Mmla'n 8:8 - NYANMIƐN NDƐ'N 1998

⁸ Mɛn sɔ'n ti ble, nin ɔrz, nin vinyi, nin figie, nin grenadie, nin olivie, ɔ nin awɛma nzue mɛn.

Mmla'n 8:8 Iomraidhean Croise

Bo Bolɛ 49:11

Vinyi i wun yɛ ɔ ´minndɛ i aflunmun nin-ɔn, vinyi'm be nun kpa'n i wun yɛ ɔ ´minndɛ i aflunmun nin-ɔn. Ɔ ´fa nzan yɛ ɔ ´kpu i tralɛ nin-ɔn. Ɔ ´fa nzan nzue'n yɛ ɔ ´kpu i kondro nin-ɔn.

2 Samiɛl 4:6

Rekab nin Baana be wluli i sua'n klun lɔ. Be yoli bé wun kɛ be su ko fa ble sa, kpɛkuun be wɔli Is-Bosɛt klun tokofi be kunnin i. Yɛ be wanndi ɔli-ɔ.

1 Famiɛn Mun 5:11

Sran fi i ngwlɛlɛ nin i liɛ'n sɛ-man. I ngwlɛlɛ'n ɔ tra Etan b'ɔ ti Ɛzrafuɛ'n i liɛ'n. Ɔ tra Eman, nin Kalkɔl, ɔ nin Darda b'ɔ be ti Masɔl i mma mun be liɛ'n. I ngwlɛlɛ dan'n ti'n, i dunman'n ɔ truli mɛn nga be mantan be lɛ'n be nun.

2 Famiɛn Mun 18:32

Cɛn nga m ba'n, n ´fa amun n ´kɔ mɛn kun b'ɔ ti kɛ amun liɛ sa'n nun. Mɛn sɔ'n i asiɛ'n ti kpa. Ble nga be fa yo kpaun'n, nin vinyi nga be fɛ i mma'n yi nzan'n, ɔ nin olivie nga be fɛ i mma'n yi ngo'n, ninnge sɔ'm be yo ye lɔ kpa. Awɛma nzue o lɔ ekun. Amun su wu-man, sanngɛ amun ´nyan nguan. I ti nán amun tie Ezekias b'ɔ kpɛ amun gblɛ'n i nuan ndɛ'n. Ɔ se amun kɛ: Anannganman ´de ye! Gblɛ yɛ ɔ kpɛ-ɔ!

Jue Mun 147:14

Amun asiɛ liɛ nga amun tran su'n, fɔundi bɔ cɛ yɛ ɔ fa man amun-ɔn. Ble'n i kpakpafuɛ'n, ɔ yo man amun di amun ku yi.

Jue Mun 81:16

Kpɛkuun wuun Anannganman i kpɔfuɛ'm be ´yaci bé wun tulɛ akunndan'n, yɛ ɔ ´tu be fɔ.

Ezai 7:23

Blɛ sɔ nun'n, vinyi fie bɔ i su vinyi ja'n ti akpi'n, bɔ bé gua kwla ju jɛtɛ ufue akpi'n, be ´ka owie-owie nin flɔn'm be nun.

Zeremi 2:7

N fali amun m bali asiɛ kpa su nan amun di i su ninnge kpakpa'n wie. An bali min mɛn'n nun, kpɛkuun an wa yoli i fiɛn. M bɔbɔ min like'n, an fa yoli tete like.›

Zeremi 5:17

Be ´di amun ninnge'n kwlakwla. Be ´di ɔ fie su lɔ aliɛ mun nan b'a di klɔ wa liɛ mun. Be ´kun amun mma mun, i yasua mun o, i bla mun o, be ´kun be. Be ´kun amun nnɛn mun, i boli mun o, i bua mun o, i nannin mun o, be ´kun be. Be ´saci amun vinyi fie mun nin amun figie fie mun. Amun lɔ klɔ nga be sisi bé wun b'ɔ man an bu i kɛ sa kwla nyan-man amun'n, be ´fa alɛ saci be.

Ezekiɛl 27:17

Zidafuɛ'm be nin Izraɛlfuɛ'm be nin wɔ di aata, yɛ be man wɔ ble b'ɔ fin Minit nin gato, nin awɛma nzue, nin ngo, nin waka bue nzue b'ɔ bɔn fannin'n.

