Mmla'n 8:2 - NYANMIƐN NDƐ'N 1998

² Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.

Mmla'n 8:2 Iomraidhean Croise

Bo Bolɛ 22:1

Kɛ ɔ yoli sɔ'n, Nyanmiɛn sali Abraam niannin. Ɔ flɛli Abraam. Abraam tɛli i su kɛ: «M'an sro!»

2 Be Nyoliɛ 32:31

I sɔ'n ti, kɛ Babilɔni famiɛn awlo lɔ sran dandan'm be sunmannin bé nuan ijɔfuɛ'm be kɛ be wa usɛ i abonuan sa ng'ɔ juli i mɛn'n nun'n i wun ndɛ'n, Nyanmiɛn yacili i ngunmin kɛ ɔ kan. Afin i waan ɔ ´sɛ i nian, nan ɔ ´si i klun lɔ sa'n ngba .

2 Be Nyoliɛ 33:12

Kɛ Manase ´wun nyrɛnnɛn'n, ɔ kpan flɛli Anannganman i Nyanmiɛn'n. Ɔ kɛnnin i wun ase i nannan'm be Nyanmiɛn'n nyrun.

2 Be Nyoliɛ 33:19

I Nyanmiɛn srɛlɛ'n nin wafa nga Anannganman fa tɛli i su'n, i sa tɛ b'ɔ yoli'n, ɔ nin i wun bɔ ɔ'a fa mantan-man Nyanmiɛn'n, sraka yiwlɛ lika mun ng'ɔ yoli be'n, ɔ nin lika ng'ɔ kplannin waka nga be sɔ be'n, yɛ lika ng'ɔ takali amuɛn mun kwlaa nan ɔ'a kɛn i wun ase Nyanmiɛn nyrun'n, i kwlaa sɔ'n wo Ozai fluwa'n nun.

Neemi 9:19

Sanngɛ wɔ aunnvuɛ silɛ dan'n ti w'a yi-man be ase aawlɛ flɛnnɛn'n nun. Wɛnsrɛn b'ɔ kle be atin wia nun'n, ɔ nin sin b'ɔ kpaja be nyrun kɔnguɛ'n b'a kpɔci-man be le.

Zɔb I Nyrɛnnɛn Wunlɛ 33:17

kɛ ɔ ´yo nan b'a yo-man sa tɛ nan b'a tu-man be wun'n ti.

Jue Mun 103:2

N ´la Anannganman i ase, n wla su fi-man like ng'ɔ yo mannin min'n i wie fi su.

Jue Mun 106:7

Atrɛ nga a yili be Ezipt lɔ'n, é si'm b'a wun-mɛn i wlɛ. Ye dandan nga a yoli be'n, bé wla ɔ'a kpɛn-man su. Be yoli nyin kekle Ndɛma jenvie'n i nuan lɔ.

Jue Mun 136:16

Ɔ fɛli i nvle'n nunfuɛ mun sinnin aawlɛ flɛnnɛn'n nun lɔ, afin i klun-ufue'n wo lɛ tititi.

Jue Mun 77:11

Ɔ man n se min wun kɛ: «Nga b'ɔ yo min ya'n yɛlɛ like bɔ Nyanmiɛn b'ɔ like fi nun-mɛn i sin'n ɔ yo-man man-man e kun'n.»

Jue Mun 81:7

«M'an sike ɔ wati su trɔ'n m'an jin, yɛ ɔ sa'm b'a yaci gbogbo dan'n i nun tralɛ.

Ezipt Lɔ Tulɛ'n 15:25

Moiz kpan flɛli Anannganman, yɛ Anannganman kleli i waka sin kan kun. Moiz toli yili i nzue'n nun, nan nzue'n ɔ'a yo fɛ. Lɛ yɛ Anannganman mannin Izraɛlfuɛ'm be mmla fanunfanun wie mun nin-ɔn. Lɛ yɛ ɔ sali be niannin nin-ɔn.

