Mmla'n 8:3 - NYANMIƐN NDƐ'N 1998

³ Ɔ kannin amun ase, ɔ fali awe kleli amun nun. Kpɛkuun mani bɔ amun si-mɛn i laa'n, ɔ fa tali amun. Amun nannan'm b'a si-mɛn i bɔbɔ. I waan ɔ ´yo sɔ nan amu'an si kɛ nán aliɛ kunngba yɛ ɔ man sran nguan-an, nan ndɛ kwlaa ng'ɔ fin Anannganman'n nuan fite'n yɛ ɔ man sran nguan-an.

Mmla'n 8:3 Iomraidhean Croise

Jue Mun 105:40

Be waan ɔ blɛ be nnɛn. Ɔ yoli man aoko wie'm be bali. Nyanmiɛn su lɔ kpaun yɛ ɔ fa tali be-ɔ.

Jue Mun 37:3

Fa ɔ́ wla'n guɛ i Anannganman su, yo sa i nuan su. Tran mɛn nga nun wa. Fa nanwlɛ'n yo kɛ wɔ aliɛ sa, di.

Matthieu 4:4

Sanngɛ Jésus seli i kɛ, be klɛli i kɛ: «Nán aliɛ kunngba yɛ ɔ man sran nguan-an, sanngɛ ndɛ kwlaa ng'ɔ fin Nyanmiɛn nuan fite'n, i yɛ ɔ man sran nguan-an .»

JÉSUS-CHRIST I DYASIN FE'N BO LUC KLELI'N 4:4

Yɛ Jésus seli i kɛ: «Be klɛli i kɛ: ‹Nán aliɛ kunngba yɛ ɔ man sran nguan-an .› »

1 Korɛntfuɛ Mun 10:3

Aliɛ kunngba b'ɔ fin Nyanmiɛn sa nun'n, yɛ be kwlaa be dili-ɔ ,

Mmla'n 29:5

Amu'an di-man kpaun, amu'an nɔn-man nzan nin nzan kekle. Anannganman bɔbɔ niannin amun lika kɛ ɔ ´yo nan amu'an si kɛ i yɛ ɔ ti amun Nyanmiɛn'n ti.

Mmla'n 29:6

Kɛ e juli lika nga nun wa'n, Siɔn b'ɔ ti Ɛsbɔn famiɛn'n nin Ɔg b'ɔ ti Bazan famiɛn'n be nin e bali alɛ kunlɛ nan y'a kwla be.

Mmla'n 32:47

Nán ndɛ sɔ'n yo amun nyrun ndɛ finfin, afin i yɛ ɔ´yo man amun ´nyan nguan-an, i yɛ ɔ ´yo man amun ´cɛ mɛn nga amun wa kpɛ Zurdɛn'n amun ´ko fa'n i nun lɔ-ɔ.»

Mmla'n 9:9

N fuli oka'n su lɔ yɛbuɛ paplaapla nnyɔn'm be falɛ. Aenguɛ nga Anannganman nin amun trali'n, i nun ndɛ'm be klɛ guali yɛbuɛ sɔ'm be su. N trannin lɔ kɔnguɛ nin wia nun cɛn ba ablanan, m'an di-man like, m'an nɔn-man nzue.