Ndɛ Nga Nyanmiɛn I Nuan Ijɔfuɛ Oze Kannin'n 2:22

Jalɛ nga n ´ja wɔ'n, min nin wɔ e ´tran lelele kpɛkuun siɛn'n a si min Anannganman.»

Ndɛ Nga Nyanmiɛn I Nuan Ijɔfuɛ Oze Kannin'n 2:8

I sɔ'n ti m bɔbɔ min Anannganman'n, kɛ ɔ ´yo nan ɔ'a kwla wun-man atin'n ti n ´si i wun talɛ, n ´fa owie n ´tannin i.

Mise 4:4

Sran'm be ´di vinyi fie nin be olivie fie fɔuun, sran fi su wla-man bé nyin nglo-nglo kun. Anannganman b'ɔ sie mɛn wunmuan'n yɛ ɔ kɛn sɔ kle wɔ-ɔ .

Abakik 3:17

Kannzɛ mma nun-man figie'm be su'n, kannzɛ be nyan-man vinyi mma be ti-man'n, kannzɛ like fi nun-man olivie'm be su'n, kannzɛ be nyan-man aliɛ fie'm be su'n, kannzɛ bua nun-man tuin'm be nun'n, kannzɛ nannin nun-man tuin'm be nun'n,

Kalɛ 13:23

Be ɔli lele be ko toli Ɛskɔl kongo'n lɔ, yɛ be kpɛli vinyi sama kun bɔ vinyi mma kpatrɛ kun wo su'n, be fa sieli waka floloflolo wie su, kpɛkuun sran nnyɔn suali. Be tili grenadie mma nin figie mma be ukali su.

Jean 6:13

Be isali ɔrz kpaun nnun bɔ be dili'n i onga'n gbogbo blu-nin-nnyɔn.

Jean 6:9

«Gbanflɛn kaan kun o wa, ɔ lɛ ɔrz kpaun nnun nin kpatra nnyɔn. ?Sanngɛ sran wlawla nga, ɔ ´ju be nin?»

Mmla'n 32:13

Ɔ man ɔ trannin lika kpɔlɛkpɔlɛ'm be su ɔ man ɔ dili fie'm bé su aliɛ'n, ɔ man ɔ nɔnnin yɛbuɛ'm be nun awɛma nzue'n, ɔ man ɔ nyannin ngo dili. Ngo sɔ'n, ɔ fin kpangba'm be nun.

Mmla'n 32:14

Ɔ nɔnnin nannin mun nin bua'm be nyɔnflɛn nzue'n. Ɔ dili bua nga b'a kpɛ cro nin Bazan lɔ bua nene mun, ɔ nin boli nga be ti lowa kpa'n be nnɛn'n. Ɔ dili ble'n i kpafuɛ'n. Ɔ nɔnnin vinyi mma'n i nzue'n b'ɔ yɛlɛ nzan'n.

Mmla'n 6:3

Izraɛlfuɛ mun, amun `fa amun su sie mmla sɔ'm be su nan amun `fa bé su. I liɛ'n, amun wun ´jɔ amun fɔuun, kpɛkuun amun ´trɛ dan kɛ Anannganman amun Nyanmiɛn'n kannin'n sa. Ɔ seli amun kɛ mɛn ng'ɔ ´fa man amun'n, i asiɛ'n ɔ ´yo like ye kpa, yɛ i kunngba'n ɔ ti nnɛn tawlɛ klanman.

Mmla'n 8:7

Mɛn nga Anannganman su fa amun kɔ nun lɛ'n, ɔ ti mɛn klanman. Nzue ba mun nin fɛtɛ'm be o lɔ, nzue ti'm be o lɔ be nyrɛn gua kongo'm be nun nin oka'm bé su.

Mmla'n 8:9

Ɔ ti-man mɛn kun bɔ be ´sunnzun aliɛ'n yɛ be ´fa man amun lɔ-ɔ. Like fi su mian-man amun lɔ. Mɛn sɔ'n nun yɛbuɛ'm be nun ti blalɛ ngunmin, yɛ i oka'm bé nun ti aaba ngunmin.