Ezipt Lɔ Tulɛ'n 16:35

Izraɛlfuɛ'm be dili mani'n lele afuɛ ablanan, nan b'a ju mɛn bɔ sran'm be tran nun'n i kun nun. Mani'n yɛ be dili lele nan b'a fa ju Kanaan mɛn'n i anyialiɛ'n su lɔ-ɔ.

Ezipt Lɔ Tulɛ'n 16:4

Anannganman'n seli Moiz kɛ: «N wa yo nan kpaun ´fin nglo lɔ gua man amun. Cɛn kun sran'm be ko isa ng'ɔ ju bé cɛn kun dilɛ'n. N wa sa amun n nian sɛ amun ´fa min mmla'm bé su o, sɛ kusu amun su fa-man bé su o.

Ezipt Lɔ Tulɛ'n 20:20

Moiz tɛli bé su kɛ: «Nán srɛ kun amun. Nyanmiɛn waan ɔ ´sa amun nian, i ti yɛ ɔ mantannin amun-ɔn. Ɔ kunndɛ kɛ amún nyin yi i kɛ ɔ ´yo nan amu'an yo-man sa tɛ'n ti.»

Nyanndra Mun 17:3

Sin yɛ be fa sa sika ɔkwlɛ'n nin jɛtɛ ufue'n be nian-an. Sanngɛ sran ng'ɔ sa sran i klun lɔ akunndan'n nian'n yɛlɛ Anannganman.

Ezai 2:17

Klɔ sran'n i wun dandan yolɛ'n ɔ ´kan ase, i wun tulɛ'n ɔ ´go nun. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Zeremi 2:6

B'a usa-man kɛ: ‹?Anannganman'n b'ɔ fali ye Ezipt lɔ bali'n, b'ɔ kleli ye atin aawlɛ flɛnnɛn nun lɔ'n, ɔ liɛ lika kee sɔ'n, lika kunman-kunman sɔ'n, nzue we lika sɔ'n, awlaboɛ lika sɔ'n, lika bɔ sran fi sin-man nun'n, bɔ sran fi tran-man lɔ'n, Anannganman sɔ'n wo nin?

Ezekiɛl 20:19

N ti Anannganman amun Nyanmiɛn, amun `fa mín nuan su ndɛ'n su. Amún nian min mmla be su. Amun `nanti be su.

Amɔs 2:10

N fali amun Ezipt lɔ m bali. N ko sunmannin amun afuɛ ablanan aawlɛ flɛnnɛn'n nun lɔ lele nan m'an fa Amɔrfuɛ'm be mɛn'n m'an man amun.

Kalɛ 14:33

Yɛ amun mma'm be wa wlan-wlan aawlɛ flɛnnɛn'n nun sa daan lele afuɛ ablanan. Amún nyin kekle nga amun yoli'n, be yɛ be wa fɛ i su afɛ nin-ɔn. Ɔ ´yo sɔ lele san amun fuɛn'm be kwlaa be ´ka aawlɛ flɛnnɛn'n nun wa.

JÉSUS-CHRIST I DYASIN FE'N BO LUC KLELI'N 18:14

Nanwlɛ, kɛ gua bo sika defuɛ sɔ'n ´kɔ i awlo'n, Nyanmiɛn nin i be afiɛn a sɛ, sanngɛ ɔ nin kun'n be afiɛn a sɛ-man. Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

Jean 2:25

ɔ man ɔ'a klo-man kɛ be kan sran wun ndɛ be kle i. Afin i bɔbɔ si sran klun lɔ akunndan'n ngba .

Mmla'n 1:3

Kɛ Izraɛlfuɛ'm be fin Ezipt mɛn'n nun lɔ bali'n, i afuɛ ablanan'n i anglo blu-nin-kun'n su anglo'n i cɛn ba klikli'n su'n, yɛ Moiz kannin ndɛ nga Anannganman fa wlɛli i nuan'n kleli Izraɛlfuɛ mun-ɔn.

