Mmla'n 9:2 - NYANMIƐN NDƐ'N 1998

² Nvle dan sɔ'm be nunfuɛ'm be wie yɛlɛ Anakfuɛ mun, be ti sran jajraajra. Amun si be. Be yɛ be kan be ndɛ kɛ: «?Anak i mma mun'n, wan yɛ ɔ jran be nyrun-ɔn ɔ yo ye-ɔ?» Amu'an ti ndɛ sɔ'n le.

Mmla'n 9:2 Iomraidhean Croise

Zɔb I Nyrɛnnɛn Wunlɛ 11:10

?Ɔ man sɛ Nyanmiɛn waan sran kun ɔ'a yo sa, nan ɔ ´fɛ i kɔ i bɔbɔ ja su ɔ ´di i jɔlɛ nan ɔ ´wlɛ i bisua'n, wan yɛ ɔ lɛ ndɛ kan-an?

Ezipt Lɔ Tulɛ'n 9:11

Ezipt lɔ atrɛ yifuɛ'm b'a kwla fite-man Moiz nyrun yra sɔ'n dunman nun ti. Afin yra'n yoli be wie.

Daniɛl 11:16

Sran ng'ɔ ´jaso i wun kɛ ɔ nin i be ´kun'n, sa kwlaa ng'ɔ klo kɛ ɔ ´fa yo i'n yɛ ɔ ´fa yo i-ɔ. Sran fi su jrɛn-mɛn i nyrun. Ɔ wa tran mɛn ng'ɔ ti klanman tra mɛn'm be kwlakwla'n i nun, ɔ ´nunnun like ng'ɔ o nun'n kwlaa.

Daniɛl 8:4

Kɛ n ´nian'n, n wunnin kɛ bua nene'n ɔ toto i wɛ'n wia atɔliɛ bue liɛ'n su lɔ nin nglo lɔ, nin ngua lɔ. Nnɛn uflɛ fi kwla jrɛn-mɛn i nyrun. Be kwla de-man sran fi i sa nun. Like kwlaa ng'ɔ klo kɛ ɔ ´yo'n yɛ ɔ yo-ɔ. Kpɛkuun ɔ yo dan kɔ i nyrun.

Amɔs 2:9

Sanngɛ wuun Amɔrfuɛ mun bɔ be tɛnndɛn'n ti kɛ sɛdri waka sa'n, bɔ be kekle'n ti kɛ sɛni waka sa'n, m bɔbɔ min m'an nunnun be m'an guɛ i ti nin bo m'an man amun.

Naɔm 1:6

?Kɛ ɔ ko fa ya'n, wan yɛ ɔ kwla jrɛn i nyrun-ɔn? ?Blɛ b'ɔ yi i ya dan'n i nglo'n, wan yɛ ɔ kwla jrɛn i nyrun-ɔn? I ya'n ɔ jue kɔ i nyrun kɛ sin sa. Yɛbuɛ tanda mun bɔbɔ ɔ kpaci be nun.

Kalɛ 13:22

Be ´kɔ'n, be sinnin ngua lɔ lika'n nun, be ɔli lele be juli Ebrɔn, kan Anak i mma Aiman nin Sesai, ɔ nin Talmai be osu'n nunfuɛ'm be tran lɛ'n. Ba sɔ'm be ti blamiɛn. Sran nga be kplannin Ebrɔn klɔ'n be dun mmua kplannin ɔ dili afuɛ nso kwlaa nan sran uflɛ'm b'a kplan Zɔan b'ɔ wo Ezipt lɔ'n.

Kalɛ 13:28

Sanngɛ mɛn sɔ'n nun sran'm be ti tinwa yɛ be klɔ'm bé wun ti siwa. Klɔ sɔ'm be cɛncɛnnin kpa. Anak i osu'n nunfuɛ mun bɔ be ti blamiɛn'n e wunnin be lɛ bɔbɔ.

Kalɛ 13:33

Afin sran nga e wunnin be lɔ'n be kwlaa be ti sran jajraajra ngunmin. Be ti Anak i osu nunfuɛ mun. Kɛ e nin be e jran sa'n, be tra é su fatifati, e ti bé bo kɛ ijrewa mun sa. Be nyrun kusu kɛ e ti sɔ-ɔ .»

Mmla'n 1:28

?Ninfan cɛ yɛ e ´sin bɔ e ´kpɛn lɔ-ɔ?› E niaan'm be bubuli é sa sin. Be waan: ‹Lɔ sran'm be tɛnndɛn tra ye, yɛ be lɛ wunmiɛn tra ye. Be klɔ'm be ti dandan, talɛ ng'ɔ si klɔ sɔ'm bé wun'n be ti nglo-nglo kpa, be to nyanmiɛn'n lɔ. Yɛ e wunnin Anak i anunman'm bɔ be ti sran blamiɛn'n be lɔ wie bɔbɔ.› »

Mmla'n 2:21

Be nvle'n ti dan, be sɔnnin, kpɛkuun be ti jajraajra kɛ Anakfuɛ'm be sa. Anannganman nunnunnin be mannin Amɔnfuɛ mun. Amɔnfuɛ'm be deli sran sɔ'm be lika'n be trannin be osu.

Mmla'n 7:24

Anannganman ´fa be famiɛn mun ´wla amún sa nun. Amun ´yo man be dunman ´mlin asiɛ'n su, be wie fi su jran-man amun nyrun, san amun ´nunnun be.

Zozie 11:21

I blɛ kunngba'n nun, Zozie nin Anakfuɛ nga be tran oka'm be su Ebrɔn lɔ'n, nin Debir lɔ'n, ɔ nin Anab lɔ'n, nin Zida'n, ɔ nin Izraɛl oka-oka lika'm be nun'n be kunnin. Ɔ nunnunnin be klɔ'n mlɔnmlɔnmlɔn.

Zozie 11:22

Anakfuɛ ba kun sa ɔ'a ka-man Izraɛl mɛn'n nun san Gaza, nin Gat, ɔ nin Asdɔd lɔ yɛ wie kali-ɔ.

Zozie 15:14

Kalɛb fuannin Anakfuɛ'm b'ɔ be ti blamiɛn'n be akpasua nsan nga be tran lɛ mun: Sesai, nin Aiman, ɔ nin Talmai.