɛ ɔ fa ya'n, wafa ng'ɔ fɛ i sa bo sran'n, ɔ ´yi i nglo. Ɔ ´yi i nglo sin dan kun b'ɔ ´jue vlauun-vlauun'n nun, ɔ nin nzue kun b'ɔ ´tɔ, b'ɔ ´yi ɔ fa lika kwlakwla'n i nun, ɔ nin aunngban dan kun b'ɔ ´fita'n nun, yɛ ɔ nin nzraama bɔ kɛ nzue ´tɔ ɔ gua'n i nun.

Ezai 30:33

Be trɔli sin kun ɔ'a cɛ. Famiɛn'n i bɔbɔ liɛ o nun. Sin sɔ'n i trɔwlɛ'n ti klukluklu, ɔ ti tɛtrɛ, yɛ ɔ ti kploun, be ´fa yie kpanngban kpa yɛ be ´trɔ-ɔ. Anannganman i bue nun kpukpuwa'n yɛ ɔ ´sɔ i nuan-an. Ɔ wa yo kɛ sufru kpanngban yɛ ɔ su jue sa.

Ezai 33:14

Siɔn lɔ be nga be yo sa tɛ'n, srɛ kun be. Be nga be nyin yi-man Nyanmiɛn'n, be usu. Be usa kɛ: «Wan yɛ ɔ wo e nun b'ɔ kwla jran sin dan nga i nyrun-ɔn? ?Wan yɛ ɔ wo e nun b'ɔ kwla jran sin kpli ng'ɔ nuan-man mlɔnmlɔn yɛ'n i wun koko-ɔ?»

Mise 2:13

Sran ng'ɔ dun mmua amun nyrun'n, yɛ ɔ ´bo atin nin-ɔn. I fanngan nun man talɛ ng'ɔ si amun wun'n, amun ´kpɛ nun toklo amun ´fite. Amun famiɛn Anannganman yɛ ɔ ´dun mmua amun nyrun-ɔn .»

Matthieu 15:10

Jésus flɛli sran mun nan ɔ'a se be kɛ: «An `sie amún su tie.

Marc 7:14

Ɔ flɛli sran mun ekun nan ɔ'a se be kɛ: «Amun kwlaa an `tie min ndɛ'n, an `bu i akunndan.

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

Efɛzfuɛ Mun 5:17

I sɔ'n ti'n, nán an yo sinnglinfuɛ, sanngɛ an `mian amún nyin kɛ amun ´si like nga e Min'n klo kɛ an yo'n.

Mmla'n 1:30

Anannganman amun Nyanmiɛn b'ɔ dun mmua amun nyrun'n, i bɔbɔ ɔ ´kun amún ti alɛ kɛ ɔ fa yoli i Eziptfuɛ'm bé su amun bɔbɔ amun nyrun'n sa,

Mmla'n 20:1

Sɛ amun ´kɔ alɛ kunlɛ'n, nan amun ´nian-an, amun kpɔfuɛ'm be nnɛn kpanngɔ mun, nin be kakaklolo'm be kpanngban ɔ tra amun liɛ'n, nán amun sro be, afin Anannganman amun Nyanmiɛn b'ɔ fali amun Ezipt mɛn'n nun lɔ bali'n, ɔ nin amun wo nun.

Mmla'n 20:4

Afin Anannganman amun Nyanmiɛn'n ɔ nin amun yɛ ɔ ´kɔ-ɔ. Sɛ amun nin amun kpɔfuɛ mun amun ´kun'n, ɔ ´uka amun, ɔ ´man amun kwlalɛ .»

Mmla'n 4:24

Afin Anannganman amun Nyanmiɛn'n jue kɛ sin sa, ɔ yra, ɔ ti Nyanmiɛn kun b'ɔ si kwla .

Mmla'n 7:16

Amun `nunnun nvle nga Anannganman amun Nyanmiɛn'n fa be man amun'n be kwlakwla. Nán amun si be aunnvuɛ. Nán amun sɔ be amuɛn'm be wie. Sɛ amun yo sɔ-ɔ, amuɛn sɔlɛ ɔ ´tra amun kɛ aya sa.

Mmla'n 7:22

Anannganman amun Nyanmiɛn'n ɔ ´fuan nvle sɔ mun amun nyrun kanngankanngan. Amun su kwla bo-man be mɛn'n kpɛ kunngba sa. Ɔ yo sɔ-ɔ, bo nun nnɛn wlɛfuɛ'm be ´sɔn ngboko.

Mmla'n 9:6

Man amun si kɛ sɛ Anannganman amun Nyanmiɛn'n fa mɛn klanman nga man amun kɛ amun tran nun'n, nán kpa yɛ amun ti i ti yɛ ɔ fa mannin amun-ɔn, afin amun ti nyin keklefuɛ.

2 Tɛsalonikfuɛ Mun 1:8

Ɔ ´ba sin b'ɔ jue'n nun nan ɔ ´tu be nga be si-man Nyanmiɛn'n nin be nga be fa-man e Min Jésus i jasin fɛ'n su'n be fɔ.

Hébreu 12:29

afin e Nyanmiɛn'n ti kɛ sin sa, ɔ yra .

Zozie 11:12

Zozie kwlali famiɛn nga be ju guɛli i su'n be kwlakwla. Ɔ fali be klɔ mun. Ɔ kunnin famiɛn mun nin klɔfuɛ mun kɛ Moiz b'ɔ ti Anannganman i sufuɛ'n seli be kɛ be yo'n sa.

Zozie 11:8

Anannganman fali be wlali Izraɛlfuɛ'm bé sa nun, be kwlali be, be suli be su lele juli Sidɔn klɔ dan'n i nglo lɔ, ɔ nin Misrɛfɔt Maim lɔ, ɔ nin Mizpa kongo nun lɔ wia afiliɛ lika'n nun lɔ. Be kwlali be mlɔnmlɔn, b'a yaci-man sran ba kun sa lɛ.

Zozie 14:12

I ti oka lika nga Anannganman boli i kasiɛ kleli min kɛ ɔ ´fa man min'n, fa man min. N seli wɔ kɛ Anakfuɛ bɔ be ti blamiɛn'n be tranwlɛ'n yɛlɛ lɛ. Be klɔ'm be ti dandan yɛ be si bé wun talɛ. Sɛ Anannganman jran mín sin'n n ´fuan be lɛ kɛ ɔ fa kannin'n sa.»

Zozie 3:11

Amun `se kɛ sɛ: asiɛ wunmuan'n i Min'n, i alaka'n be wa fa kpɛ Zurdɛn'n amun nyrun.

Zozie 3:14

Izraɛlfuɛ'm be fɛli i ngblaliɛ nun lɛ be ɔli Zurdɛn'n i kpɛlɛ. Nyanmiɛn nyrun jranfuɛ nga be sua Nyanmiɛn i alaka'n be o be nyrun.

Jɔlɛ Difuɛ Mun 4:14

Yɛ Debora seli Barak kɛ: «Jaso, ndɛkɛn yɛ Anannganman ɔ ´yi Sizɛra ´man wɔ-ɔ. Anannganman bɔbɔ ɔ ´dun mmua ɔ nyrun.» Yɛ Barak fin Tabɔr oka'n su jrali-ɔ. I sa nun sran'm be ti akpi blu (10.000).