Mmla'n 1:33

Kusu wuun i yɛ ɔ dun mmua amun nyrun yɛ ɔ kunndɛ amun ngblaliɛ kpɛwlɛ mun-ɔn. Kɔnguɛ'n, ɔ fa sin'n kpaja amún bo nan amun wun atin nga amun ko sin nun'n. Wia'n nun'n, ɔ fa sin wɛnsrɛn'n kle amun atin'n.

Mmla'n 13:3

sɛ sa ng'ɔ kannin'n ɔ ju sakpa'n, yɛ sɛ i ti i waan amun sɔ amuɛn bɔ amun si-man be laa'n nan amun su be'n,

Mmla'n 2:7

Afin like nga amun yoli bɔ Anannganman amun Nyanmiɛn'n man ɔ'a yo-man ye'n ɔ nun-man lɛ. Ɔ niannin amun su aawlɛ flɛnnɛn dan nga i kpɛlɛ'n nun. Afuɛ ablanan nga amun dili'n nun'n, Anannganman amun Nyanmiɛn ɔ'a kpɔci-man amun le. Like fi ɔ'a mian-man amún sa.

Mmla'n 29:5

Amu'an di-man kpaun, amu'an nɔn-man nzan nin nzan kekle. Anannganman bɔbɔ niannin amun lika kɛ ɔ ´yo nan amu'an si kɛ i yɛ ɔ ti amun Nyanmiɛn'n ti.

Mmla'n 32:7

Man amún wla kpɛn sa ng'ɔ juli laa'n bé su. Amun `bu lalafuɛ blɛ'n i akunndan. Amun `usa amún si mun man be koko lalafuɛ nun sa mun kle amun. Amun `usa kpɛnngbɛn mun man be kan wie kle amun.

Mmla'n 7:18

Nán amun sro be. Sa nga Anannganman amun Nyanmiɛn'n fa yoli Ezipt famiɛn'n nin Ezipt mɛn wunmuan'n, man amun wla kpɛn su.

Mmla'n 8:16

Mani bɔ amún si'm be si-mɛn i'n, ɔ fa tali amun. Amun Nyanmiɛn i waan ɔ ´gua amun nyin ase nan ɔ ´sa amun nian, yɛ i waan ɔ ´yo amun ye cɛn wie. Nán amún wla fi i su.

Jacques 1:3

afin an si kɛ kɛ an lafi Nyanmiɛn su, bɔ be sa amun nian'n, yɛ man an kaci sran bɔ be tra be anwlɛn-ɔn.

Jacques 4:10

An `yo amún wun aenvuɛ e Min Nyanmiɛn'n i nyrun, yɛ ɔ man amun ´nyan nyrun.

Jacques 4:6

Sanngɛ ye nga Nyanmiɛn yo ye'n ti dan, afin be klɛli i kɛ: «Nyanmiɛn nin be nga be tu be wun'n mun be lɛ i, sanngɛ ɔ yo aenvuɛfuɛ'm be ye .»

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

Sa nglô yile 2:23

N ´kun i mma mun, ɔ man asɔnun'm be kwlaa be ´si kɛ min yɛ n si sran'm be akunndan'n nin sa ng'ɔ o be klun lɔ nin-ɔn. Like nga an yoli'n, n ´fa sran kun liɛ ng'ɔ yoli'n i nuan like n mɛn i .

Jɔlɛ Difuɛ Mun 2:22

N ´fa nvle sɔ mun n fa sa Izraɛlfuɛ mun n ´nian. Sɛ be ´fa Anannganman i atin kɛ be nannan'm be fali'n sa o.»

Jɔlɛ Difuɛ Mun 3:4

Nvle nga be o lɛ mun yɛ Anannganman yacili be lɛ kɛ ɔ ´fa sa Izraɛlfuɛ mun ɔ ´nian sɛ be ´fɛ i mmla ng'ɔ fa wlali Moiz nuan kɛ ɔ `fa kle be'n su o.